YAU Maatiu wo dimi aa, “Mi Chiisu luɛi o chiɛi Chuuwa soli salaa wo niŋ. Mbo tuau wanaa wa nyɔɔŋ piinduuwo wa a wanaa wa pisioo leniŋ nda. Mbo nyiinduu tibiila wanaa wa kanioŋ siŋgaa wa. Mbo nyiinduu kpeŋgbeila wanaa wa kaŋgbuaa pisioo wa. Mbo lo o koŋ mbo dimul nda aa, “I cho i poonyiaa o Yau Mɛlɛkaa niŋ maa Mɛlɛka dimi aa, ‘Waŋnda veelu niŋ chiɛi nuu aa, chiɛi piɛiyaa Mɛlɛkaa. Kɛ, mi nya siiŋguu ndu fondaŋ viiya viaŋnuŋ ndo.’”—Maatiu 21:12, 13.

Sɔɔŋ paandoŋ chɔm maa yulaa ndaa pisi o maaŋndo niŋnda, mi ndaa tosal waŋnda kafalaŋ. Mi ndaa kindi wɔŋgulaŋ baa le wanaa piandaa. Le taamaseliiyo, kaŋgbuaa ndaa nɔ baa le. Le hei, wana tambɛiyo ndoo nɔla mbo pendu nda le salaa solioo. Kɛ, yaula maChuu laŋ sindɛ dimi maa a boondii pum o wɔsiŋ kɛmɛ tasoŋ niŋ, dinalɔɔ kooliiye waŋndo ndoo pisi ni le kaŋgbuaa a ŋiɔɔŋ sɔlaa. Le mi waŋndo sɔla kanii waa lende, ndoo nɔ mbo tosa wallo le palɛi 25. Mi kaŋgbuaa kiandu baa tei wana tambɛi ndoo nɔla lɛ nda piondɔɔ le. (Lɛvitikɔɔ 1:14; 5:7; 12:6-8) Mi Simiɔŋ bɛŋ Kamaliɛl duaunuŋ tumbe tau a suɛi hei. Le saboo hoo, mbo dɔɔniaa salala Chuuwa ndaa nɔ le solioo laŋ. O lepilɛ niŋ kpe, mi baa le kaŋgbuaa a ŋiɔɔŋ tual haaa le dinalɔɔ kooliiyoŋ kɛmɛ.

A mɛɛ naŋ che yɛ, yulaa ndaa pisi o maaŋndo niŋnda ndaa nɔ bɔɔ hɔlteŋ nduyɛ ma dia wanaa ndaa piandu nda nyɔɔŋ o ba wa chalaŋ. Le sabu koŋ Chiisu veelu nda ni aa “viiya.”