Soliŋ Kpaaya Diɔɔmule Numndaŋ Kpeku le o Kɛndɔɔ
“Oo Mɛlɛka Yaawɛɛ, . . . I cho piɛileŋ maa diomnda nilaŋ, . . . la bɛnda num o hɔl fɔ.”—SAM 19:
CHONDOŊ: 82, 77
1, 2. Le yɛɛ nda tuu yɛ tamaselii leyiŋndo a diɔɔmuleŋ?
A PAŊGII Saa kandɔŋndo o wɔsi 1871 ve o Amɛlika niŋ, mi yiŋnde kpundɛle bɛnduleŋ le luam bundɔɔ kpeŋgii ba luaŋnde o Wisikɔŋsiŋ niŋ. Mɛɛ bundɔɔ hoo wa ŋɔɔ, mi haŋgul leyiŋ bɛndu koŋ dii waŋnda 1,200, nduyɛ mi le luam yɔmnde biiliɔŋndaŋ la tiɔɔŋ. Teeniila wa hiouwɔɔ laŋ la kei tɛŋgɛla leyiŋndaŋ taaniŋndaŋ mɛli ni. Nduyɛ laŋ la mal kpundɔɔ hoo ni. Hei chɔm maa diomnda cho o Chemisi 3:
2 Nɛila 6 ndaŋ la chɔm kpendekele le sabu Chemisi dimi suɛi heiyo. “Mɛɛ yiŋndeŋ le cho yɛ lende diɔɔmuleŋ le cho ni.” Diɔɔmuleŋ le sim ke naŋ nɔ le suɛiyo ni. Nyɛ fula naa o sondo wo nɔla mbo mal kpundɛ bɛndoo mɛɛ yiŋndeŋ le mal kpundɔɔ naa yɛ. Baabuiyo dimi maa “diɔɔmule wana chioo le nɔ kpaayaa mi le dii.” (Pulɔ. 18:
3. Sɔɔŋ sala yaa kuɛɛ naŋ cho yɛ yaasiaa a suɛi okɔɔ?
3 O wa bɛɛ miŋ wa suukaŋndo a sondo ɔɔ miŋ wa tuuliaa a laba, ke sɔviɔɔ pila Mɛlɛka ke naa le suɛi nyɛ cho naa o kɔllo ni. Vɛɛ naŋ soliŋ yɛ kioo hoo kpeku le acheleŋnda kɔllo dɛɛniaa? (Nuawɔ Chemisi 3:
TELEŊ NAŊ NƆ MIŊ SOO WO
4. Chɔmndɔ tamaseliilaŋ a ‘teleŋ cho le meiyo’ wo okɔɔ.
4 Mi che bɛɛ naa ŋ nɔ kioo le suɛi lepaa o lepaa, kɛ o cho a teleŋndaŋ fau le naŋ nɔ miŋ wa suɛi le. Nduyɛ Baabuiyo dimi maa “teleŋndo cho le meiyo.” (Ikili. 3:
5. Vɛɛ naŋ chɔm yɛ balika melaa le di Mɛlɛka ke naa le suɛiyo?
5 O baa pilɔɔ cho, Baabuiyo dimi maa “teleŋndo cho le suɛi.” (Ikili. 3:
6. Le yɛɛ i cho suɛi sɔvɛ le hɛlioo teleŋ bɛnda miŋ soo wo?
6 Pulɔwaa 25:
7, 8. Vɛɛ puaapiliaa naa o lɛŋnde Chepaŋndeŋ niŋ tollɛ tamasi Chiisoo kɔɔli le hɛlioo teleŋ bɛnda le suɛi a fulasɛiniŋndo okɔɔ wo?
