Puaapiliaa a ndepiliaa naa bɔɔbɔɔ saaluŋ niŋ maa, buŋgaŋ muŋ fula paandu o jw.org choo woŋ tiuba miŋ mala naa tau o wali pollo niŋ. I cho tɛtɛlɛ le waŋndo buŋgaŋ muŋ yɔŋndo o nyɛ mapuuloo choo. Nduyɛ, mi buŋgaŋ muŋ tɛɛsiaa mɛɛ sɔɔŋ cho yɔŋnɔŋndo woŋ cho hau huuluŋ Baabuiyo peeloo yɛ. Mi puaapilɛnɔ pilɛ dimi maa, buŋgaŋ fula muŋ ndoŋ cho “nyɛ kpeekpei mala naa le yooŋgu kɛndɔɔ ­dimioo wo ni.”

Kɛ ma siŋga buŋgaŋ fula muŋ ndoŋ teleŋ o teleŋ a ŋ cheleŋ. Mɛɛ, vɛɛ ŋ looku yɛ buŋgaŋ naŋ chi lɛ muŋ o peele taseleŋ o jw.org choo le woŋ saalɔŋ?

• O peele taseleŋ o jw.org choo, tofa o fondɛi hei bɛŋgu, “Nyɛm Nda Soli Woŋ.” Okoŋ ma hɛli buŋgɛi laŋga fula ve ipilɛ.

• Kɔ jw.org, ma chuku “Yaulaŋ a Nyɔɔŋ,” okoŋ ma chuku vɛlɛ “Article Series.” Ɔɔ o JW Library^®, chuku “Library,” okoŋ ma chuku vɛlɛ “Article Series.” Fondɛi hei nɔ buŋgaŋ bɔɔbɔɔ muŋ fula paandu o peele taseleŋ o jw.org choo woŋ.