Mulilaŋ le Nyunala Baabuiyo
Baa chieeŋ kuɛi ve niŋ te wo wa niŋ pa?
Vɛɛ Mɛlɛka huŋ yɛ niŋ a chieeŋ nɔ niŋ ikɔɔ le wo? Maatiu 6:9, 10.
Kuɛi wɔɔŋ wɔɔŋnde, nyɛdiaa wɔɔŋndo, a naalaŋ la cho waŋnda diuwo o miliɔŋndaŋ niŋ wɔsi o wɔsi. Mi che bɛɛ lɛŋnde ipum o chieeŋndo choo nɔ nyɛsɔlaa, kɛ wanaa bɔɔbɔɔ cho wɔ o kuɛi wɔɔŋ wɔɔŋnde niŋ. Baabuiyo dimi maa o cho lɛ hau le waŋchieeya cho o kuɛi niŋ te.—Nuawɔ Chɔŋ 12:8.
Le mi kuɛi chuu, mɛɛ mi masale chieeŋndo piɔu nyɛm chieeŋndo nɔ woŋ nyɛkɛndɛi kafala ve le. Masaleŋ ndeŋ le nɔ vɛlɛ mi le chii chɔulaŋ, nyɛ kpeekpei cho hau kuɛi pɛŋgɛlaa wo. Mɛlɛka chua buŋgɛi le masele waa lende.—Nuawɔ Daaniɛɛ 2:44.
Nɛɛ nɔla yɛ mbo chii kuɛi?
Mɛlɛka hɛli Chiisu Po ndɔ, le mbo wa masaa waŋchieeya choo. (Sam 2:4-8) Chiisu cho wanaa ikɔɔ wa soli o kuɛi niŋ po, nduyɛ mbo chii nyɛkindilaa a tandalaŋ.—Nuawɔ Sam 72:8, 12-14.
Maa “Masa kɔl nyuloo,” Chiisu cho chunɔɔ a kɔl nyuloo o chieeŋndo choo, nduyɛ mbo faŋa sioonde. Okoŋ, wana o wana cho o lɛŋndeŋ choo cho wa o chiɛi ndɔɔ niŋ, mbo tuei wali ndɔɔ yeela, nduyɛ mbo nɔ nyɛdiaa puɛɛ.—Aisaya 9:6, 7; 65:21-23.
