SUƐI LEBOLLE O KƆƆ
Nɛɛ Yaa cho yɛ Seiyaa Chɛhowaa?
“I sina niŋ Maik le lɔɔ levil. Chɛhowɛinɔɔ o cho ni. Kɛ kɔndɔfillo cho ya a kaŋnde ndɔleŋ. Nɛɛ cho yɛ Chɛhowa? Le yɛɛ Seiyaa Chɛhowaa biiluu palɛi bɛnduei le? Baa o sɔɔŋ toomaŋ niŋ Maik luei balaŋ ni?”—Bɛki, Kalifooniaa, Amɛlika.
“Mɛɛ wanaa naŋ chiɛɛliaŋ bɛɛlaŋnda kandu Baabuiyo pɛɛkoo a Seiyaa Chɛhowaa, mi kɔndɔfillo bii ya a nyunaa hoo, ‘Yɛɛ diolaŋ ndaŋ, Seiyaa Chɛhowaa, la sim yɛ? Nuawɔ diola lekaaŋ wɔɔŋ se!’”—Senɔŋ, Ontalioo, Kanada.
“Mi naa laanuu yiyaŋ maa le hakila waŋnda yaasiaa Seiyaa Chɛhowaa kua o chiɛila ndalaŋ ni. Kanifuule, naŋ nɔ le kaaŋ te. Nduyɛ miŋ yiyaŋ maa, te kaaŋii bɛnduei nɔ nyɛ naŋ cho nuuviaa wo le, kunda wɔɔŋ Seiyaa Chɛhowaa nɔla ma nɔ ndu le.”—Kɛnti, Wɔsiŋtiŋ, Amɛlika.
“O kpeekpei niŋ, yaa sina wanaa nda cho wa le, nduyɛ a nyɛ nda simndo le”—Sisili, Ɛschaa, Dɛŋmak.
Kɛlɛŋgaa a che niŋ nda kɔlaŋ o chiɛila waŋnda ɔɔ o fondala waŋnda cho tau laŋ le yooŋgu kɛndɔɔ dimioo, yaula Baabuilaŋ piɔuwo, a pɛɛku Baabui wana yɔŋgu nyɛ le wo tosaa a waŋnda. Kɛlɛŋgaa Chɛhowɛinɔɔ ke num yauwo hoo ni. Nduyɛ, kɔndɔfillo cho wɔ num le wanaa kpeekpei Seiyaa Chɛhowaa cho wa. Kɛlɛŋgaa yiyaŋ pilɔɔ kpe ŋ nɔ a nyɛ waŋnda haa dimi wo ni.
Te o wa pɛ ma nɔ buulaŋndo a nyunala waa naa okɔɔ, o nɛɛ lo ŋ nɔ yɛ ma kuɛ le mulilaŋ? Vɛɛ ŋ looku yɛ ma pɛɛku a nyɛ kpeekpei Seiyaa Chɛhowaa laalaŋndo, ba nda sɔla kanioŋ le wali nda dimiaa yooŋgu kɛndɔɔ a fondala ndala lepiɛi laŋ tooloo wo, le sabu nda kua o numndo bɛɛ, a o fondaŋnda waŋnda wa tau laŋ?
Mi Sisili naŋ laŋga soo a ndu okɔɔ wo dimi aa, “Mi pɛɛku lɔɔlɔɔ o Intanɛtiiyo choo a Seiyaa Chɛhowaa okɔɔ. Mi tuɛi sɔɔŋ tau a nda okɔɔ, nduyɛ mi yaŋ nilaŋ o sɔɔŋ wɔɔŋ waŋnda dimi a ndaa okɔɔ woŋ. Le hei, mi sɔla yiyaŋ wɔɔŋndo le Seiyaa Chɛhowaa.” Kɛ okoŋ kɔɔli, mi Sisili suukaŋ a Seiyaa Chɛhowaa pila, nduyɛ mbo sɔla mulila kɛndɛlaŋ le nyunala ndɔlaŋ.
A yeema pa ma sɔla mulila tonyalaŋ le nyunala numndaŋ a Seiyaa Chɛhowaa okɔɔ? Ŋ cho num dɛɛniaa le ma muliŋ o naa kpeekpei ŋ sɔla mulilaŋ le nyunala numndaŋndo. Nyuna Seiyaa Chɛhowaa pila, a poonyiaa yauwo hoo wa. (Pulɔwaa 14:
