Le Sabu Kpeleŋ Numndo Sinaa Cho Nyɛ Sɔvɛ Wo
‘O cho suɛi kɔl kalu le mi wana tusiŋndo [sina kpeleŋ ndɔɔ, NW.]’
CHOŊNDOŊ: 33, 88
1, 2. Le yɛɛ Mɛlɛka ndoo kɛɛ yɛ Sɔɔ? (Tofa fotueiyo o peeleŋ ndeŋ choo.)
MƐƐ Chɛhowa yulu Sɔɔ iso le mbo wa masaa, Sɔɔ ndoo sina kpeleŋ ndɔɔ. (Saamiɛɛ Tasoo 9:
2 Mɛɛ Saamiɛɛ hiŋ, mbo suaa Sɔɔ le mɛɛ o kɛɛ Chɛhowa diikɔŋndo yɛ. Kɛ Sɔɔ yiyaŋ kposoŋ maa o tosa suɛi wɔɔŋ te. Mbo kindi le nɛilaŋ nuuviaa, nduyɛ mbo bii acheleŋnda tɔɔyaŋ le biondɔŋ ndɔɔ. (Saamiɛɛ Tasoo 13:
3. (a) Yɛɛ waŋnda tau yiyaŋ yɛ a kpeleŋ ndaa sinaa okɔɔ? (b) Nyunala kuɛɛ naŋ cho yɛ muli?
3 Hau mi waŋnda yiyaŋ maa te a nɔ pɛ kpeleŋndo, a nɔla ma sɔla batiuwaa o yoomoo niŋ te. Ma saŋgalaŋ maa a cho a sɔvɛ ma hiau acheleŋnda. Le tamaseliiyo, mi wana ndoo pɛlnuŋ ladio le pisultaŋ tosaa o biŋndo choo nduyɛ mbo nɔ baa o yalale chieeŋndeŋ niŋndo dimi aa, “Kpeleŋndo sinaa o sɔɔŋ tosaa niŋ cho le ya kposoŋ o nɛi o nɛi niŋ te, I laalaŋ maa o wa niŋ te.” Le yɛɛ i cho yɛ suɛi sɔvɛ le mi Kilisiɔŋnɔɔ sina kpeleŋ ndɔɔ? Yɛɛ kpeleŋ numndo sinaa sim yɛ, nduyɛ yɛɛ o sim yɛ le? Ŋ cho nyunalaŋ ndaŋ muli o buŋgɛi hei niŋ. O buŋgɛi cho lachi ve niŋ, ŋ cho chɔ mɛɛ naŋ nɔ miŋ sina kpeleŋ naa yɛ o yɔŋ bɛɛ mii wa ikala kpoke le tosaa.
LE YƐƐ KPELEŊNDO SINAA CHO YƐ NYƐ SƆVƐ?
4. Yɛɛ cho yɛ heelɔŋndo?
4 Baabuiyo dimi maa wana heelaŋndo sina kpeleŋ ndɔɔ le. (Nuawɔ Pulɔwaa 11:
Ŋ ke Chɛhowa bɛɛleŋ te ŋ sina pɛ kpeleŋ naa
5. Le yɛɛ kaa heelaŋndo cho yɛ biondɔŋ wɔɔŋ bɛndu?
5 O tasoo, te ŋ tosa pɛ suɛi heelaŋnde, mɛɛ ŋ chɔm lebɛɛ le Chɛhowa Mɛlɛka naa a Masa naa le. O diiŋ ndɔɔ, te ŋ tosa pɛ nyɛ naŋ nɔ di le tosa le wo, sɛɛŋgiaŋndaŋ a kɛɛ sinapɛŋgoo cho wa lɔɔlɔɔ naa acheleŋnda tɛɛŋ. (Pulɔwaa 13:
YƐƐ KPELEŊ NAA SINAA SIM YƐ?
6, 7. Vɛɛ kpeleŋndo sinaa a tuisiŋndo cho yɛ sɔŋgɔ nyɛ pilɛ?
