Baa Tiindaŋndo Cho pa le Waŋvilɛiya?
Baa waŋvilɛiya miiŋgu lɛ niŋ pa yoomu?
MULI BAABUIYO: “Teleŋ cho fuuluu mi wanaa vilɛiya o sɛila loonaŋ ndaŋ niŋ kpou a tuei diom [Chiisoo] okoŋ, ma fula.”—Chɔŋ 5:
Mi Chiisu dimi maa o Masale ndɔleŋ bɛŋgu o chilaŋ niŋ, sɛilaŋ la cho wa fondo. Mi Fanaŋndo naŋ soo a ndu okɔɔ o buŋgɛi naŋ hiou ve niŋndo dimi aa, “Mɛɛ ya nua Chɔŋ 5:
O sindɔɔ niŋ, mi Choobu ndoo nɔ tiindaŋndo o Mɛlɛka niŋndo wa chumndo maa te o vi pɛ, Mɛlɛka cho ndu miŋgi yoomu. Mi Choobu nyuna aa, “Te wana chioo vi niŋ pɛ baa o miiŋgu lɛ pa yoomu?” Mbo muli a tiindaŋndo aa, “Mi che bɛɛ mi nyɔɔ wa ya kindilaa, kɛ I cho biunɔŋ mi chum, [“o sɛiyo niŋ,” NW] haaa mbo lo o koŋ mi wana huŋ faŋa ya ndu choo. Mɛlɛka, num toosiaa ya ni. I sina maa o wa niŋ o lepala niŋ mi kɔllo del num o ya lo. O koŋ, ma veelu ya mi muli num diom.”—Choobu 14:
Fulasɛiniŋ Lasalɔɔ wo ke naa tiindaŋndo le chilaŋ
Fulasɛiniŋndo ve suɛi sɛnɛi le Mata le, yemaa Lasalɔɔ. Mɛɛ Lasalɔɔ vi, mi Chiisu dimul Mata aa, “Ya cho wana miŋgi waŋnda yoomu wo ni. Nduyɛ, ya tosa ni mi waŋnda a wa yoomu kpeekpei. Wana o wana dɔu tiindaŋ ndɔɔ o ya niŋ pɛ, a yɔŋ bɛɛ mbo vi o cho [“miiŋgu,” NW] yoomu.” (Chɔŋ 11:
Baa apum cho fulasɛiniŋndo sɔla le kɔlaŋ o choo choo niŋ?
MULI BAABUIYO: Diom Mɛlɛkaa chɔm maa fulasɛiniŋ Chiisoo wa teŋgeŋ a fulasɛiniŋnda ŋɔmaa Baabuiyo soo laŋ. Mi wanaa ŋɔmaa wa haa sɔla fulasɛiniŋndo o lɛŋndeŋ ndeŋ choo. Kɛ Baabuiyo dimi a fulasɛiniŋ Chiisoo aa, “Chiisu . . . hel o Ɛchɛnɛ mbo kɔ wa o fondaŋ lebɛɛ bɛndoo o ba kɛndɛ Mɛlɛkaa choo.” (Pitɛ Tasoo 3:
Mi Chiisu miiŋgu o choo choo niŋ, nduyɛ mbo kɔ bɛɛndiaa fondaa le buɛiyaa nduaa apum. Waŋnda 144,000 cho fulasɛiniŋndo sɔla ni le kɔlaŋ o choo choo niŋ. (Sɔɔŋ Chɔɔmaŋndoŋ 14:
Sɔɔŋ Chɔɔmaŋndoŋ 20:
Nɛɛ yaa cho yɛ fulasɛiniŋndo sɔla o koŋ kɔɔli?
MULI BAABUIYO: Baabuiyo soo a suɛi kiilanɔɔ Pɔɔl ndoo yɔŋgu ve aa, “Waŋnda haa cho lehɔl o nɛi maa wana o wana vi, a cho vɛlɛ miiŋgu yoomu, wanaa sandu wa, a wanaa sendu le wa.”—Walta Wanaa Chiisuaa 24:15.
Diom Mɛlɛkaa ke naa tiindaŋndo maa wanaa vi o biiliɔŋndaŋ niŋnda cho vɛlɛ miiŋgu yoomu
Nɛɛ yaa cho yɛ wa “wanaa sandu” wa a Pɔɔl soo haa a nda okɔɔ wa? Nuawɔ tamaseliiyo hoo. Mi Mɛlɛka dimul Daaniɛɛ ndoo lo o tiindaŋ ndɔɔ choo haaa wo aa, “A cho hunɔɔ wu. Kɛ te palɛi le chieeŋndo i huŋ fuuluu pɛ, a cho miiŋgu yoomu nduyɛ ma sɔla fonda cho le numndo.” (Daaniɛɛ 12:
Nɛɛ yaa cho yɛ wa “wanaa sendu” le wa a Pɔɔl soo haa a nda okɔɔ wa? Nda cho wanaa sina tonya cho o Baabuiyo niŋ te wa ni. Waŋnda haa cho o biiliɔŋndaŋ niŋ. Nduyɛ a wa yoomu ma wu. Nda bɛɛ nɔ le hunɔɔ fulasɛiniŋndo sɔlaa ma pɛɛku le Chɛhowa * sinaa a Chiisu. (Chɔŋ 17:
Wana o wana hɛli le Mɛlɛka piɛiyo, cho wa achal lefafɛɛŋ a kɛndiaa walaŋndo, nduyɛ a nyaale
Vɛɛ chieeŋndo wa yɛ niŋ?
MULI BAABUIYO: Mɛlɛka “o cho nda mamɛmɛ o mamɛmɛ wɔɔsuu o hɔl fo. Wana o wana vi lɛ le. Wana o wana ve lɛ a kɔl tambɛi le, kɛlɛŋgaa mi wana chaŋ, kɛlɛŋgaa mi nyɛ nɛiyaa wa, kani fuule, nyɛ o nyɛ paandu chuu faŋaŋ.” (Sɔɔŋ Chɔɔmaŋndoŋ 21:
Nuawɔ teleŋ kɛndɛ bɛndu le waa latulu a wanaa num aa kaalaa sɔla fulasɛiniŋndo wa! Kɛ nyunaa cho niŋ hoo ni, Vɛɛ ŋ looku yɛ niŋ sina maa fulasɛiniŋndo cho yɔŋnɔŋ?
^ pɛl 15 Mɛlɛka nɔ diolaŋ ni aa Chɛhowa, a mɛɛ Baabuiyo chɔm yɛ.