Mulilaŋ Le Nyunala Baabuiyo
Le yɛɛ naŋ piɛi yɛ le mi Masale Mɛlɛkaleŋ le hiŋ?
A yeema ma chɔɔlu sina a Masale Mɛlɛkaleŋ okɔɔ, vɛlɛ a nyɛ le cho tosa wo?
Masale Mɛlɛkaleŋ, Masaleŋ kpeekpei le cho o choo choo niŋ ni. Mi Chiisu dimul buɛiyaa nduaa le ma piɛi le mi le hiŋ kanifuule, leŋ le cho hunɔɔ sandei a kɔl nyuloo miŋgi o chieeŋndo choo ni. Masale wanachioo le nɔla mi le faŋa niilu latandaa, kafalaŋ, a naalaŋ te, mɛɛ Masale Mɛlɛkaleŋ. Nduyɛ, le nɔ le keŋ tosaa. Mɛlɛka yulu Chiisu po ndɔ iso le mbo wa Masaa le Masaleŋ ndeŋ. Chɛhowa hɛli vɛlɛ kundaa o buɛiyaa Chiisuaa tɛɛŋ le waa o Masaleŋ choo a Chiisu latulu.—Nauwɔ Luku 11:2; 22:28-30.
Teleŋndo lo niŋ o biŋgi le mi Masale Mɛlɛkaleŋ le huŋ faŋa wanaa simul Masale ndɔleŋ nda. Lelaŋ te ŋ piɛi pɛ le mi Masale Mɛlɛkaleŋ le hiŋ, mɛɛ nyunaa naŋ cho ndu koŋ ni le mbo huŋ faŋa masɛi waŋchieeya kpou.—Nauwɔ Daniɛl 7:13, 14; Sɔɔŋ Chɔɔmaŋndoŋ 11:15, 18.
Le yɛɛ Masale Mɛlɛkaleŋ le cho yɛ waŋchieeya tɔnɔɔ chuu?
Chiisu cho Masa suiliŋ kpeekpeiyo ni kanifuule, o nɔ nyɛiye. Maa Po Mɛlɛkaa, o nɔ vɛlɛ kpaayaa le malaa wanaa cho chaŋndo o Mɛlɛka lo le malaa wa.—Nauwɔ Chondoŋ 72:8, 12-14.
Masale Mɛlɛkaleŋ le chuu niŋ tɔnɔɔ le wana o wana cho piɛileŋ le mi le hiŋ nda, nduyɛ mi kaala ndalaŋ la chɛlaŋ a sabu Mɛlɛkaa. A tembu niŋ kɔl kposoŋ le pɛɛkoo nyɛ Baabuiyo dimi a Masale Mɛlɛkaleŋ okɔɔ wo le.—Nauwɔ Luku 18:16, 17; Chɔŋ 4:23.
