BANDU MƐŊGƐLAA (O NAŊ PƐƐKU WO) Kooŋndo 2020
Yauwo hoo nɔ buŋgaŋ le pɛɛkoo kanduŋ Naandɔɔ 3-30, 2020.
‘Maa Waŋnda Kpou Ke Diola Numndaŋ Bɛɛleŋ’
Buŋgɛi pɛɛkɛi 23: Naandɔɔ 3-9, 2020. Suɛi sɔvɛ kuɛɛ piiliaŋ yɛ hau waŋchieeya a maalikɛiya? Le yɛɛ i cho yɛ suɛi sɔvɛ, nduyɛ yɛɛ naa bɛɛ nɔ yɛ miŋ tosa le mi suɛi hei hini? Chaŋyɛi naŋ nɔ a Chɛhowa ve cho chɔɔlu kalu poŋ te o yɔŋ pɛ miŋ sina mulioo le nyunalaŋ ndaŋ a la cheleŋ.
“Ke Ya Kɔl Ya I Sooluu Num, Num Pilɛ Kpe Wo, le Mi Nɔ Bɛɛleŋ le Diola Numndaŋ”
Buŋgɛi pɛɛkɛi 24: Naandɔɔ 10-16, 2020. O buŋgɛi hei niŋ, ŋ cho isɔɔ a piɛile Masaa Deeve piɛi mi le wa o Sam 86:11, 12 niŋndo. Yɛɛ o sim yɛ le bɛɛleŋ nɔɔ le diola Chɛhowalaŋ? Le yɛɛ naŋ nɔ yɛ miŋ nɔ bɛɛle yiŋgoloŋ ndeŋ le diolaŋ ndaŋ? Nduyɛ, vɛɛ siooŋii Mɛlɛkɛi mala yɛ naa te tɔɔndaŋndo komal naa pɛ le suɛi wɔɔŋnde tosaa?
Nyunala Wanaa Nua o Yaula Naalaŋ Niŋnda
Baa suliŋnda cho o Kaleesiaŋnda 5:22, 23 niŋndaŋ koni ‘nyina Mɛlɛkaa’ tosa ni mi waŋnda nɔ?
“Ya Pila I Cho Saa Niaa Nuuviaa”
Buŋgɛi pɛɛkɛi 25: Naandɔɔ 17-23, 2020. Le yɛɛ wanaa piɛi niŋ Chɛhowa o laalaŋndo choo le wɔsila bɔɔbɔɔ wa wu yɛ ŋdial nduyɛ ma kelu kɔlaŋ o bɔŋaŋndaŋ? Vɛɛ Mɛlɛka che yɛ nda? Buŋgɛi hei nɔ mulioo le nyunalaŋ ndaŋ. I cho naa vɛlɛ chɔm mɛɛ Chɛhowa ndoo mala buɛiyaa nduaa vi ŋdial le ndu piɛiyo o sindɔɔ niŋ nda yɛ.
“La Miiŋgu Ya o Ibuŋ”
Buŋgɛi pɛɛkɛi 26: Naandɔɔ 24-30, 2020. Chɛhowa yeema mi wanaa kelu kɔlaŋ o bɔŋaŋndaŋ a o wali pollo niŋ nda miiŋgu ndu o ibuŋ. O cho nda kpou dimullo aa: “La miiŋgu ya o ibuŋ.” Ŋ nɔla miŋ tosa sɔɔŋ tau le wanaa yeema ma chɛl veeloo hoo wa dɛɛniaa ma miiŋgu o kundaa niŋ. O buŋgɛi hei niŋ, ŋ cho yaasiaa nyɛ naŋ nɔ miŋ tosa le nda malaa wo.
