Te ŋ wa pɛ diomndaŋ veeloo o Baabuiyo niŋ, ŋ tiuba miŋ soliŋ yaula naala cheleŋ kpeku, le naa malaa miŋ chɔɔlu nyɛ naŋ veelu diomndaŋndo biyɔɔ bila. Kɛ o cho ko le taasi Baabuiyo sɔlaa le naŋ nɔ miŋ tosa yaasiaa le. Ŋ nɔ miŋ nuuviaa nyɛm tɔɔmaŋ a suliŋnda Chɛhowalaŋ okɔɔ, la mala naa miŋ chɔɔlu ndu kaala laŋ. Le hei tosaa, ŋ nɔ miŋ nyunaŋ aa: ‘Yɛɛ nyɛ ya veelu hoo diomndaŋndo pɛɛku yɛ ya a Chɛhowa okɔɔ?’

Le tamaseliiyo, kindiŋ ma che mɛɛ o chɔm niŋ suliŋnda ndɔla hiɔɔlu laŋ ndaŋ yɛ. Laŋ la cho kaalaa, taasioo, sakpoyɛi, a kpaayaa ni. Kɛ o cho ko suliŋndaŋ ndaŋ te Chɛhowa nɔ le. O nɔ vɛlɛ suliŋnda kɛndɛla cheleŋ. Kuɛɛ naŋ saaluŋ yɛ laŋ?

Tofa Watch Tower Publications Index o suɛi lebolle hei bɛŋgu, “Jehovah.” Okoŋ ma tofa suɛi lebolii pɔmbuɛi hei, “Qualities by Name.” A cho saalɔŋ suliŋnda ndɔla cheleŋ hiouwɔɔ 50. Tosa yaasiaa a suliŋnda ŋ saaluŋ o buŋgɛi keŋ niŋndaŋ okɔɔ. (Te o yɔŋ pɛ ma nɔ Yau Yaasiaa Ŋsɔɔ le Seiyaa Chɛhowaa, tofa o suɛi lebolle hei bɛŋgu “Chɛhowa Mɛlɛka.” Okoŋ ma tofa suɛi lebolii pɔmbuɛi hei, “Suliŋnda Chɛhowalaŋ.”)