O cho ko kunda bɛndoo o bɔŋaŋnda naalaŋ, bɔŋaŋnda ibuŋgalaŋ a la bɛŋndaŋ te naŋ piɛi Chɛhowa le, kɛ ŋ piɛi ndu vɛlɛ a pilɛŋ pilɛŋnda ɔɔ a yuŋgulaŋ. Nauwɔ nɛila mala num le pɛɛkɔŋ ipilayaa a pɛɛku leyuŋgoo tosaa laŋ:

• Bɛɛndiaŋ le bɔŋaŋnda naalaŋ o lɔɔ bɛngu. La pɛɛku chonduŋ naŋ nduyɛ mi la mala wana o wana o yuŋgoo niŋ le mbo bɛɛndiaa muli ndɔɔ.

• La veelu diomndaŋ a bundɛi Baabuiye okɔɔ. Okoŋ, mi la tuuliaa nyɛ yɔŋnuŋ o bundɛi keŋ niŋndo ɔɔ mi la poonyiaa nyɛ nya pɛɛku leniŋndo.

• La yaasiaa piɛileŋ o Baabuiyo niŋ, nduyɛ mi la suukaŋ lechoo le chɔɔ mɛɛ le mala nya mi la tosa hiouwɔɔ lachioo le piɛileŋ yɛ.

• La tofa viduei kɔɔnaa okoŋ mi la tɛɛsial wanaa cheleŋ a ndu okɔɔ ɔɔ mi la poonyiaa o biŋgi a ndu okɔɔ.

• La bɛɛndiaŋ le wali pollo. Kɛlɛŋgaa la tosa tuula pɔmbɔɔ a ndu okɔɔ.

• La mɛɛndaŋ nyɛm Chɛhowa toosiaa woŋ nduyɛ mi la yiyaŋ lechoo ɔɔ mi la suukaŋ nyɛ ŋ pɛɛku nya a Chɛhowa okɔɔ wo. a