7 Te o yɔŋ pɛ miŋ soo a teleŋ bɛnda le wo, waŋnda nɔla ma bii bila ɔɔ ma chɛl nyɛ naŋ cho nda dimullo wo le. (Nuawɔ Pulɔwaa 15:
8 Chiisu ndoo sina teleŋ ndoo bɛnda le isɔɔ le wo, a teleŋ bɛnda le suɛiyo. (Chɔŋ 18:
9. O sɔɔŋ kuɛɛ choo naŋ nɔ yɛ miŋ hɛli teleŋ bɛnda le suɛiyo le ma yaŋ naa nilaŋ?
9 O teleŋnda kuɛɛ bɛŋgu naŋ nɔ yɛ miŋ chum le hɛlioo teleŋ bɛnda le suɛiyo? Le tamaseliiyo, mi waŋndo tiŋ naa lepum, nduyɛ mbo dimul naa diomnda pala naa kɔllo laŋ. Tuupa miŋ dimul wana koŋ diomnde wɔɔŋndeŋ, ŋ nɔ fɛŋ miŋ yiyaŋ tuupa miŋ soo. Nduyɛ te ŋ yeema pɛ suɛi o wana tiŋ naa koŋndo lo, ŋ nɔ fɛŋ miŋ chum le mi kɔllo pɔlul naa, yɔŋi naŋ soliŋ diomnde wɔɔŋndeŋ o sondo. (Nuawɔ Pulɔwaa 15:
NYƐ NAŊ NƆ MIŊ SOO WO
10. (a) Le yɛɛ naŋ nɔ yɛ miŋ wa yekeŋ le diomnda bɛnda laŋ hɛlioo? (b) Diomnda wɔɔŋ kuɛɛ naŋ nɔ yɛ miŋ kpakpala?
10 Mɛɛ naŋ suaa yɛ nɛŋi waŋndo kɔllo ɔɔ tɛɛmbuu ndu kɔllo. (Nuawɔ Pulɔwaa 12:
11. Vɛɛ kɔllo mala yɛ naa le diomnda bɛnda laŋ hɛlioo?
11 Mi Chiisu ndoo pɛɛku waŋnda maa “sɔɔŋ wa ŋ piaa o kɔllo niŋ ndoŋ, muŋ sondoo dimi ni.” (Maa. 12:
12. Vɛɛ naŋ looku yɛ diomnda bɛnda laŋ hɛli?
12 I cho suɛi kpɛdɛ le diomnda bɛnda laŋ hɛlioo le. Masaa Sɔlɔmɔŋ ndoo nɔ taasioo wo bɛɛ “o chal fɛlɛŋ mbo yiyaŋ muŋ nyɛ kɛndɛ kɛndɛ, mbo yaasiaa a muŋ okɔɔ fɛsɛ fɛsɛ. . . . Nduyɛ diom o diom o poonyiaa, diom cho sakpo, nduyɛ mbo wa diom tonyaa wo o cho ni.” (Ikili. 12:
13. Lɛ yɛɛ suɛi waŋnda bii bila chɔ chɔ ve cho yɛ nyɛ sɔvɛ?
13 Mi ndaa soliŋ bululaŋ nda hɔŋndaŋ kpeku o Isɔluɛi niŋ le waŋnda chuuŋgiaa, le nda puusiaa ma miiŋgu o tɛndiila ndalaŋ niŋ, vɛlɛ le puaa chɔuwa dimullo le ma bɛɛndiaŋ le kɔlaŋ o chɔuwo. Baabuiyo soliŋ bulu hɔŋaa kpeku le chɔmndo mɛɛ naŋ nɔ miŋ soo mi waŋndo bii bila chɔ chɔ yɛ. Yiyaŋndɔ a kpundɛ puaa chɔuwa wa luɛiyɔɔ niŋndo te ndaa hɔŋ buloo nyɛkɛndɛi le! Lende koni, mi waŋnda lakasiaŋ te a bii bila suɛi naŋ cho nda dimullo ve le. Mi che bɛɛ naa ŋ yeema miŋ soo diomnda waŋndo bii bila laŋ, kɛ ŋ nɔ miŋ wa yekeŋ yɔŋi naŋ dimi nyɛ bɛnda le wo.—Nuawɔ Kɔliŋtiaŋ Tasoo 14:
