ယ့ၣ်ၡူးသိၣ်လိဝဲလၢ ကစၢ်ယွၤအဘီမုၢ် ကမၤလီၤမၢ်ကွံာ် ပှၤဟီၣ်ခိၣ်ဖိ အတၢ်ကီတၢ်ခဲ ခဲလၢာ်. (မးသဲ ၆:၁၀) ဒ်သိး ပှၤကနၢ်ပၢၢ်လၢ တၢ်မ့ၢ်တၢ်တီ ဘၣ်ဃးဒီး ကစၢ်ယွၤအဘီမုၢ်န့ၣ်​ မ့ၢ်တၢ်လၢ အလုၢ်ဒိၣ်ပှ့ၤဒိၣ်ထဲလဲၣ်အဂီၢ် ဖဲ မးသဲ ၁၃:၄၄-၄၆ န့ၣ်​ ယ့ၣ်ၡူးတဲဖျါထီၣ်ဝဲ တၢ်အဒိခံခါ-

•   ပှၤတဂၤ မၤတၢ်လၢ စံာ်ပျီပူၤ ဒီးထံၣ်န့ၢ်ဝဲ တၢ်လုၢ်ဒိၣ်ပှ့ၤဒိၣ်တခါ လၢအအိၣ်ခူသူၣ်.

•   ပှၤပှ့ၤတၢ်ဆါတၢ်ဖိလၢ အဟးဃုပလဲတဂၤ ဃုထံၣ်န့ၢ်ဝဲ ပလဲလၢ အလုၢ်ဒိၣ်ပှ့ၤဒိၣ်တဖျၢၣ်.

 ပှၤခံဂၤလၢာ်န့ၣ်​ ဒ်သိးအကဒိးန့ၢ်ဘၣ်​ တၢ်လုၢ်ဒိၣ်ပှ့ၤဒိၣ်လၢအထံၣ်န့ၢ်ဝဲအဂီၢ် အဝဲသ့ၣ်ဆါလီၤကွံာ်ဝဲ တၢ်လၢအိၣ်ဒီးအီၤခဲလၢာ်. ပှၤခံဂၤအံၤအဲၣ်ဒိးဒိလီၤဝဲ ပှၤလၢအပာ်လုၢ်ပာ်ပှ့ၤ ယွၤအဘီအမုၢ် ဒီးဒ်သိးကဒိးန့ၢ်ဘၣ်​ ယွၤအဘီမုၢ်တၢ်ဆိၣ်ဂ့ၤအဂီၢ် အဝဲသ့ၣ်​ တူၢ်ၡူကွံာ်တၢ်လၢအိၣ်ဒီးအီၤ. (လူၤကၣ်​ ၁၈:​၂၉, ၃၀) လၢတၢ်ဂီၤမူအပူၤန့ၣ်​ နကထံၣ်ဘၣ်​ ပှၤခံဂၤလၢ အလီၤဂာ်ဒီး ပှၤခံဂၤလၢ ယ့ၣ်ၡူးဟ့ၣ်တၢ်အဒိပူၤ.