What Does the Bible Say?
Nɛɛ ɔɔ yɛɛ cho yɛ Nyina Wɔɔŋndo?
BAA A CHO PA DIMI maa Nyina Wɔɔŋndo . . .
Nyɛ yoomaa o cho ni?
Nyɛ vel dɛnɛ wɔɔŋndo wanachioo niŋndo o cho ni?
Yiyaŋ cho wanachioo o kɔllo o cho ni?
NYƐ BAABUIYO DIMI WO
Mi Nyina Wɔɔŋndo suukaŋ a Chiisu nduyɛ mbo “dɛɛniaa” ndu le mbo tosa yɔŋ wɔɔŋndo. (Maatiu 4:1-4) Lelaŋ, Nyina Wɔɔŋndo o cho nyɛ cho wanachioo o kɔllo le o cho le, kɛlɛŋgaa niŋ te nyɛ vel dɛnɛ wɔɔŋndo wo. Nyɛ yoomaa dɛnɛ wɔɔŋndo kɛsɛ o cho ni.
YƐƐ CHELEŊ NAŊ PƐƐKU YƐ O BAABUIYO NIŊ?
Maalikɛinɔ diandaa fo Nyina Wɔɔŋndo wa o kandɔŋndo ni, kɛ “o cho wana sim o tonya choo le.” (Chɔŋ 8:44) Mbo simnuŋ wana lachoowaa nduyɛ mbo tosal Mɛlɛka nila kalulaŋ.
Mi maalikɛiyaa cheleŋnda bɛɛ tual nila kalula Setanalaŋ kɔɔli.—Sɔɔŋ Chɔɔmaŋndoŋ 12:9.
Nyina Wɔɔŋndo cho wanaa bɔɔbɔɔ suumiaa le ma laalaŋ maa o cho nyɛ yoomaa le o cho le.—Kɔliŋtiaŋ Diiŋ Ndɔɔ 4:4.
Baa Nyina Wɔɔŋndo baŋ pa waŋnda le ndu waa o ba bɛŋgu?
WAŊNDA APUM DIMI maa choolaŋ i cho le waa Nyina Wɔɔŋndo o ba bɛŋgu ni, kɛ wanaa cheleŋnda nɔ siooŋii nyinaa wɔɔŋnda yɔŋii nda tol nda kɔɔli. Vɛɛ ŋ yiyaŋ yɛ?
NYƐ BAABUIYO DIMI WO
“Chieeŋndo hoo kpede o cho Masa Nyinaa Wɔɔŋnda o ba bɛŋgu.” (Chɔŋ Tasoo 5:19) Nyina Wɔɔŋndo nɔ kpaayaa waŋchieeya choo tau, kɛ o beŋ wana o wana le ndu waa o ba bɛŋgu le.
YƐƐ CHELEŊ NAŊ PƐƐKU YƐ O BAABUIYO NIŊ?
Choolaŋ Nyina Wɔɔŋndo soliŋ kpeku le waŋnda huiyo ni.—Kɔliŋtiaŋ Diiŋ Ndɔɔ 11:14.
Lepum, mi nyinaa wɔɔŋnda tol waŋnda kɔɔli.—Maatiu 12:22.
A mala Mɛlɛkaa, a nɔla ma “simul Masa Nyinaa Wɔɔŋnda.”—Chemisi 4:7.