Yɛɛ Baabuiyo Dimi Yɛ?
Baa Mɛlɛka muli pa piɛile kɛ kɛ fee?
DIMIOO Ŋ CHO NI MAA O MULI PIƐILE . . .
Wana o wana fee
Waŋnda apum
Wana o wana le
NYƐ BAABUIYO DIMI WO
“A cho o bɛɛndiaŋ le teleŋ o teleŋ le wanaa nyuna num diom nda malaa. Wanaa nyuna num diom o tonyaa choo wa.”—Sam 145:18.
YƐƐ CHELEŊ NAŊ PƐƐKU YƐ O BAABUIYO NIŊ?
Mi Mɛlɛka kɛɛ piɛile wanaa tosal ndu nila kalulaŋ nda. (Aisaya 1:15) Kɛ, a nɔla ma ‘dimi diom pilɔɔ’ a Mɛlɛka o kaala ndalaŋ siŋgaa niŋ.—Aisaya 1:18.
Le mi Mɛlɛka muli piɛileŋ, le nɔ mi le chɛlaŋ a sawala ndɔlaŋ o Baabuiyo niŋ.—Chɔŋ Tasoo 5:14.
Te ŋ wa pɛ piɛileŋ, nɛi teŋgeŋ cho pa o naŋ nɔ miŋ tol kɔɔli wo?
WAŊNDA APUM LAALAŊ maa teleŋ o teleŋ nda wa pɛ piɛileŋ, a nɔ ma baŋ wulaŋ, ma tundu bolle, ɔɔ a bɔŋa bolle naapilɛ. Vɛɛ num yiyaŋ yɛ?
NYƐ BAABUIYO DIMI WO
Mɛlɛka chɛl niŋ paandu piɛile wanaa ndaa “chal” ɔɔ ma “chaŋ” ɔɔ ma “deli deli lɛŋ” ɔɔ ma “baŋ wulaŋ” le ndu piɛiyo wa. (Koloniko Tasoo 17:16; Koloniko Diiŋ Ndɔɔ 30:27; Ɛsilua 10:1; Walta Wanaa Chiisuaa 9:40) Te ŋ wa pɛ piɛileŋ, o dimul naa nyɛ kpeekpei naŋ nɔ miŋ tosa wo le.
YƐƐ CHELEŊ NAŊ PƐƐKU YƐ O BAABUIYO NIŊ?
Mɛlɛka yaŋ nilaŋ o wanaa tuisiaŋnda lo.—Sam 138:6.
A piɛi o suɛi maŋgalɛi kɛ kɛ niŋ ɔɔ toolo.—Koloniko Diiŋ Ndɔɔ 6:32, 33; Nɛhimaya 2:1-6.
