SUƐI LEBOLLE O KƆƆ | A NƆLA MA SƆƆŊGUU MƐLƐKA IKƐI KPƐƐLUŊ
Nɛi Sɔvɛ Cheleŋ cho le Yoomoo Sɔlaa Maa Hoo Le
Yɛɛ ŋ nɔ yɛ ma tosa le waa kpɛɛluŋ a Mɛlɛka? Ŋ yaasiaa niŋ kpeleŋndaŋ ndaŋ lebɛŋgu la ŋ nɔ ma chua le waa kpɛɛluŋ o chaŋyɛi niŋ a Mɛlɛka laŋ.
-
Sina diola Mɛlɛkalaŋ, Chɛhowa, nduyɛ ma soliŋ ndaŋ kpeku.
-
Suukaŋ a ndu lɔɔlɔɔ o piɛileŋ niŋ, nduyɛ ma wa Diom ndɔɔ Baabuiyo, pɛɛkoo.
-
Lambaŋ nyɛ Chɛhowa hɛnaŋndo tosaa.
Le Mɛlɛka naŋnɔŋndo ikɛi kpɛɛluŋ, soliŋ diola ndɔlaŋ kpeku, piɛi o ndulo, pɛɛkoo Diom ndɔɔ, nduyɛ ma tosa nyɛ nɛŋi ndu kɔllo
Te a yiyaŋ pɛ o kpeleŋnda naŋ yaasiaa laŋ choo, a nɔla pa ma dimi maa a cho tosaa nyɛ yeemaŋ le waa kpɛɛluŋ a Mɛlɛka wo? A nɔ pa fondala ŋ nɔ le hiouwɔɔ lachioo tosaa laŋ? Tonya icho ni maa ŋ nɔ miŋ kindi kindiŋ, kɛ yiyaŋ a fulamakɔɔlioo.
Mi Chɛnifa cho Amɛlika wo dimi aa, “Kindiŋ o kindiŋ naŋ tosa pɛ le chaŋyɛi nɔɔ a Mɛlɛka huŋ a fulamakɔɔli kɛndɔɔ. Chaŋyɛi hei huŋ a salalaŋ tau. Laŋ la cho ni, mi tiindaŋ naa hiou lachi o Mɛlɛka niŋ, miŋ chɔɔlu sinalapɛŋgoo sɔla a ndu okɔɔ. Kɛ i hiou kpou ve cho ni, miŋ chɔɔlu ndu kaala. Nɛi sɔvɛ cheleŋ cho le yoomoo sɔlaa maa hoo le!”
Te a yeema pɛ ma tuei chaŋyɛi yeela a Mɛlɛka, Seiyaa Chɛhowaa wa a kɔl kɛndɛ le num malaa. A kɛɛsiaa le Baabuiyo pɛɛkoo a num, a yɔŋgu nyɛ le. A cho vɛlɛ o demulaa o Toŋgo nda leMasaa le bɔŋaŋnda Baabuilaŋ biyɔɔ a nda latulu. Loŋ, a cho tueiyɔɔ chaŋyɛi yeela a wanaa che chaŋyɛi ndɛi a Mɛlɛka nyɛ sɔvɛ wa. * Te a tosa pɛ lende, num bɛɛ cho nɔ yiyaŋndo maa wana ŋchondu pum. Mbo dimi aa, “Kɛ ya ya, I che ndi bɔɔ suɛi kɛndɛ le naŋnɔŋndo Mɛlɛka ikɛi.”—Chondei 73:28, NW.
^ pɛl. 9 Le pɛɛku Baabuiyo nyunaa, ɔɔ le ma saaluŋ Toŋgo naa leMasa cho num ikɛi yo, a yandii, nyuna wana chuu num yauwo hoo wo, ɔɔ ma tofa o tɛɛŋgii nɛi hei niŋ, www.pr418.com. Tofa o suɛi lebolle hei bɛŋgu, NUUVIAA NAA, peeleŋ lebɛŋgu.
Naapum a Yeema Dɔɔ Vɛlɛ
NYUNALA WAŊNDA NYUNA LƆƆLƆƆ LAŊ
Yɛɛ Cho yɛ Pɛɛku Baabuiyo?
Sɔla mulilaŋ o nyunala nyunaŋ a mɛɛ naŋ tosa pɛɛku Baabui ŋ paawa nyɛ o nyɛ le wo okɔɔ wo.