14. Tamaselii kuɛɛ chɔm yɛ maa mi Chiisu ndoo dimi suɛi waŋnda bii bila chɔ chɔ ve?
14 Mi Chiisu kɛsul naa tamaselii kɛndɔɔ a diomnda bɛnda laŋ hɛlioo okɔɔ. Ŋ yaasiaŋndɔ suɛi kɛndɛ bɛndu o yɔŋgu o Maatiu bolle 5 tei 7 wo. Chiisu ndoo suu le mi waŋnda kɛɛ ndu bila biyɔɔ le. Nduyɛ ndoo dimi diomnda pilaŋ waŋnda tana laŋ te. Kɛ, mi ndoo hɛli diomnda tɛtɛlɛlaŋ le wanaa wa ndu nilaŋ yaŋɔɔ wa kɔllo pilaŋndo. Le tamaseliiyo, mɛɛ Chiisu dimul waŋnda le ma pɛŋgi buulaŋndo le nyɛdiaa ndaa nɔ ma de lepaa o lepaa wo, mbo chɔm mɛɛ Chɛhowa ke youwa choo choo nyɛdiaa yɛ. Nduyɛ mɛɛ o wa wanaa wa ndu nilaŋ yaŋɔɔ wa tuuwo a youwa, mbo nyuna nda aa, “La hiu youwa poloŋ te?” (Maa. 6:
MƐƐ NAŊ NƆ MIŊ SOO YƐ
15. Le yɛɛ naŋ nɔ yɛ miŋ soo a lebɛɛ?
15 Mɛɛ naŋ suaa yɛ a nyɛ naŋ suaa wo cho o sɔvɛ. Mɛɛ Chiisu soo o toŋgo lepiɛiyo niŋ o ndulo chiee Naasaluɛi, mi waŋnda “duaunuŋ kɔndɔfili a diomnda kɛndɛla wa ndu fulaa o sondo laŋ.” (Luku 4:
16, 17. (a) Vɛɛ naŋ tuallɛ tamasi Chiisoo kɔɔli te ŋ wa pɛ suɛi a wanaa naŋ cho o yuŋgu pilɔɔ niŋnda, vɛlɛ a chaŋyaŋ naŋ kɛndɛ kɛndɔŋ o kundaa niŋ? (Tofa fotueiyo o peele naŋ kandu leŋ choo.) (b) Yɛɛ wa yɛ fulamakɔɔlioo mɛɛ kala chua pum soo nyɛkɛndɛi?
16 I cho suɛi kpɛdɛ le chaa suɛi o waŋndo lo le, o bii fau te ŋ sina pɛ wana koŋ nyɛkɛndɛi. Miŋ yiyaŋ maa ŋ nɔ miŋ dimul wana koŋ tonyaa. Nduyɛ miŋ tosa keŋ a wanaa naŋ cho o yuŋgu pilɔɔ niŋnda ɔɔ chaaŋ naa kɛndɛ kɛndɔɔ o kundaa niŋ. Baa Maki 9:
17 O yɔŋ bɛɛ mi waŋndo dimul num suɛi pala num kɔllo ve, fulamakɔɔli kɛndɔɔ wa te a muli pɛ a lebɛɛ. (Pulɔ. 15:
18. Vɛɛ tamasi Chiisoo tolɔɔ kɔɔli o suɛi niŋ mala yɛ naa le kpaaya lediɔɔmoo soliŋndo kpeku nyɛkɛndɛi?
18 Ke naŋ nɔ le suɛi nyɛ cho yiyaŋ naa wo cho bɔɔ ke kɔndɔfili bɛndu. Maa ŋ tolnuŋ tamasi Chiisoo kɔɔli le hɛlioo teleŋ bɛnda le suɛiyo, miŋ kindiŋ le diomnda bɛnda laŋ hɛlioo, nduyɛ miŋ wou sɛmbɔɔ le suɛi a lebɛɛ. Okoŋ, kpaaya lediɔɔmu naŋ nɔ wo nɔla mbo mala waŋnda, nduyɛ miŋ nɛŋi Chɛhowa kɔl, Wana ke naa ke sɔviɔɔ hoo le suɛiyo.