“Yamanɔɔ le Chieeŋndo Kpou” Lɔɔlɔɔ Suɛi Sakpuei O Tosa Ni
‘Pou kpoowa bɛndoo. Walta ndɔlaŋ la cho sakpo. O cho sakpo o nɛi o nɛi niŋ.’—DITƆNƆMII 32:
CHONDOŊ: 12, 135
1. Vɛɛ Ebilaham chɔm yɛ maa ndoo nɔ tiindaŋndo o sakpoyɛi Chɛhowɛi niŋ? (Tofa fotueiyo o peeleŋ ndeŋ choo.)
“NUM yamanɔɔ le chieeŋndo kpou a cho suɛi cho sakpo ve tosa.” (Chɛnɛsee 18:
2. Le yɛɛ Chɛhowa simnuŋ wana lakafa fɛɛŋ fɛɛŋ te?
2 Le yɛɛ Ebilaham ndoo nɔ yɛ tiindaŋndo maa mi Chɛhowa tosa lɔɔlɔɔ suɛi cho sakpo ve? Kanifuule Chɛhowa cho taamasi bɛndoo a sandei vɛlɛ a sakpoyɛi okɔɔ ni. Le Sam 11:
3. Chɔmndɔ taamaseliiyo a kafala cho hau o chieeŋndo niŋndaŋ?
3 I cho bɔɔ suɛi kɔl dɛɛniaa le sinaa maa wana sakpoo Chɛhowa cho lɔɔlɔɔ ni. Kɛ, chieeŋndo cho hau o piaa cha a kafalaŋ. Le taamaseliiyo, a kilul niŋ hau waŋnda yamɛi lachoowɛi nduyɛ ma duau nda o chiɛi manyumndo niŋ le suɛi nda tɛɛmbuu le ve. Nyɛm mapuuluŋ nda cho hau toosiaa woŋ kinɛi mala ni ma cha tonyaa maa o cho nda le tɛɛmbuu suɛi keŋ te. Kɛ a chii niŋ fɛŋ wɔsiŋ bɔɔbɔɔ o chiɛi manyumndo niŋ. Mi sɔɔŋ lakafaŋ waa naa hiŋ a kɔl tambɛiyo vɛlɛ a kɔl tuuwo. O wa bɛɛ lende, kafala cheleŋ la cho la kendu biuwɔŋ ndaŋ. La kuɛɛ?
KAFALAŊ O KUNDAA NIŊ
4. Vɛɛ tiindaŋ Kilisiɔŋnɔɔ luɛi yɛ o tɔɔndaŋndo niŋ?
4 Kilisiɔŋnda nɔ ma wa kafalaŋ kɔl o chieeŋndo niŋ. Kɛ, mi tiindaŋ naa luɛi o tɔɔndaŋndo niŋ te ŋ chiikuu pɛ kafalaŋ ɔɔ mi waŋndo tosal naalaŋ o kundaa niŋ. Te keŋ yɔŋnuŋ pɛ, yɛɛ ŋ cho yɛ tosa? A cho pa keŋ chɛlɔɔ le mii paaliaŋ num?
5. Te ŋ chiikuu pɛ kafalaŋ o kundaa niŋ, ɔɔ mi waŋndo tosal naa laŋ, le yɛɛ kaamaa nɔ mbo bii naa le?
5 Naa kpou wanaa lahakiaa naŋ cho ni, nduyɛ, miŋ tosa biondɔŋndaŋ. Lelaŋ o kundaa niŋ, i yɔŋnuŋ maa waŋndo tosal naa suɛi wɔɔŋnde ɔɔ miŋ tosal waŋndo suɛi wɔɔŋnde. (Chɔŋ Tasoo 1:
6, 7. Kafala yɛɛ ndaa tosallɛ puaapilɛnɔ pilɛ o kunda niŋ? Nduyɛ suiliŋnda kuɛɛ mala yɛ ndu?
6 Ŋ yaasiaŋndɔ nyɛ ndoo yɔŋnuŋ Wili Diɛl lo. Chɔŋ o wɔsi 1931 Ŋgɔɔ Diɛl wa wallo tosaa a kɔllo kpou Bɛtɛɛl o Baŋ niŋ, Suiisalaŋ. O wɔsi 1946 niŋ, mbo kua o toŋgola ŋɔmaa laŋ o Sukuuwo Kiiliadi, Niu Yɔk, o Amɛlika niŋ. Mɛɛ o chii sukuu koŋ, ma dimul ndu le wali buɛile ibuŋgaleŋ tosaa o Suiisalaŋ niŋ. O bundɛi a ndu okɔɔ niŋ, mi Ŋgɔɔ Diɛl dimi maa a paŋgii Bukuloo, o wɔsi 1949 niŋ, mbo dimul lɛuve Suiisalaŋ maa o kɛɛsiaa le lanɔɔ chuaa. Mi puaapiliaa wa chilaŋ chuaa wa dimul ndu maa a cho dilakeŋnaŋnda ndɔlaŋ kpou puu. Kɔɔfaleŋ koni nda cho ndu chɛlɔɔ ni mbo tosa. Mi Ŋgɔɔ Diɛl dimi aa, “Ndaa chɛl la mi yɔŋgu sɔɔŋ te. Wanaa bɔɔbɔɔ ndaa yil lɛ naa pɛɛŋ te. A wa naa biyɔɔ maa wanaa soliaa.”
