Livaiyaa ve wanaa soliaa lasala le wa, mi ndaa chua nda le waltaŋ lapum tosaa o chiɛi Chuuwa ndaa piɛi Mɛlɛka wo. Waltaŋ ndaŋ opilɛ wa polisiileŋ ni. Wana wa chiɛi koŋ chilaŋndo ndoo chua nda le waltaŋ ndaŋ tosaa ni. Mi wana ndoo poonyiaa le Chuuwa wo diolaŋ aa Filo, chɔm walta polisiiya haa ndaa tosalaŋ latiŋ. Mbo dimi aa: “Livaiya apum, mi ndaa kɛsi nda o diola waŋnda kei le luɛiyɔɔ chiɛiniŋ ndo. Apum yɛ mi ndaa simi nda o fondaŋ hiou diondɔɔ wo lachi le kuunaa wanaa nɔ di le luɛiyɔɔ le wa luɛiyɔɔ. Mi apum ndaa siŋgifiliaŋ le waa chiɛiyo mɛɛndaŋndo ichɔl a ipala.”

Laŋgbaa kalaa kialu yamaŋ nda ndaa nɔla ma soliŋ polisiiya haa kpeku teleŋ o teleŋ. Nduyɛ, nda kinɛi wa Chuuwaa Luomaŋnda ndaa chɛl le ma kela a nyɛm chɔuwoŋ o laba wa ni.

Mi wana pɛɛkaa Baabui pilɛ Choakim Chɛlimiaa suaa a nyɛ Chiisu dimi ichɔl nda kuɛ ndu biyɔɔ wo okɔɔ. Mbo dimi aa, “Dimi Chiisu dimi maa lepaa o lepaa o wa challe o Chiɛi Chuuwa ndaa piɛi Mɛlɛka wo niŋ a bii ndu a teleŋ koŋ te wo, (Maa. 26:55) chɔm kpendekele maa polisiiyaa ndaa manda chiɛi koŋ nda wa o wanaa kuɛ ndu biyɔɔ wa tɛɛŋ.” Laŋunɔɔ hoo ndoo laalaŋ vɛlɛ maa polisiiyaa ndaa manda chiɛiyo hoo wa nda vem teleŋ pilɛ ni le Chiisu biyɔɔ. (Chɔŋ 7:​32, 45, 46) Polisiiya haa a wana nda bɛndoo laŋgbaa kalaa kialu yamaŋ nda ndaa vem vɛlɛ ni le ma kɔ bii buɛiyaa Chiisuaa. Nduyɛ, o kɛɛ wa nda kpou le sasu vɛlɛ Pɔɔl le ndu solioo o chiɛi Chuuwa ndaa piɛi Mɛlɛka wo niŋ te.—Walta. 4:​1-3; 5:​17-27; 21:​27-30.