LE KALAŊ CHUAUWA
7: Kaala Kɛndɛlaŋ
NYƐ O SIMNDO
Kaala kɛndɛlaŋ la cho kaala ŋ kɛɛsiaa le waa tosaa o yoomu numndo niŋndaŋ ni. Le tamaseliiyo, a kindiŋ pa le waa sakpo o nɛi o nɛi niŋ? Naapum, kaala pilɛlaŋ ndaŋ kpe ŋ yeema ni le ma pɛɛku chuauwaa numnda.
Kaala kɛndɛlaŋ ndaŋ latiŋ la cho ni, waa wana wali kala kala, waa sakpo, a buulaŋndo nɔɔ le acheleŋnda. Nduyɛ o ichuaambɔya pɔ waŋndo pɛɛku kaalaŋ ndaŋ ni.
SAWA MANDAA BAABUIYO: “Manda chua numndo lɔɔ o cho o pɔmbɔ wo mɛɛ o nɔ le waa yɛ. A yɔŋ bɛɛ mbo huŋ sul niŋ kaasoŋnɔ, o feŋaŋ o ba koŋ choo le.”—Pulɔwaa 22:6.
LE YƐƐ HEI CHO YƐ SUƐI SƆVƐ?
A teleŋ nyɛm mapuuloŋ kui hoo wo, o cho bɔɔ suɛi sɔvɛ le kaala kɛndɛlaŋ nɔɔ. Mi kala chua pilɛ diolaŋ aa Kaliŋ dimi aa, “Ŋ saaluŋ sɔɔŋ wɔɔŋndoŋ o nyɛ mapuulu kɛ kɛ niŋ teleŋ o teleŋ. Naapum chuauwaa naa wa naa ichali ikɛi, ma wa nyɛm wɔɔŋndoŋ tofaa ŋ ve bɛɛ o sina choo le!”
SAWA MANDAA BAABUIYO: “Kaasoŋnda . . . nɔla ma soliŋ kɔl kalu ndaa kpeku le sinaa yɛ yiɔɔ o kɛndɔɔ tɛɛŋ a o wɔɔŋndo.”—Hibuluiya 5:14.
Kaala kɛndɛlaŋ la cho bɔɔ nyɛ sɔvɛ. Wana nɔ kaala kɛndɛlaŋ ndo soliŋ diomnda lebɛɛlaŋ kpeku mɛɛ yandii a balika cho naa yɛ, nduyɛ mbo nɔ buulaŋndo le acheleŋnda. Waŋnda buulaŋ ndɛ hau a kaalaŋ ndaŋ te kanifuule, a handu kɔllo o nyɛm mapuuloŋ choo mbo hiau waŋchieeya.
SAWA MANDAA BAABUIYO: “Nyɛ nya yeema mi chaanda tosal nya wo, nya bɛɛ la tosal nda nyɛ pilɛ koŋ kpe.”—Luku 6:31.
NYƐ Ŋ NƆ MA TOSA WO
Chɔm kaala numnda kɛndɛlaŋ. Le tamaseliiyo, wanaa yaasiaa ŋsɔɔ wa dimi maa, feleŋguaa nɔla ma fafaŋ hiniei tosaa tuupa ma chal o nɔɔ te a sɔla pɛ pɛɛkoo nyɛkɛndɛi maa kaa hoo niŋ kposoŋ te.
SƆƆŊ Ŋ NƆ MƆ WA TOSAA WOŊ: Soliŋ suɛi laŋga yɔŋnuŋnde kpeku, le ma kandu suukaŋndo a kaala kɛndɛlaŋ okɔɔ. Le tamaseliiyo, te la tuei pɛ yooŋgoo maa a dii waŋndo, a nɔla ma dimi aa: “Nuawɔ se suɛi dɛnɛ wɔɔŋ bɛndu a mɛɛ waŋnda apum duaunuŋ tumbe yɛ. Vɛɛ num yiyaŋ yɛ a wanaa waa ndoo okɔɔ?”
“O wa tiŋ ikala le mi chuaambuaa hɛli le o kɛndɔɔ tosaa, te o cho ma sina teŋgeŋndo o kɛndɔɔ tɛɛŋ a o wɔɔŋndo le.”—Balandɔŋ.
Pɛɛku nda kaala kɛndɛlaŋ. Chuaambuaa pɔmbuaa bɛɛ nɔla ma pɛɛku le dimioo aa “yandii” a “balika,” nduyɛ ma nɔ buulaŋndo le acheleŋnda. Mi yau pum dimi aa, “Chuaambuaa nɔ ko ma yiyaŋ a ndapila okɔɔ suee le, kɛ a nɔ ma yiyaŋ a yuŋgu ndaa, sukuu ndaa, vɛlɛ a tanda nda cho niŋndo. Hei sinaa mala nda ma tosa sɔɔŋ kɛndɛŋ mala wana o wana woŋ.”
SƆƆŊ Ŋ NƆ MA WA TOSAA WOŊ: Ke chuauwaa numnda waltaŋ le tosaa, le nda malaa ma pɛɛku le sabu o bɛnda le acheleŋnda waltaŋ tosallo wo.
“Te chuauwaa naa pɛɛku pɛ suŋ suŋ le waltaŋ tosaa, a huŋ wa niŋ bɛɛ a ba nda o chilaŋ niŋ, a chi lɛ ndi ikala le. Kanifuule, a pɛɛku niŋ le sɔɔŋ muŋ tosaa chɔŋ teleŋ nda wa a pɔmbɔ wo.”—Tala.