7 Yɛɛ Ŋgɔɔ Diɛl ndoo tosa yɛ? Mbo dimi aa, “Naŋ sina maa Diom Mɛlɛkaa kuuna wana nɔɔ chuaa le. Lelaŋ, miŋ soliŋ piɛileŋ kpeku nduyɛ miŋ duau tiindaŋ naa o Chɛhowa niŋ.” Mi che bɛɛ puaapiliaa apum ndaa biiyɔ bila mɛɛ Chɛhowa che nɔɔ yɛ le, kɛ o teleŋndo opum niŋ, ma sɔla siɛɛnduu wo o sinapɛŋgu ndaa niŋ. Nduyɛ mi Ŋgɔɔ * (Tofa tɛɛsiaa amatou.) Ŋ nyunaŋndɔ aa, ‘Te a tosalla pɛ kafala waa naa, I cho pa biuwɔŋ nduyɛ mi chum Chɛhowa le mbo siɛɛnduu sɔɔŋ? Ɔɔ i cho balle suŋgɔɔ a ba ni le kafalalaŋ chɔulabaa?’—Pulɔwaa 11:
I cho suɛi sɔvɛ le loonɔŋndo maa wanaa lahakiaa naŋ cho ni. Naapum ŋ bii suɛi yɔŋnuŋnde bila le
8. Le yɛɛ i wa yɛ biondɔŋndo le yiyaŋndo maa a tosal naa ɔɔ wanaa cheleŋnda kafalaŋ?
8 Te a yiyaŋ pɛ maa kafalaŋ lapum la cho tosaŋndo o kundaa niŋ, loonuŋ maa biondɔŋndo ŋ cho koŋ tosaa ni. Le yɛɛ? Wanaa lahakiaa naŋ cho ni, nduyɛ, ŋ bii nyɛ yɔŋnuŋndo bila le. Ŋ sina tonyaa kpou a nyɛ yɔŋnuŋndo okɔɔ le. Kɛ o wa bɛɛ miŋ sina nyɛ o nyɛ ɔɔ miŋ sina le, ŋ nɔ miŋ piɛi o Chɛhowa a suɛi keŋ okɔɔ, miŋ dɔu tiindaŋndo o ndu niŋ, nduyɛ miŋ chɔm lo lechoo wo o ndulo. Hei cho naa mala ŋ “bii Mɛlɛka Yaawɛɛ tɛɛ” le.—Nuawɔ Pulɔwaa 19:
9. Taamaseliila kuɛɛ naŋ cho yɛ yaasiaa o buŋgɛi hei niŋ a i cho lachi ve?
9 Ŋ pɛɛkuŋ ndɔ niko a sɔɔŋ lakafaŋ yɔŋnuŋ wanaa Chɛhowaa o sindɔɔ niŋndoŋ ŋgaa okɔɔ. O buŋgɛi hei niŋ, ŋ cho pɛɛku a po mama Ebilahamndo okɔɔ, Choosɛ, a nyɛ bɛnduaa nduaa tosal ndu wo. O buŋgɛi cho lachi ve niŋ, ŋ cho isɔɔ a mɛɛ Chɛhowa ndoo bii Masaa Ehabi yɛ, nduyɛ a nyɛ ndoo yɔŋnuŋ Pitɛ, wana Chiisu vem hɔlte ndɔ wo o Siiliaa Aŋtiɔɔ niŋ. Te ŋ wa pɛ pɛɛkoo a taamaseliilaŋ ndaŋ okɔɔ, nuuviaa nɛila ŋ kɛsi kɔllo Chɛhowa choo laŋ, nduyɛ ma manda chaŋyɛi numnde nya ndu tɛɛŋ, taama taama te a laalaŋ pɛ maa a tosal num kafalaŋ.
MA TOSAL CHOOSƐ KAFALAŊ
10, 11. (a) Kafala yɛɛ ndaa tosallɛ Choosɛ? (b) Dikeŋnaŋ yɛɛ Choosɛ ndoo sɔla yɛ teleŋ o wa o chiɛi manyumndo niŋndo?
