Wanaa bɔɔbɔɔ chieeŋndo balɔɔ silɔ nɔ bɛɛleŋ tau le Baabuiyo, kɛ a sina sɔɔŋ tau leniŋ niŋ te. Hei cho tonya a wanaa cho Eesiaa o miiliɔŋndaŋ niŋnda. Nduyɛ tonya i cho vɛlɛ a lɛŋii nɔ Baabuiyo tau ve ni.

Kɛ ma nyuna dɔɔ lepum aa, ‘Le yɛɛ ya nɔ yɛ kuee mi nɔ yeemɛi le Baabuiyo biyɔɔ bila?’ Nyɛ yau diandaa hoo dimi wo biyɔɔ bila mala num le sɔɔŋ muŋ tosaa,

• Mɛɛ ŋ sɔla kɔl hiniaa a nyaaloo yɛ

• Mɛɛ ŋ bii bahawɛila yuŋgoo yɛ

• Mɛɛ ŋ bii buulaŋndaŋ yɛ

• Mɛɛ ŋ hiau lachi a chaŋyaŋ numndoŋ taŋgullo yɛ

• Mɛɛ ŋ soliŋ kaniei kpeku a taasi yɛ

Chua wɔ tamaseliiyo a Yoshiko o lɛŋnde Chepaŋndeŋ niŋ. Mi kɔndɔfillo bii chuaa hoo a nyɛ Baabuiyo cho suɛiyo okɔɔ, nduyɛ mbo tosa kɛɛsiaa le diomndaŋ veeloo leniŋ a ba ndɔ. Yɛɛ wa yɛ fulamakɔɔlioo? Mbo dimi aa, “Baabuiyo mala ya le saboo nɔɔ o yoomu nuu niŋ, nduyɛ le tiindaŋndo nɔɔ o chilaŋ niŋ. I yiyaŋ lɛ maa wana fondoo fuu le ya cho le.” Mi Amit naŋ soo a ndu okɔɔ o buŋgɛi hei kandɔŋndo wo tosa kɛɛsiaa a ba ndɔ le Baabuiyo yaasiaa. Mbo dimi aa, “Mi kaamaa bii ya. Baabuiyo nɔ sɔɔŋ kɛndɔŋ leniŋ le wana o wana fee.”

Baabuiyo piiliaŋ bɔɔ yoomula waŋnda o miiliɔŋndaŋ niŋ. Le yɛɛ a yaasiaa ndu a ba num nduyɛ ma che mɛɛ o ke num tɔnɔɔ yɛ le?