“Dɔu Tiindaŋndo o Chɛhowa Niŋ, Ma Tosa o Kɛndɔɔ”
“Dɔu tiindaŋndo o Chɛhowa niŋ, ma tosa o kɛndɔɔ. . . . Nduyɛ ma chɔm tiindaŋ numndo o nyɛ ŋ tosa wo niŋ.”
CHONDOŊ: 150, 124
1. A suiliŋnda sɔvɛ sɔvɛla kuɛɛ Chɛhowa toosiaa yɛ waŋchieeya?
CHƐHOWA toosiaa waŋchieeya a suiliŋnda sɔvɛ sɔvɛlaŋ. O ke naa suiliŋndo le yiyaŋndo. Hoo mala naa le bahawɛilaŋ solioo nduyɛ miŋ tuu le chilaŋ. (Pulɔwaa 2:11) O ke naa kpaayaa le halikpeŋ miŋ tosa sɔɔŋ naŋ tuu woŋ nduyɛ miŋ komal kpeleŋnda naalaŋ. (Filipiaŋnda 2:13) O ke naa vɛlɛ kɔl iyamaa, nyɛ mala naa le sinaa ikɛndɛi a iwɔɔŋnde wo. Kɔl iyama naa mala naa le kiɔɔ balaŋ lueiyo o hakioo niŋ a biondɔŋnda naalaŋ siɛɛndoo.
2. Vɛɛ Chɛhowa yeema yɛ miŋ soliŋ suiliŋnda naalaŋ kpeku?
2 Chɛhowa yeema miŋ soliŋ suiliŋnda naalaŋ kpeku o nɛi kɛndɔɔ choo. Le sabu yɛɛ? Kanifuule o kaala naa, nduyɛ o sina maa ŋ cho wa a kɔl kɛndɛ te ŋ soliŋ pɛ suiliŋnda o ke naalaŋ kpeku nyɛkɛndɛi. Le tamaseliiyo, Baabuiyo dimi o yaula maHibuluilaŋ niŋ aa, ‘Te wana chaa kɛɛsiaa pɛ, a sɔla batiuwaa.’ Nduyɛ “kpeku o kpeku Pulɔwaa 21:
3. Yɛɛ waŋchieeya tiu yɛ ba tosa le?
3 Chɛhowa yeema miŋ soliŋ suiliŋnda naalaŋ kpeku. Kɛ o sina maa ŋ tiuba le sɔɔŋ pum tosaa le. Le tamaseliiyo, ŋ nɔla miŋ kuuna biondɔŋnda naŋ tosalaŋ, hakioo, a piɔmndo le. (Masaa Bɛnduaa Tasiaa 8:
Te o wa pɛ ma nɔ bahawɛilaŋ, “dɔu tiindaŋndo o Chɛhowa niŋ, ma tosa o kɛndɔɔ”
4. Yɛɛ naŋ cho yɛ yaasiaa o buŋgɛi hei niŋ?
4 Ŋ nɔ miŋ chɛl lɔɔlɔɔ le mi Chɛhowa chɔm naa nɛiyo, nduyɛ miŋ nɔ tiindaŋndo maa o cho naa mala. Nduyɛ maa o cho naa tosal nyɛ naŋ tiuba tosa le naapila le wo. Kɛ, Chɛhowa yeema naa miŋ yiyaŋ a nyɛ naŋ nɔ miŋ tosa le bahawɛila naalaŋ solioo, nduyɛ miŋ mala acheleŋnda wo. (Nuawɔ Sam 37:
TE DƐNƐ WƆƆŊNDO BALU NAA PƐ
5. Tɛɛsiaawɔ boondii Nuuwa ve.
5 O boondii Nuuwa ve niŋ, “dɛnɛ wɔɔŋndo wa o pia o chieeŋndo choo” a kaala nɔɔlɛilaŋ. (Chɛnɛsee 6:
Simullo le wali naa dimiaa yooŋgu kɛndɔɔ (Tofa pɛlta 6-9)
6, 7. (a) Yɛɛ Nuuwa ndoo tiu yɛ ba le tosaa le? (b) Vɛɛ naa bɛɛ cho yɛ o boondii Nuuwa wa ve niŋ?
6 Nyɛ Nuuwa ndoo tiuba tosa le wo: Mi Nuuwa dimi yooŋgu kɛndɔɔ le waŋnda silaa, kɛ o beŋ nda le ndu chɛlɔɔ le. Nduyɛ ndoo tiuba mbo keŋela Piɔɔ Mɛŋma Koŋgi Bɛnduaŋ tuisi le. Nuuwa ndoo nɔ mbo dɔu tiindaŋndo o Chɛhowa niŋ maa O cho diomnde o mɛi le dɛnɛ wɔɔŋndo faŋaa wo peelu. Ndoo nɔ laalaŋndo maa Chɛhowa cho keŋ tosa a teleŋ bɛnda wo.
