Mulilaŋ le Nyunala Baabuiyo
Vɛɛ chuauwa looku yɛ pɛɛku le Mɛlɛka kaalaa?
Soliŋ buŋgaŋ cho a nyɛm Mɛlɛka toosiaa woŋ okɔɔ le chua numndo malaa le mbo sina Mɛlɛka, nduyɛ mbo kaala ndu.
Chuaa numnda nɔla ma pɛɛku le Mɛlɛka kaalaa te o wa pɛ ma nɔ nyɛ chɔm nda maa Mɛlɛka cho, nduyɛ maa o kaala nda wo. Le ma kaala Mɛlɛka, mɛɛ ma sina ndu. (Chɔŋ Tasoo 4:8) Le tamaseliiyo, a nɔ ma sina nyunalaŋ ndaŋ, Yɛɛ wa yɛ sabu Mɛlɛkaa le wanachioo toosiaa? Le yɛɛ Mɛlɛka chɛllɛ mi nyɛpalaa wa? Yɛɛ Mɛlɛka cho yɛ tosa le waŋchieeya o chilaŋ niŋ?—Nuawɔ Filipiaŋnda 1:9.
Le ma mala chuauwaa numnda ma kaala Mɛlɛka, a nɔ ma chɔm nda maa numpila bɛɛ kaala ndu. Te a che pɛ kaala numndo le ndu, a nɔla ma tol tamasi numndo kɔɔli.—Nuawɔ Dutɔlɔnɔmi 6:5-7; Talelaŋ 22:6, NW.
Vɛɛ ŋ looku yɛ ma pilaŋ chuauwaa numnda kɔllo?
Diom Mɛlɛkaa nɔ kpaayaa. (Hibuluiya 4:12) Lelaŋ, mala chuauwaa numnda ma pɛɛku sɔɔŋ kpeekpeiyoŋ leniŋ. Le mi Chiisu ndoo pilaŋ kɔlta waŋnda, mi ndoo nyuuniaa nda, mbo yaŋ nda nilaŋ, nduyɛ mi ndoo tɛɛsial nda bolii Baabuiye. Te a wa pɛ chuauwaa numnda pɛɛkoo, tol tamasi Chiisoo kɔɔli le nda kɔltaŋ pilaŋndo.—Nuawɔ Luku 24:15-19, 27, 32.
Le handɔɔ lechoo, bundɔŋ Baabuiyo a mɛɛ Mɛlɛka ndoo bii waŋnda o sindɔɔ niŋ yɛ, nɔla miŋ mala chuauwaa numnda le Mɛlɛka sinaa, a ndu kaalaa. Yaula mala num le hei tosaa wo la cho o www.pr418.com.—Nuawɔ Timoti Diiŋ Ndɔɔ 3:16.
Naapum a Yeema Dɔɔ Vɛlɛ
CHUAAMBUAA
Simnuŋ Chaaŋ o Chɛhowa
Waltaŋ ndaŋ la nɔ vidueila nyɛm pisulaa, chondoŋ, a la nya soli o pei poonyiɛi choo laŋ le mi la pɛɛku chuauwaa nyaa sɔɔŋ sɔvɛ sɔviɔŋ le Mɛlɛka kɔllo nɛŋioo.
YAU NI BUNDƆŊ BAABUIYO
Yau Ni Bundɔŋ Baabuiyo—A Yauwo Hoo Okɔɔ
Bundɔŋ tonyaŋ o yau hiou yaulaŋ kpou o chieeŋndo choo wo, Baabuiyo, chɔm naa bundɛi chieeŋndo, chɔŋ a teleŋ Mɛlɛka kandu nyɔɔŋ toosiaa wo mbu kua kɛ.
BUKUILAŊ A BULUCHIƆƆLAŊ
