တၢ်ဟးကွၢ်ကီတၢ်လၢဘ့ၤသ့လး
ပကွဲမုာ်ဘၣ်နၤလၢ နကဟဲဟးကွၢ်ကီတၢ်လၢ ပဝဲၤတြၢ်. ဝဲၤတြၢ်တနီၤန့ၣ် အိၣ်ဝဲဒီး တၢ်ကွၢ်ကီတၢ်ဂီၤအလီၢ် လၢနဟးကွၢ်လၢ နနီၢ်ကစၢ်သ့.
ပစးထီၣ်ကဒါက့ၤ တၢ်ဟးကွၢ်ကီတၢ်လၢ ဘ့ၤသ့လး– ပစးထီၣ်ကဒါက့ၤ တၢ်ဟးကွၢ်ကီတၢ်လၢ ဘ့ၤသ့လး လၢထံကီၢ်အါဘ့ၣ် ဖဲ လါယူၤ ၁, ၂၀၂၃. နမ့ၢ်အဲၣ်ဒိး သ့ၣ်ညါအါထီၣ် တၢ်ဂ့ၢ်တၢ်ကျိၤန့ၣ် ဆဲးကျိးဒီး ဝဲၤတြၢ်လၢ နအဲၣ်ဒိး လဲၤဟးကွၢ်ကီအီၤ တဖျၢၣ်န့ၣ်. နမ့ၢ်အိၣ်ဒီး ခိၤရိၤနၤတၢ်ဆါ (COVID-19), နလိၤမ့ၢ်ကိၢ် ဒီးတၢ်ခုၣ်မ့ၢ်ဘၣ်နၤ မ့တမ့ၢ် ပှၤလၢနအိၣ်ဘူးဒီးအီၤတဂၤဂၤ မ့ၢ်အိၣ်ဒီး တၢ်ဆါတဖၣ်အံၤန့ၣ် ဝံသးစူၤ တဘၣ်ဟဲဟးကွၢ်ကီတၢ်လၢ ဘ့ၤသ့လးတဂ့ၤ.
ကလံၤထံး အၤဖြံၤကၤ
တၢ်ဂ့ၢ်တၢ်ကျိၤလၢ တၢ်ဟးကွၢ်ကီတၢ်လၢ ဘ့ၤသ့လးအဂီၢ်
တၢ်ဟးကွၢ်ကီတၢ်အလီၢ်တဖၣ်
ပှၤအိၣ်တမှံၤအလီၢ်- နကထံၣ်ဘၣ် တၢ်ဂီၤမူ ဘၣ်ဃးဒီး ပှၤမၤတၢ်လၢဘ့ၤသ့လး ဒီးဘ့ၤသ့လး ဆီၣ်ထွဲမၤစၢၤဝဲ ပတၢ်ဘူၣ်ထီၣ်ဘါထီၣ်ဒ်လဲၣ်အဂ့ၢ်.
ပှၤစဲကျံးထုးထီၣ်လံာ် တၢ်လီၢ်တၢ်ကျဲ ၂ ပှၤဟးကွၢ်တၢ်အလီၢ်- နကထံၣ်ဘၣ် တၢ်ဂီၤမူတဖၣ်လၢ အပာ်ဖျါဝဲ တၢ်ကွဲးကျိာ်ထံ ဒီးတၢ်စဲကျံးထုးထီၣ်လံာ်လဲၢ်လၢ လီၢ်ကဝီၤကျိာ်တဖၣ်အဂီၢ်. နကွၢ်စိ စဲးစဲကျံးတၢ်တဖၣ်လၢ ပျဲၢ်စီၢ်လၢပှၤကွၢ်ကီတၢ်အဂီၢ်သ့ဝဲ. တၢ်ဒုးနဲၣ်လီၢ်လၢ အပာ်ဖျါဝဲလၢ လံာ်စီဆှံလၢ ဘၣ်တၢ်ကွဲးကျိာ်ထံက့ၤလၢ လီၢ်ကဝီၤကျိာ်တနီၤအပူၤန့ၣ် သူဝဲကစၢ်ယွၤအမံၤဒ်လဲၣ်.
ပှၤစဲကျံးထုးထီၣ်လံာ် တၢ်လီၢ်တၢ်ကျဲ ၃ ပှၤဟးကွၢ်တၢ်အလီၢ်- နကွၢ်စိလီၤ ပှၤဘိၣ်လံာ်လဲၢ်အလီၢ်သ့ဝဲ ဒီးပှၤဘိၣ်အီၤဝံၤ ပှၤဆှၢအီၤဖဲလဲၣ်န့ၣ် နထံၣ်ဘၣ်သ့စ့ၢ်ကီး. နကထံၣ်ဘၣ် တၢ်ဂီၤမူလၢ အပာ်ဖျါဝဲ တၢ်သူၣ်ထီၣ်ဘှီထီၣ်, တၢ်ဘိၣ်လံာ်လဲၢ် ဒီးတၢ်ထုးထီၣ်တၢ်ဂီၤမူတဖၣ်အဂ့ၢ်.
တၢ်ဂ့ၢ်အဂၤ– ပှၤကတဲာ်ကတီၤ ကါတဖၣ် ဒ်သိးကလဲၤဆှၢပှၤဆူ တၢ်အိၣ်တမှံၤလီၢ်အဂီၢ် ပှၤတမှံၤတဖၣ် ဟဲစိာ်တၢ်အီၣ် ဒီးအီၣ်ဝဲဖဲ တၢ်အိၣ်တမှံၤလီၢ်သ့ဝဲ.
တၢ်လီၢ်တၢ်ကျဲ ဒီးလီတဲစိနီၣ်ဂံၢ်