7 Naa bɛɛ cho o chieeŋ dɛnɛ wɔɔŋndo cho o piaa cha wo niŋ, nduyɛ ŋ sina maa Chɛhowa dimi le ndu tɛɛmboo. (Chɔŋ Tasoo 2:
Maa Nuuwa, ŋ nɔ tiindaŋndo o Mɛlɛka niŋ maa o cho suŋ dɛnɛ wɔɔŋ kɛ kɛ faŋa
8. O yɛɛ choo Nuuwa ndoo muli yɛ hɔlla? (Tofa fotueiyo o peele naŋ kandu leŋ choo.)
8 Nyɛ Nuuwa ndoo tiuba tosaa wo: Tuupa mi Nuuwa ndoo tambu kɔl le sɔɔŋ ndoo tiuba tosa le woŋ, mbo muli hɔlla o sɔɔŋ ndoo tiuba le tosaa woŋ choo. Mi Nuuwa dimi yooŋgu kɛndɔɔ a tiindaŋndo le waŋnda silaa. (Pitɛ Diiŋ Ndɔɔ 2:
9. Vɛɛ naŋ tuallɛ tamasi Nuuwa wo kɔɔli?
9 Maa Nuuwa, ŋ nɔ miŋ “hiou lachi lɔɔ lɔɔ a wallo tosaa o kala kala, le Masanɔɔ Mɛlɛka.” (Kɔliŋtiaŋ Tasoo 15:
TE Ŋ TOSA HAKIOO PƐ
10. Tɛɛsiaawɔ haki Deeve ndoo tosa wo.
10 Wana ndoo dɔu tiindaŋndo o Chɛhowa niŋndo Masaa Deeve wa ni. Nduyɛ Chɛhowa ndoo kaala ndu bɔɔ. (Walta Wanaa Chiisuaa 13:
Hakila paandulaŋ (Tofa pɛlta 11-14)
11, 12. (a) Mɛɛ Deeve tosa hakioo, yɛɛ ndoo tiu yɛ ba tosa le? (b) Yɛɛ Chɛhowa tosallɛ naa te ŋ mulul pɛ yɔŋ naa wɔɔŋndo kɔɔ?
11 Nyɛ Deeve ndoo tiuba tosa le wo: Deeve ndoo nɔla lɛ mbo siŋga nyɛ ndoo tosa wo le. Ndoo nɔ pɛŋ le saŋgaa tei a yoomu ndɔɔ mɛɛlulaŋ le haki o tosa koŋndo. (Saamiɛɛ Diiŋ Ndɔɔ 12:
12 Miŋ tosa biondɔŋndaŋ le mɛɛ naŋ cho wanaa lahakiaa yɛ. Kɛ mi biondɔŋndaŋ lapum la wɔu tau mbo hiou la cheleŋndaŋ. Nduyɛ teleŋndaŋ lapum, ŋ nɔla miŋ faŋa biondɔŋnda naŋ tosalaŋ Kaleesiaŋnda 6:7) Kɛ ŋ nɔ tiindaŋndo o nyɛ Mɛlɛka dimi wo niŋ maa te ŋ mulul pɛ haki naŋ tosa wo kɔɔ, o cho naa mala o teleŋnda nyɛpalaa bɛŋgu. O yɔŋ bɛɛ aa naapila tosa ni mi nyɛpalaa koŋ wa naa choo.
13. Vɛɛ Deeve ndoo miŋgi yɛ chaŋyɛi nduɛi taŋgul nda Chɛhowa tɛɛŋ?
13 Nyɛ Deeve ndoo tiuba tosaa wo: Deeve ndoo yeema le chaŋyɛi nduɛi miŋgioo taŋgullo nda Chɛhowa tɛɛŋ. Vɛɛ ndoo tosa yɛ keŋ? Mi Deeve chɛl le mi Chɛhowa mala ndu. Le tamaseliiyo, mbo chɛl nɛi chɔmaa Netaŋ, wana ndoo suaa le Chɛhowa wo ke ndu wo. (Saamiɛɛ Diiŋ Ndɔɔ 12:
14. Yɛɛ tamasi Deevioo pɛɛku yɛ naa?
14 Yɛɛ tamasi Deevioo pɛɛku yɛ naa? Maa te ŋ tosa pɛ haki wɔɔŋ wɔɔŋndo, ŋ nɔ miŋ mulul yɔŋ wɔɔŋ koŋ kɔɔ a kɔllo kpou, miŋ dimul Chɛhowa yɔŋ wɔɔŋ naŋ tosa wo, nduyɛ miŋ nyuna ndu le malɔɔ hakioo. (Chɔŋ Tasoo 1:
O SƆƆŊ CHELEŊNDOŊ NIŊ
Bahawɛi kɛndiaa lepɛŋndo (Tofa pɛl 15)
