Miŋ Chɔulaba Wanapilɛyɛi te Ŋ Mala pɛ Waŋnda—Yɛɛ Baabuiyo Dimi Yɛ?
Mi waŋnda sinaŋ wanapilɛyɛi chieeŋndo balɔɔ silɔ, nduyɛ mi hei tosa a nɔ lɛ chaŋyɛi kpɛɛluŋ a waŋnda le. Wanaa chiɔuwaa dimi maa, te o yɔŋ pɛ mi waŋndo wa waŋnda malaa o nɔla mbo chɔulaba wanapilɛyɛi.
Mi Baabuiyo ke naa sila mala naa le nyɛ naŋ tosa le acheleŋnda malaa wo. Nyɛ o dimi hoo wo dɔwɔɔ o wali niŋ mala naa miŋ chɔulaba wanapilɛyɛi.
Yɛɛ ŋ nɔ yɛ ma tosa?
Wa wana ikɛndɛ. Kindiŋ le teleŋndo chuaa a acheleŋnda. Mala acheleŋnda a nyɛ ŋ nɔ wo. Hei tosaa cho num mala mi waŋnda nɔ balika melaa le num nduyɛ ma nɔ chaŋyɛi kpɛɛluŋnde a nda.
Sawa mandaa Baabuiyo: “La hiou lachi a kɛndɛi tosaa, nduyɛ waŋnda cho nya kɛndɛi tosal.”—Luku 6:38.
Yɔŋguŋ le acheleŋnda malaa. Nuuviaa nɛilaŋ le wanaa cho o bahawɛilaŋ niŋnda malaa. Ŋ tosa hei sanaa a nda nilaŋ yaŋɔɔ ɔɔ miŋ ke nda nyɛm nda hau ba woŋ le bahawɛi ndaa solioo.
Sawa mandaa Baabuiyo: “Mi chaŋyɛi kpeekpeiye chɔm kaalaa le teleŋ o teleŋ.”—Polowaa 17:17.
Le chɔɔloo sinaa mɛɛ wana manda chaŋyɛi kpɛɛluŋnde a acheleŋnda yɛ, veelu diomndaŋ o suɛi lebolle hei niŋ “Yoomu leYuŋgoo a Chaŋyɛi tosaa.”
Naapum a Yeema Dɔɔ Vɛlɛ
PƐƐKULA BAABUIYO
Tofa Ma Che Mɛɛ Naŋ Tosa Pɛɛku Baabuiyo Hoo Yɛ
Kindiŋ ma sɔla pɛɛku Baabui waŋndo wa num malaa wo.