6 Sɔŋgɔ nyɛ pilɛ kpeleŋndo sinaa a tuisiŋndo cho ni. Kilisiɔŋnɔ tuisiŋndo nɔ yoŋga le, kɛ mbo chua acheleŋnda maa a bɛnda ma hiau ndu. (Filipiaŋnda 2:
7 Baabuiyo chɔm maa wana sina kpeleŋ ndɔɔ wo sina ndupila nduyɛ o sina maa o tuiba le nyɔɔŋ ŋpum tosaa le ɔɔ o nɔ di le muŋ tosa le. Hei mala ndu le acheleŋnda bɛɛleŋ kioo nduyɛ mbo bii nda nyɛkɛndɛi.
8. Le miŋ hiou lachi a kpeleŋ naa sinaa, yiyaŋ kuɛɛ naŋ nɔ yɛ miŋ kpakpala?
8 Lepum, miŋ kandu yiyaŋ heelaŋndo nɔɔ ŋ ve o sina choo le. Vɛɛ hei yɔŋnuŋ yɛ? Miŋ kandu chuaŋnɔŋndo maa ŋ cho Luomaŋnda 12:
9. Le yɛɛ apum simnuŋ yɛ wanaa heelaŋ? Chɔmndɔ tamaseliiyo o Baabuiyo niŋ.
9 Miŋ kandu sɔɔŋ tosaa o nɛi heelaŋndo niŋ te ŋ dou yeemaŋ naŋ wɔɔŋndoŋ o mandaa bɛŋgu le. Wanaa bɔɔbɔɔ simnuŋ niŋ hau wanaa heelaŋ kanifuule, ndaa yeema tɔɔ le ndapila, acheleŋnda paŋalaa, ɔɔ le mɛɛ nda dou kɔl nda tuuwo o mandaa bɛŋgu le yɛ. Mi hei yɔŋnuŋ apum o Baabuiyo niŋ, mɛɛ Abisalɔm, Yusaya, a Nɛbukanɛɛsa wa naa yɛ. Mi Chɛhowa dimul nda kpendekele maa ndaa nɔ ma tuisiŋ.
10. Le yɛɛ naŋ nɔ yɛ miŋ kpakpala yiyaŋnda acheleŋnda yamɛi kilullo? Chɔmndɔ tamaseliiyo o Baabuiyo niŋ.
10 Sabula cheleŋ la cho la tosa waŋnda sina kpeleŋ ndaa lepum te wo. Yiyaŋndɔ a Abimɛlɛki nda Pitɛ. (Chɛnɛsee 20:
WALI NUMNDO O KƐƐSIAA MƐLƐKAA NIŊ
11. Yɛɛ naŋ nɔ yɛ miŋ sinapɛŋgu?
11 Wana sina kpeleŋ ndɔɔ wo sina wali o nɔ o kɛɛsiaa Mɛlɛkaa niŋndo. Mɛlɛka cho kpɛ kpɛ wo Chɛhowa cho ni. O ke wana o wana cho o kundaa niŋ wallo le tosaa. Naa kpou o yeema naa. Chɛhowa ke naa a pilɛŋ pilɛŋnda kpou kelaŋ yɛ yɛ, nyɛ naŋ chaa tosaa wo, a nyɛ naŋ tiuba le tosaa wo. Nduyɛ mbo chɛl naa miŋ hɛli mɛɛ naŋ yeema miŋ soliŋ ndaŋ kpeku yɛ. Te ŋ sina pɛ kpeleŋ naa, ŋ cho kelaŋ ndaŋ soliŋ kpeku o nɛi o hɛnaŋndo choo. (Luomaŋnda 12:
Yɛɛ naŋ pɛɛku yɛ o tamasi Chiisoo niŋ te wali naa siŋgaŋ pɛ? (Tofa pɛlta 12-14)
12, 13. Yɛɛ naŋ nɔ yɛ miŋ loonuŋ te siŋgaŋndaŋ la komal naa pɛ o Chɛhowa piɛiyo niŋ?