15. Yɛɛ tamasi Hana wo pɛɛku yɛ naa?
15 Kɛlɛŋgaa ma yiyaŋ dɔɔ a buɛiyaa laalaŋnda o Baabuiyo niŋ a ndaa dɔu tiindaŋndo o Chɛhowa niŋ, nduyɛ ma wa kindiŋndo le tosaa nyɛ nda tiuba o teleŋ nyɛ palaa bɛŋgu wo. Le tamaseliiyo, le teleŋndo opum, Hana ndoo nɔ chua le. Ndoo nɔla mbo siŋga keŋ a ba ndɔ le. Kɛ mbo duau tiindaŋ ndɔɔ o Chɛhowa niŋ maa o cho ndu kɔllo dɛɛniaa. Okoŋ, mbo hiau lachi a kɔlaŋ lɔɔlɔɔ o chiɛi Chɛhowaa niŋ le ndu piɛiyo, nduyɛ mbo wa ndu yiyaŋ ndɔɔ dimullo. (Saamiɛɛ Tasoo 1:
Mi Hana duau tiindaŋ ndɔɔ o Chɛhowa niŋ, okoŋ, mbo hiau lachi a kɔlaŋ lɔɔlɔɔ o chiɛi Chɛhowaa niŋ le ndu piɛiyo
Chuauwaa mal Chɛhowa piɛiyo wa (Tofa pɛl 16)
16. Yɛɛ tamasi Saamiɛɛ wo pɛɛku yɛ kalaŋ chuauwa?
Saamiɛɛ Tasoo 8:
Bahawɛi ikanioo Tofa pɛl 17)
17. Kɔl dɛɛniaa yɛɛ naŋ sɔla yɛ chua tambɛi ndoo vii pɔnɔɔ wo o ba?
17 Tamasi kɛndɛ cheleŋ cho chua tambɛi ndoo vii pɔnɔɔ o palɛi Chiisu ve niŋndo ni. (Nuawɔ Luku 21:
18. Chɔmndɔ tamaselii puaapilɛnɔ ndoo nɔ yiyaŋ kɛndɔɔ wo.
18 Puaapiliaa a ndepiliaa naa bɔɔbɔɔ nɔ tiindaŋ pilɔɔ kpe o Chɛhowa niŋ. Nduyɛ a cho hɔlla mulioo o sɔɔŋ nda tiuba le tosaa woŋ choo, kɛ o cho ŋ nda tiuba le tosa le woŋ te. Ŋ yaasiaŋndɔ tamaselii puaapilɛnɔɔ diolaŋ Malkɔm. Mbo lo tiindaŋndo dɔuwɔɔ o Chɛhowa niŋ tei a piɔm ndɔɔ o wɔsi 2015 niŋ. O wɔsila bɔɔbɔɔ ndu nda laa ndɔ wa Chɛhowa piɛiyo laŋ niŋ, ndaa nɔ boonduŋ kɛndɔŋ a ŋ wɔɔŋndoŋ. Mbo dimi aa, “Mi yoomoo siŋgaŋ o lepilɔɔ niŋ kpe, nduyɛ lepum, mi sɔɔŋ kendu tau. Kɛ mi Chɛhowa dɔu wanaa tiindaŋ o ndu niŋnda sala.” Sila yɛɛ Malkɔm ndoo yɔŋgu yɛ? “Piɛi le ma tosa tau nduyɛ le waa feenda feenda o wali Chɛhowa niŋ a mɛɛ ŋ tiuba yɛ. Muli hɔlla o sɔɔŋ ŋ tiuba tosaa woŋ choo, kɛ o cho sɔɔŋ ŋ tiuba tosa le woŋ te.” *
19. (a) Le yɛɛ bolle Baabuile naaleŋ le wɔsi 2017 le bɛnda yɛ tau? (b) Vɛɛ ŋ cho yɛ dɔuwɔɔ bolle Baabuileŋ le wɔsi 2017 o wali niŋ?
19 Dɛnɛ wɔɔŋndo cho o Chieeŋndo hoo niŋ ‘mbo hiau maa paandu.’ Lelaŋ, ŋ nɔ miŋ wa kɔl maa nyɛ palaa cho chɔɔlu kui. (Timoti Diiŋ Ndɔɔ 3:1, 13) I cho suɛi sɔvɛ le sinaa maa ŋ nɔ miŋ chɛl mi bahawɛilaŋ la hiou naa mayoomu le. Kɛ tiindaŋ naa nɔ mbo wa o kala poŋ o Chɛhowa niŋ, nduyɛ miŋ muli hɔlla o sɔɔŋ naŋ tiuba tosaa woŋ choo. Lelaŋ, bolle Baabuile naaleŋ le wɔsi 2017 le bɛnda tau ni. Le dimi aa, “Dɔu tiindaŋndo o Chɛhowa niŋ, ma tosa o kɛndɔɔ”!
Bolle Baabuile naaleŋ le wɔsi 2017: Dɔu tiindaŋndo o Chɛhowa niŋ, ma tosa o kɛndɔɔ.
^ pɛl. 18 Tofa Bandu Mɛŋgɛlaa, Saa 15, 2013, pei 17 tei 20.