10 Choosɛ wa Chɛhowa piɛiyo a kɔllo kpou, nduyɛ mi mialla tosal ndu kafalaŋ. Kɛ nyɛ tɛɛmbuu ndu kɔllo tau wo wa kafala bɛnduaa nduaa tosal ndu laŋ ni. Mɛɛ Choosɛ wa wɔsilaŋ 17, mi bɛnduaa nduaa bii ndu, nduyɛ ma pisi ndu o chɛleŋ niŋ. Ma kua a ndu Ichipi, (Chɛnɛsee 37:
11 Teleŋ Choosɛ wa o chiɛi manyumndo niŋndo, ma duau wanaa talal masa bɛndoo muɛiyaŋ nda wana nda banaa o chiɛi manyumndo niŋ. Ichɔl Chɛnɛsee 40:
12, 13. (a) Vɛɛ naŋ looku yɛ sina maa Choosɛ chelnuŋ ko mbo puɛɛŋ a kafala nda tosal ndu laŋ te? (b) Yɛɛ Choosɛ ndoo dimullɛ wana bana wanaa talaa mamuɛiya le?
12 Nuawɔ Chɛnɛsee 40:
13 Baa mi Choosɛ chalnuŋ pa a nyɛ ndoo yɔŋnuŋ ndu wo, o kindiŋ le nyɛ o nyɛ tosa le? Sako! Choosɛ ndoo sina maa ma tosal ndu kafalaŋ tau. Lelaŋ Chɛnɛsee 45:
14. Yɛɛ mala yɛ naa ŋ soliŋ diomnde wɔɔŋndeŋ o sondo le te a tosal naa pɛ kafalaŋ o kundaa niŋ?
14 Te ŋ yiyaŋ pɛ maa a tosal naa kafalaŋ o kundaa niŋ, ŋ nɔ miŋ wa yekeŋ yɔŋi naŋ keeliaa suɛi keŋ. A tonya, ŋ nɔ miŋ nyuna bɛnduaa le malaa nduyɛ miŋ dimul nda te o wa pɛ mi puaapilɛnɔɔ tosa haki wɔɔŋ wɔɔŋndo. (Lɛvitikɔɔ 5:
LOONUŊ A CHAŊYƐI NUM SƆVƐ SƆVƐI OKƆƆ
15. Vɛɛ chaŋyɛi wa Choosɛ tɛɛŋ nda Chɛhowa ve chuu yɛ ndu salaa?
15 Ŋ pɛɛku vɛlɛ suɛi sɔvɛ sɔvɛ cheleŋ Choosɛ o ba. O wɔsila 13 o saŋga le kafala nda tosal ndu laŋ niŋ, mbo chɔm maa ndoo nɔ yiyaŋ Chɛhowaa o sɔɔŋ choo. (Chɛnɛsee 45:
Choosɛ chɛl hakila waŋnda, a sɔɔŋ wɔɔŋ nda tosal ndu woŋ le ndu faŋaa Chɛhowa o ibuŋ te
16. Le yɛɛ naŋ nɔ yɛ miŋ chɔɔlu sɔɔŋguu Chɛhowa ikɛi kpɛɛluŋ te a tosal naa pɛ kafalaŋ o kundaa niŋ?
16 O nɛi pilɔɔ hoo choo, naa bɛɛ nɔ miŋ manda nduyɛ miŋ chaa chaŋyɛi cho naa tɛɛŋ a Chɛhowa ve biyɔɔ. Fɛɛŋ Luomaŋnda 8:
TIINDAŊ “YAMANƆƆ LE CHIEEŊNDO KPOU”
17. Vɛɛ naŋ chɔm yɛ maa ŋ nɔ tiindaŋndo o “yamanɔɔ le chieeŋndo kpou” niŋ?
17 Te ŋ cho wɔ pɛ o chieeŋ dɛnɛ wɔɔŋndo hoo niŋ, ŋ nɔ miŋ wa kafalaŋ kɔl. Le pilɛŋ pilɛŋ, naapum ma chiikuu kafalaŋ, te koŋ te, mi waŋndo tosal num ɔɔ wana ŋ sina wo kafalaŋ o kundaa niŋ. Chɛl mi hei paaliaŋ num te. (Sam 119:
18. Yɛɛ naŋ cho yɛ yaasiaa o buŋgɛi cho lachi ve niŋ?
18 O buŋgɛi cho lachi ve niŋ, ŋ cho chɔɔlu yaasiaa a taamaseliilaŋ la tiɔɔŋ a kafala yɔŋnuŋ o sindɔɔ niŋ wanaa Chɛhowaa tɛɛŋnda okɔɔ. Taamaseliilaŋ ndaŋ la cho naa mala le chɔɔ mɛɛ tuisiŋndo a malɔɔ hakioo mala naa le sɔɔŋ chɔɔ sakpo maa Chɛhowa.
^ pɛl. 7 Tofa bundɛi a Wili Diɛl okɔɔ o Bandu Mɛŋgɛlaa hoo niŋ, Bɛŋgufɔnɔɔ 1, 1991 suɛi lebolle aa, “Jehovah Is My God, in Whom I Will Trust”.