Bebee ndoo hɛnaŋ bɔɔ a finya ndɔ. Nduyɛ chaaŋ ndɔ laandu nɔ kaalaa le yuŋgu ndɔɔ wo dimul ndu diomndaŋ ndaŋ o buŋgɛi hei kandɔŋndo ni. Kɛ mi Bebee cha maa o cho dɛɛniaa le chaaŋ ndɔ wa ndu le, kɛ mɔnɛi o wa ndu chɔɔloo lueiyo ni. Mi Bebee wa dimulɔŋndo maa piɔm finya ndɔ wo ve le ikɛndɛ le. I wa kpendekele maa mɛɛ Bebee poonyiaa a piɔm finya ndɔɔ okɔɔ o yauwo niŋ, a wɔsiŋ hiou woŋ kpou, o wa wɔ mɔnɛi piɔm finya ndɔ wo biyɔɔ kɛ.

Mi Bebee sina maa, mbo chua teleŋ vilɛi le mi waŋndo pɛŋgi mɔnɛi biyɔɔ, taama taama te wana o kaala wo vi pɛ. Baabuiyo veelu piɔmndo aa ‘yaamɔɔnɔ mɛɛlaa.’ (Kɔliŋtiaŋ Tasoo 15:​26) Piɔmndo tɛɛmbuu naa kɔllo, nduyɛ nyɛ o nyɛ nɔla ndu kuuna le. Teleŋ naŋ ve ndu kɔl kposoŋ te wo o yɔŋnuŋ ni, nduyɛ mbo tɛɛmbuu naa kɔllo tau te wanaa naŋ kaala wa vi pɛ. Wana o wana cho mi piɔmndo kɛɛ ndu kɔllo tɛɛmbuu le. Lelaŋ, te wana naŋ kaala wo vi pɛ miŋ tiuba kɔllo biyɔɔ le, kɔndɔfili nɔ mbo bii naa le.

Naapum kaamaa bii num niŋ a nyunalaŋ ndaŋ okɔɔ, ‘Le vɛɛ kpɛ ya nɔ yɛ mi bii mɔnɛi? Vɛɛ waŋndo looku yɛ mɔnɛi biunɔŋ? Vɛɛ ya looku yɛ mi dɛɛniaa wanaa biisioo komalla? Baa tiindaŋ cho pa le wanaa naa kaalaa vi wa?’