12 Mɛɛ teleŋndo kua a hiouwɔɔ fau, mi nyɛ naŋ tosa o wali Chɛhowaa niŋndo siŋgaŋ. Le tamaseliiyo, yiyaŋndɔ a siŋgaŋnda bɔɔbɔɔ komal Chiisulaŋ. O tasoo, ndupilɛ kpe wa a Finya ndɔ latulu ni. (Pulɔwaa 8:
13 Naa bɛɛ lepum miŋ komal siŋgaŋndaŋ o yoomula naalaŋ niŋ. Lepum, mi kalaŋnda naalaŋ la siŋgaŋ le mɛɛ naŋ tosa kɛɛsiaalaŋ lapum yɛ.
14. Vɛɛ kpeleŋ naa sinaa mala yɛ naa le kɔl hiniaa nduyɛ a nyaaloo nɔɔ o suɛi kɛ kɛ niŋ?
14 Mi Chiisu hini kɔl a wali o wali Chɛhowa ndoo ke ndu, nduyɛ naa bɛɛ nɔla miŋ hini kɔl a o naa. (Pulɔwaa 8:
YIYAŊ KƐNDƆƆ A KPELEŊNDO SINAA OKƆƆ
15. Yɛɛ naŋ pɛɛku yɛ o tamasi Kidiɔŋndo niŋ?
15 Tamasi kɛndɔɔ pila Kidiɔŋ cho ni a kpeleŋndo sinaa okɔɔ. Mɛɛ Chɛhowa ke ndu wallo le Isɔluɛiya piŋioo waŋnda Midiaŋ o ba, mi Kidiɔŋ dimi aa, “O pulale Manaaseleŋ choo kinɛi, chiɛi ya I fula niŋ ndo, o cho bɛɛ chiɛi sɔvɛ le. Nduyɛ o chiɛi naa niŋ bɛɛ, te wana chɔm Chɔɔchiaa 6:
16, 17. Vɛɛ wana sina kpeleŋ ndɔɔ wo tosa yɛ hiouwɔɔ lachioo?
16 Te o wa pɛ mi waŋndo chɛl wali sɛnɛiyo ɔɔ mbo yeema le tosaa tau o kundaa niŋ, koŋ chɔm naa maa o sina kpeleŋ ndɔɔ le le. Baabuiyo dimi maa i cho suɛi kɛndɛ le mi buɛi Mɛlɛkaa yeema puaapiliaa nduaa wallo tosallo tau nduyɛ mbo tosa hiouwɔɔ lachioo. (Timoti Tasoo 4:
17 Tuupa mi wana sina kpeleŋ ndɔɔ wo chɛl wallo, mɛɛ mbo yiyaŋ fɛlɛŋ nyɛ wa niŋ ndu kuee le tosaa wo. Mbo piɛi a ndi okɔɔ nduyɛ mbo yiyaŋ nyɛkɛndɛi te o nɔla niŋ pɛ wali koŋ tosaa. O nɔ niŋ pa teleŋndo a yoomuaŋ tau le sɔɔŋ sɔvɛŋ cheleŋ tosaa? Te o cho lende le, o ke pa wanaa cheleŋ walta o cho tosaa suŋ suŋ ndaŋ le ma tosa? Te wana sina kpeleŋ ndɔɔ wo chii pɛ yiyaŋ a hei okɔɔ, mbo kɛɛsiaa maa o tiu niŋ ba mbo tosa wali sɛnɛi nda ke ndu hoo wo nyɛkɛndɛi le. Te ŋ sina pɛ kpeleŋ naa, kɛlɛŋgaa ŋ cho wali koŋ kɛɛ.
18. (a) Yɛɛ wana sina kpeleŋ ndɔɔ wo tosa yɛ te o sɔla pɛ wali sɛnɛiyo? (b) Vɛɛ Luomaŋnda 12:
18 Chɛhowa yeema naa miŋ “wa o yoomu tusiaŋndo niŋ naa ndu Mɛlɛka naa chua.” (Makal 6:
19. Le yɛɛ naŋ nɔ yɛ miŋ sina kpeleŋ naa?
19 Wana sina kpeleŋ ndɔɔ wo sina maa Chɛhowa ndupilɛ nɔ dioo le tɔɔ kpou sɔlaa ni kanifuule, ndu cho Wana Toosiaa a Mɛlɛka Kpou Kpou wo ni. (Sɔɔŋ Chɔɔmaŋndoŋ 4: