“Pɛɛku Puaa a Wana Nɔla Ma Tiindaŋ Nda”
“Pɛɛku puaa a wana nɔla ma tiindaŋ nda, a nɔla ma kɔ pɛɛku acheleŋnda wa.”
CHONDOŊ: 103, 101
1, 2. Vɛɛ wanaa bɔɔbɔɔ che yɛ wali ndaa?
MI WANAA bɔɔbɔɔ yiyaŋ maa wali nda tosa wo chɔm ni te a cho wanaa sɔvɛ ɔɔ a cho wanaa sɔvɛ le. O naamulaŋ lapum niŋ, te a yeema pɛ waŋndo sinaa, i wa tɛtɛlɛ le nyunaa aa, “Wali suu kuɛɛ ŋ tosa yɛ?”
2 Lepum, te Baabuiyo wa waŋnda tɛɛsiaa pɛ, mbo chɔm wali suu ndaa tosa wo. Le tamaseliiyo, mbo veelu Maatiu aa ‘kɔsɔŋnɔɔ.’ Saimɔŋ, “yaula visiaa nda toosiaa nyɔɔŋ ndaŋ o bɛɛndiaa ni.” Nduyɛ Luku, “wana chiɔu waŋnda wo.” (Maatiu 10:
3. Le yɛɛ kaasoŋnda nɔ yɛ ma pɛɛku feleŋguaa? (Tofa fotueiyo o peele naŋ kandu leŋ choo.)
3 Ŋ kaala Chɛhowa piɛiyo nduyɛ ŋ che walta o ke naalaŋ Ikilisiaatii 1:
4. Le yɛɛ apum cha yɛ ndi suɛi kala le waŋnda wallo kioo? (Tofa kɔɔfoo “ Le Sabu Naŋ Cha Ndi Ikala le Waŋnda Waltaŋ Kioo Wo.”)
4 I cho suɛi kpɛdɛ le mi wanaa cho chilaŋ chuaa wa ke feleŋguaa wallo le tosaa le. Mi puaapiliaa tambu kɔl kanifuule ma yiyaŋ maa wali nda kaala koŋ tau wo cho nda hiɔlɔŋ. Mii pala nda tau te a yiyaŋ pɛ maa a hiŋ malɔɔ wali nda teŋgeŋ nda cho tueiyɔɔ yeela wo. Ɔɔ lepum ma buulaŋ maa te a ve lachi le waŋnda chɔmndo mɛɛ wana tosa wali koŋ yɛ le, o nɔla mbo tosaŋ nyɛkɛndɛi le. Kɛlɛŋgaa ma yiyaŋ maa a nɔ teleŋ le acheleŋnda pɛɛkoo le. Nduyɛ feleŋguaa bɛɛ, a nɔ ma biunuŋ te a ke nda wali bɔɔ le tosa le.
5. Nyunala yɛɛ naŋ cho yɛ yaasiaa o buŋgɛi hei niŋ?
5 Mɛɛ le yɛɛ i cho yɛ suɛi sɔvɛ le mi kaasoŋnda mala feleŋguaa le ma chɔɔlu kalaŋndaŋ siilɔŋ? Vɛɛ nda tosa yɛ hei? (Timoti Diiŋ Ndɔɔ 2:
MI DEEVE BƐƐNDIAA SƆLƆMƆŊ
6. Yɛɛ Masaa Deeve ndoo yeema yɛ le tosaa? Yɛɛ Chɛhowa ndoo dimullɛ ndu?
6 Le wɔsiŋ bɔɔbɔɔ, Deeve wa o tɔɔndaŋndo bɛŋgu. Nduyɛ, o wa keiyo viŋi viŋiŋndo o fondaŋnda bɔɔbɔɔ. Okoŋ, mɛɛ o simnuŋ masaa, o chiɛi kɛndɛ kɛndɔɔ niŋ o wa niŋ ni. Lelaŋ, mbo dimul wana ndoo suaa le Mɛlɛka wo Netaŋ aa, “Tofa wɔ, I cho o chiɛi yɔmii sidaa wo niŋ, kɛ mi kɔfu kpema Mɛlɛka Yaawɛɛ wo wa o tɛndiiyo bɛŋgu.” Yeemɛi wa Deeve tau le Chɛhowa maaŋ kɛndɛ kɛndɔɔ teŋgullo. Mi Netaŋ dimul Deeve aa, “Tosa nyɛ o nyɛ cho num o kɔl, Mɛlɛka o cho a num latulu.” Kɛ o cho hei le Chɛhowa ndoo yeema le. Mbo dimul Netaŋ le mbo dimul Deeve aa, “O cho num te cho ya chiɛiyo teŋgul mi wa leniŋ te.” Mi che bɛɛ naa mi Chɛhowa chuel Deeve buŋgɛi maa lɔɔlɔɔ O cho wa a ndu latulu, kɛ mi Deeve sina maa puaa nduaa opilɛ cho maaŋ koŋ taŋgul ni. Yɛɛ Deeve ndoo tosa yɛ?
7. Vɛɛ Deeve ndoo tosa yɛ a nyɛ Chɛhowa dimul ndu wo?
7 Deeve ndoo yeema bɔɔ le maaŋndo taŋgullo le Chɛhowa. Le hei, ndoo kɛɛ dɔɔ kɔllo tambu tau le. Kɛ a koŋ kpou, mbo toolu Sɔlɔmɔŋ po ndɔ le mbo sim wali taŋgulaa koŋ lachi. Mi Deeve mala le wanaa baalaa kɔɔnaa, nduyɛ mbo chuuŋgiaa chiliŋndoŋ, bulɔŋsiiyoŋ,
8. Le yɛɛ Deeve ndoo yiyaŋ yɛ dɔɔ maa Sɔlɔmɔŋ ndoo nɔla maaŋndo taŋgul te? Kɛ yɛɛ Deeve tosa yɛ?
8 Nuawɔ Koloniko Tasoo 22:
TUEI ACHELEŊNDA PƐƐKOO YEELA
9. Vɛɛ kaasoŋnda naŋ yɛ kɔl le acheleŋnda kalaŋndaŋ siiloo? Chɔmndɔ tamaseliiyo.
9 Puaapiliaa kaasoŋnda nɔ ma tambu kɔl te, te a nɔ pɛ ma ke feleŋguaa kalaŋndaŋ lapum. Naa kpou sina maa nyɛ sɔvɛ bɛndoo hau cho wali Chɛhowaa ni. Puaa feleŋguaa pɛɛkoo le ma siiluŋ kalaŋndaŋ mala mi wallo hoo tosaŋ. Yiyaŋndɔ a hei okɔɔ. Teleŋ ŋ wa o pɔmbɔ wo, a wa finya num nuaa mɛɛ ndoo nyaanuŋ mɔmbil ndɔɔ yɛ. Mɛɛ ŋ wa hindɔɔ fau, mbo tɛɛsial num nyɛ o wa tosaa wo. A boondii pum, ma sɔla yau ke num dioo le mɔmbillo nyaanɔŋndo wo, okoŋ, ma kandu ndu nyaanɔŋndo a ba num. Kɛ a teleŋ koŋ bɛɛ, finya num wa wɔ num silaa. Lepum, te finya num nyaanuŋ ndu pɛ haaa, num bɛɛ bii. Kɛ mɛɛ finya num wa yuwaa, num wa ndu hiouwɔɔ nyaanɔŋ. Finya num ndoo tambu pa kɔl? Ɛ, ɛ. Kɛlɛŋgaa o wa pɛŋ a kɔl kɛndɛ le mɛɛ ŋ wa balɔɔ a ndu
yɛ. O nɛi pilɛ koŋ choo kpe, puaapiliaa kaasoŋnda naŋ kɔl le chɔɔ chuaa piaanduaa nda pɛɛku wa kalaŋndaŋ siilɔŋndo o kɔɔna Chɛhowaa niŋ.Miŋ naŋ kɔl te ŋ che pɛ chuaa piaanduaa kalaŋndaŋ chɔɔloo siilɔŋndo (Tofa pɛl 9)
10. Vɛɛ Muuse ndoo yiyaŋ yɛ le tɔɔ sɔlaa vɛlɛ a chilaŋ chuaa?
10 Ŋ nɔ miŋ wa yekeŋ yɔŋii naŋ paŋala acheleŋnda le walta ndalaŋ. Ŋ pɛɛku isɔɔ o nyɛ Muuse ndoo tosa wo niŋ mɛɛ Isɔluɛiya apum kandu chɔmndo maa wanaa suaa le Mɛlɛka wa nda wa ni. (Nuawɔ Nɔmbaa 11:
11. Yɛɛ puaapilɛnɔ pilɛ ndoo dimi yɛ le acheleŋnda kalaŋndaŋ kioo okɔɔ?
11 Puaapiliaa bɔɔbɔɔ tosa niŋ wali kala kalaa o wali Chɛhowaa niŋ le wɔsiŋ siaama. Nduyɛ a pɛɛku niŋ puaa feleŋguaa le ma chua kalaŋndaŋ tau. Le tamaseliiyo, ŋ soonuŋndɔ a puaapilɛnɔɔ okɔɔ diolaŋ Pitɛ. O wa o wali lɔɔlɔɔ Mɛlɛkaa niŋ le wɔsioŋ 74. Mbo tosa wallo o lɛuve le wɔsioŋ 35 o Yulopi niŋ. Le teleŋ vilɛi, ndu wa chilaŋ chuaa ni le Kunda Kɔɔna Sɔɔŋ o Lɛuve le Wali Pollo Wo. Kɛ ma ke Pɔɔl wallo hoo, puaapilɛnɔ Pitɛ pɛɛku wo. Pitɛ ndoo tambu pa kɔl le siŋgaŋndo hoo? Sako. Mbo dimi aa, “I naŋ bɔɔ kɔl le chɔɔ puaapiliaa sɔla pɛɛkoo wa kalaŋndaŋ chɛlɔɔ, nduyɛ ma wa tosaa nyɛkɛndɛi o wallo hoo niŋ.”
KE KAASOŊNDA BƐƐLEŊ
12. Yɛɛ naŋ pɛɛku yɛ o tamasi Luehobowam ndo niŋ?
12 Mɛɛ po Sɔlɔmɔŋndo Luehobowam simnuŋ masa, mbo nyuna puaa kaasoŋnda le silaa mɛɛ o tosa wali ndɔ sɛnɛiyo yɛ. Kɛ mɛɛ nda sila ndu, mbo kɛɛ sila ndaa! Mbo tual sila chaaŋaa nduaa chuaa piaanduaa nda chɛŋ o ichuaambɔya wa kɔɔli. Fulamakɔɔlioo wa kpundɔɔ ni. (Koloniko Diiŋ Ndɔɔ 10:
13. Vɛɛ feleŋguaa nɔ yɛ ma tosa wallo a kaasoŋnda latulu?
13 Lepum, ma ke feleŋguaa kalaŋndo le waa puaapiliaa kaasoŋaa nɔ sinapɛŋgoo tau wa chilaŋ. I wa suɛi taasi le ma pɛɛku kaasoŋnda haa o ba. O tamaselii naŋ yaasiaa o pɛl 11 wo niŋ, mɛɛ Pɔɔl miiŋgu o foofo Pitɛ wo le chilaŋ chuaa o kunda wali pum niŋ o Bɛtɛl, mbo dimi aa, “Mi chua teleŋndo le Pitɛ nyunaa le silaa, nduyɛ mi dɛɛniaa acheleŋnda o kunda koŋ niŋ le nyɛ pilɛ koŋ kpe tosaa.”
Mi Pɔɔl chua teleŋndo le Timoti pɛɛkoo, nduyɛ mi Timoti pɛɛku nyɛkɛndɛi
14. Yɛɛ naŋ pɛɛku yɛ a mɛɛ Timoti nda kiilanɔɔ Pɔɔl tosa wallo diompilɛ yɛ?
14 Chuaambɔ chuaambɔ Timoti wa le kiilanɔɔ Pɔɔl ni, kɛ ma tosa wallo diompilɛ le wɔsila bɔɔbɔɔ. (Nuawɔ Filipiaŋnda 2:
NAA PILƐŊ PILƐŊNDA KPOU NƆ WALI SƆVIƆƆ
15. Vɛɛ Luomaŋnda 12:
15 O teleŋ hiouwɔɔ lachioo niŋ naŋ cho ni. Kumbuii kɔɔna Chɛhowaa o lɛŋndeŋ choo cho hindɔɔ o nɛila bɔɔbɔɔ niŋ. Hoo chɔm ni maa sɔɔŋ cho wa siŋgaŋndo. Siŋgaŋndaŋ ndaŋ lapum la piiliaŋ naa, nduyɛ i cho suɛi kpɛdɛ le ndi biuwɔŋndo le. I cho naa mala te ŋ tuisiŋ pɛ nduyɛ miŋ handu kɔllo o nyɛ cho o kɛndɔɔ wo choo le wali leMasaa. Kɛ o cho o nyɛ naŋ yeema wo choo le. Te ŋ tosa pɛ hei, mɛɛ ŋ cho diompilɛ. Mi Pɔɔl poonyial Kilisiɔŋnda o Luom niŋ aa, “I hɛnaŋ mi I soo diomndaŋ ndaŋ naa nya chua. Laŋ la yɔnuŋ ni maa wana o wana chuaŋnuŋ o bɛndu mbo hiou mɛɛ ŋ cho kpeekpei yɛ le.” Okoŋ kɔɔli, mbo tɛɛsiaa maa mɛɛ faluŋ yɛ yɔŋ o dialloŋ niŋ tosa walta yɛ yɛlaŋ yɛ, lende koni wanaa cho o kundaa niŋnda nɔ walta yɛ yɛlaŋ ni.
Wanaa Chɛhowaa kpou yeema ma toolu Masale Mɛlɛkaleŋ nduyɛ ma tosa nyɛ o nyɛ nda dimul nda le tosaa
16. Yɛɛ Kilisiɔŋnɔ kɛ kɛ nɔ yɛ mbo tosa le mi kɔl nyuloo a diompilɔɔ wa o kɔɔna Chɛhowaa niŋ?
16 Buɛiyaa Chɛhowaa kpou yeema ma toolu Masale Mɛlɛkaleŋ nduyɛ ma tosa nyɛ o nyɛ nda dimul nda le tosaa.
17. Yɛɛ Chiisu ndoo pɛɛku yɛ buɛiyaa nduaa le tosaa?
17 Chiisu kɛsul naa tamasi kɛndɛ kɛndɔɔ ni le acheleŋnda pɛɛkoo a kɔl ndɔɔ wulee. Mi Chiisu sina maa acheleŋnda tiuba ma hiou lachi a wali ndɔɔ tosaa. A tonya, mbo sina maa buɛiyaa nduaa ve wanaa walaŋ te. Kɛ ndoo nɔ tiindaŋndo maa a cho yooŋgu kɛndɔɔ pɛŋgɛla mbo hiou bɛɛ mɛɛ ndu oo tosa yɛ. (Chɔŋ 14:
18. Wali yɛɛ naŋ nɔ yɛ le tosaa o chilaŋ niŋ? Wali yɛɛ naŋ nɔ yɛ suŋ suŋ?
18 Mɛɛ Chiisu vi, mi Chɛhowa miŋgi ndu yoomu nduyɛ mbo chɔɔlu ndu wallo ke vɛlɛ a kpaayaa “mbo hiau a kpaaya o kpaaya inyinaya cho o halaa niŋ. Koŋ cho ni, nyinaa cho maa lamasa wa ni, a nyinaa nɔ tɔɔ wa, a nyinaa nɔ kpaayaa wa.” (Ɛfisiaŋnda 1: