Le miŋ nɛŋi Chɛhowa kɔl, mɛɛ miŋ nɔ laalaŋndo. Kɛ, Baabuiyo dimi maa, “o cho waŋnda kpou le cho wanaa laalaŋnda le.” (2 Tɛsa. 3:2) Mɛɛ kiilanɔɔ Pɔɔl dimi diomndaŋ ndaŋ, a “wanaa yɔŋ wɔɔŋaa kɔl vesɛiya” okɔɔ o wa suɛi ni, a wa ndu nyɛpalaa tusioo choo wa. Kɛ, nyɛ o dimi a laalaŋndo okɔɔ wo cho suɛi sɔvɛ le wanaa bɔɔbɔɔ hau. Mi waŋnda apum kɛɛ le laalaŋndo maa Mɛlɛka cho Wana Toosiaa nyɔɔŋ kpou wo ni. (Luomaŋ. 1:20) O baa pilɔɔ choo, mi apum nɔ vɛlɛ laalaŋndo o nyɛm ɔɔ wanaa nɔ kpaayaa tau wa niŋ. Kɛ, o cho laalaŋ waa nuaa kinɛi le nɛŋi Chɛhowa kɔl te.

Ŋ nɔ miŋ laalaŋ kɛsɛ maa Chɛhowa cho kpeekpei, nduyɛ mbo fanda wanaa nɔ laalaŋ kala kalaa o ndu niŋnda. (Hibu. 11:6) Laalaŋndo cho nyɔɔ opilɛ o suliŋnda nyina Mɛlɛkaa mala naa miŋ nɔ laŋ tɛɛŋ. Chɛhowa nyunaa o piɛileŋ niŋ mala waŋndo le mbo sɔla nyina diandaa. (Luku 11:​9, 10, 13) Nɛi sɔvɛ naŋ sɔla vɛlɛ nyina diandaa wo cho diomndaŋ veeloo o Baabuiyo niŋ ni. Lelaŋ te ŋ veelu pɛ diomndaŋ o Baabuiyo niŋ, ŋ kindiŋ le yiyaŋndo lechoo, okoŋ miŋ tosa nyɛ la dimi wo. Te ŋ tosa keŋ pɛ, mɛɛ chɛlɔɔ naŋ cho koŋ nyina diandaa Chɛhowaa o yoomu naa niŋ ni. Hei cho naa mala mi laalaŋ naa kendu poŋ, nduyɛ miŋ nɛŋi Chɛhowa kɔl.