Mi Mɛlɛka ndoo suukaŋ a waŋchieeya. Mbo soliŋ nyina ndɔ diandaa kpeku, ɔɔ kpaaya ndɔɔ le mbo dɔu yiyaŋnda ndɔlaŋ wanaa poonyiaa Baabuiyo wa o lakɔl. (Pitɛ Diiŋ Ndɔɔ 1:20, 21) Ŋ nɔla miŋ sina tonyaa a Mɛlɛka okɔɔ te ŋ wa pɛ diomndaŋ veeloo o Baabuiyo niŋ.—Nuawɔ Chɔŋ 17:17; Timoti Diiŋ Ndɔɔ 3:16.

Mɛlɛka chɔm sɔɔŋ tau a ndupila okɔɔ o Baabuiyo niŋ. O chɔm le sabu o toosiaa waŋchieeya wo, nyɛ o tosa niŋ le waŋchieeya wo, vɛlɛ a mɛɛ o yeema naa miŋ wa achal lɛ. (Walta. 17:24-27) Chɛhowa Mɛlɛka yeema naa miŋ sina tonyaa a ndu okɔɔ.—Nuawɔ Timoti Tasoo 2:3, 4.

Mɛlɛka tonyaa Chɛhowa cho ni. Nduyɛ mbo viam Chiisu Po ndɔ le mbo pɛɛku waŋchieeya tonyaa. Lelaŋ, wanaa kaala tonyaa wa yeema a Chiisu ni. (Chɔŋ 18:37) Mɛlɛka yeema wanaa suu waa naa ma piɛi ndu.—Nuawɔ Chɔŋ 4:23, 24.

Setana Nyina Wɔɔŋndo kuuna wanaa bɔɔbɔɔ le Mɛlɛka sinaa a pɛɛkula lachoowala o cho pɛŋgɛlaa a Mɛlɛka okɔɔ laŋ. (Kɔliŋtiaŋ Diiŋ Ndɔɔ 4:3, 4) Wanaa nɔ kaala le o kɛndɛ le wa yeema a pɛɛkula lachoowa waa naa. (Luomaŋnda 1:25) Kɛ wanaa yeema tonyaa wa o miiliɔŋndaŋ niŋ cho tonyaa saalɔŋndo a Mɛlɛka okɔɔ o Baabuiyo pɛɛkoo niŋ.—Nuawɔ Walta Wanaa Chiisuaa 17:11.