A Loonuŋ Pa?
A nɔla pa ma muli nyunala fula laŋ o Bandu Mɛŋgɛlaa niŋ le wɔsi 2019?
Yɛɛ diomnde mɛyaale Mɛlɛkaleŋ ndeŋ le sim yɛ: “Wolɔɔ o wolɔɔ chɔu cho mi waŋndo o chiŋalaŋ num a ndu mbo nɔla num yomɔɔ le”? (Aisaya 54:17)
Ŋ nɔ miŋ nɔ tiindaŋndo maa Chɛhowa cho naa manda “wanaa kɔl vesɛiyaa bɛnduaa” o ba. (Aisaya 25:4, 5) Fɛɛŋ bɛɛ yaamɔɔwaa naa sɔla batiuwaa le naa nyɛpalaa fafɛɛŋndo handɔɔ choo le.—w19.01, p. 6-7.
Vɛɛ nyɛ Mɛlɛka tosal Kenanaitiiya a Isɔluɛiyaa nila kaluaa wo chɔm yɛ sakpoyɛi nduɛi?
Mi Chɛhowa sila Isɔluɛiya maa o cho wanaa cho waŋlaanduaa a chuaambuaa biyɔɔ wɔɔŋndo wa nyɛpalaa tusi choo. Kɛ le teŋgeŋndo chɔmndo, mi Chɛhowa ndoo dɔu wanaa nduaa sala te ndaa chɔm pɛ lo lechoo wo o ndu lo, vɛlɛ a te ndaa biinaŋ pɛ vellaa velle o nɛi sakpoo choo.—w19.02, p. 22-23.
Yɛɛ naŋ nɔ yɛ miŋ tosa te ŋ wa pɛ o hɔlndɔ mi wana cho wana laalaŋ te wo o piɛi?
Te i waa naa komal naa pɛ, ŋ nɔ miŋ mei, nduyɛ miŋ chɔm bɛɛleŋ. Ŋ nɔ miŋ dimi “amiina” le, ɔɔ miŋ saa acheleŋnda balaŋ teleŋ nda cho wa piɛileŋ ndo le. Naapum, ŋ piɛi o kɔl niŋ.—w19.03, p. 31.
Le yɛɛ kpuuwaa cho yɛ haki wɔɔŋ bɛndu?
Mi kpuuwaa saaŋgiaa wana nda kpuuwa wo, mbo chuu kundaa tɔɔ wɔɔŋndo, mbo tɛɛmbuu sawa lelɛŋndo, nduyɛ mi Mɛlɛka sɔla tɔɔ wɔɔŋndo. O lɛŋii sawala waa naa cho niŋnde, bɛnduaa nɔ ma chɛl le kɔlaŋ a suɛi keŋ o lemasa.—w19.05, p. 9-10.
Vɛɛ ŋ siŋga yɛ ɔɔ hiau yɛ lachi a simnɔŋndo o sɛnɛi yuka o yiyaŋnda numndaŋ niŋ?
Sɔɔŋ kpeekpei ŋ nɔ ma tosa woŋ cho ni: Piɛi o Chɛhowa lo. Yiyaŋ a siŋgaŋnda ŋ nɔ ma tosalaŋ okɔɔ. Hɛli chaŋyaŋ numndoŋ a taasi.—w19.06, p. 11.
Vɛɛ naŋ bɛɛndiaŋ yɛ suŋ suŋ le nyɛpalaa nda tusi niŋ naa choo wo?
Ŋ nɔ miŋ kindi chaŋyɛi nɛi poŋ a Chɛhowa nduyɛ miŋ nɔ tiindaŋndo maa o kaala naa nduyɛ maa fɛŋ bɛɛ o mel naa le. Ŋ nɔ miŋ wa diomndaŋ veeloo lepaa o lepaa o Baabuiyo niŋ nduyɛ miŋ wa piɛileŋ o Chɛhowa lo teleŋ o teleŋ. Ŋ nɔ vɛlɛ miŋ nɔ tiindaŋndo maa salala Masale Mɛlɛkaleŋ le huŋ niŋ ndaŋ la cho yɔŋnɔŋ. Ŋ kindiŋ miŋ kɛsiŋ bolii Baabui naŋ hɛnaŋ tau ve a chonduŋ saŋgala Chɛhowa woŋ o kɔl.—w19.07, p. 2-4.
Yɛɛ naŋ nɔ yɛ miŋ tosa le wanayaŋ naŋ malaa ma sɔla pioŋɔɔ?
O cho bɔɔ suɛi sɔvɛ le miŋ chɔm nyɛiye. Tosa mi kaa num kɛndɔɔ timbi seile kɛndɛleŋ a num okɔɔ. Chɔm kaa biuwaŋndo nduyɛ ma chaa suɛi o nda lo.—w19.08, p. 15-17.
Vɛɛ naŋ sɔla yɛ pɛŋgioo o kɔlta naalaŋ niŋ a mɛɛ Chiisu dimi o Maatiu 11:28, 29 niŋ yɛ?
Ŋ nɔ wanaa chaa chilaŋ chuaa wa nduyɛ, ŋ nɔ vɛlɛ chaŋyaŋ sɔvɛ sɔviɔŋ a wali sɔvɛ sɔviɔɔ.—w19.09, p. 23.
Vɛɛ Mɛlɛka tosa yɛ miŋ nɔ yeemɛi le nyɛ o hɛnaŋ ndo tosaa nduyɛ miŋ nɔla ndu tosa? (Filipi. 2:13)
Te ŋ veelu pɛ diomndaŋ o Baabuiyo niŋ nduyɛ miŋ yiyaŋ lechoo, Mɛlɛka nɔla mbo dɔu naa yeemɛi o kɔl nduyɛ mbo luei naa yoomuaŋ le miŋ nɔla hɛnaŋ ndɔɔ tosaa. Nyina ndɔ diandaa nɔla vɛlɛ mbo ke naa taasioo le sɔɔŋ pum tosaa.—w19.10, p. 21.
Sɔɔŋ kuɛɛ naŋ nɔ yɛ miŋ tosa tuupa miŋ tosa kɛɛsiaa sɔviɔɔ?
Sɔɔŋ sala ŋuɛɛnu ŋ nɔ ma tosa woŋ cho ni: Tosa yaasiaa nyɛkɛndɛi. Piɛi le taasioo. Yiyaŋ a sabu ŋ yeema le kɛɛsiaa tosaa wo okɔɔ. Kɛsi teleŋndo. Sina naa yoomuma numndaŋ ma mɛɛlu wa.—w19.11, p. 27-29.
Baa laalaŋ waŋnda nɔ hau maa wanachioo vi pɛ nyina ndɔɔ fulaŋ ndu niŋ ndo kilaŋ o nyɛ Setana ndoo dimul Ifi wo choo?
Wana che pɛ maa o cho o ndu choo le o kilaŋ te. Mi Setana dimul Ifi maa o vi niŋ kposoŋ te, kɛ o cho naa maa te o vi pɛ nyɛ cheleŋ ndu niŋ cho lakɔ wa achal naa cheleŋ te. Mi piɛiyii lachoowɛi wa o chieeŋndo choo ve sɔla tambei a teleŋ Mɛŋma Koŋgi Bɛnduaŋ ma hiŋndo. Naapum waŋnda ndaa nɔ laalaŋ waa naa tuupa mi Mɛlɛka laasiaa sɔɔŋ maŋgalaŋ wanaa wa chioo Babɛɛl taŋgullo wa.—w19.12, p.15.