ထဲဒၣ်ယဟိဝၤပှၤအုၣ်အသးလၢ စံၣ်တဲၤတဲလီၤ ဘီမုၢ်တၢ်သးခုကစီၣ်​ ကိးလါဒဲးန့ၣ်​ ဘၣ်တၢ်ဂံၢ်အီၤဒ် ယဟိဝၤပှၤအုၣ်အသးအသိးလီၤ. (မးသဲ ၂၄:၁၄) ပှၤတဖၣ်အံၤန့ၣ်​ ပၣ်ဃုာ်ဒီးပှၤလၢအဒိးဘျၢထံဝံၤ ဒီးပှၤလၢ အတုၤထီၣ်ထီၣ်ဘးလၢ ကဟးစံၣ်တဲၤတဲလီၤတၢ် ဘၣ်ဆၣ်တဒိးဘျၢထံဒံးဘၣ်န့ၣ်လီၤ.

 တဘၣ်ဟ့ၣ်ဘၣ်. ပှၤတဂၤ ကကဲထီၣ်တၢ်အိၣ်ဖှိၣ်ဖိ မ့တမ့ၢ် ဒိးန့ၢ်ဘၣ်​ မူဒါလၢ ပတၢ်ကရၢကရိအပူၤန့ၣ်​ တဒိးသန့ၤထီၣ်အသးလၢ အဟ့ၣ်တၢ်မၤဘူၣ်အဖီခိၣ်ဘၣ်. (မၤတၢ် ၈:၁၈-၂၀) အါတက့ၢ် ပှၤလၢအဟ့ၣ်တၢ်မၤဘူၣ်တဖၣ်န့ၣ်​ တပာ်ဖျါထီၣ်ဝဲအမံၤဘၣ်. ယဟိဝၤပှၤအုၣ်အသးတဂၤစုာ်စုာ်န့ၣ်​ ဒ်အတိာ်ပာ်လၢ အသးကံၢ်ပူၤအသိး ဟ့ၣ်လီၤတၢ်ဆၢကတီၢ်, အဂံၢ်အဘါ ဒီးအတၢ်စုလီၢ်ခီၣ်ခိၣ်​ လၢဟီၣ်ခိၣ်ဒီဘ့ၣ်​ တၢ်စံၣ်တဲၤတဲလီၤတၢ်မၤအဂီၢ် တသ့ဖဲအသ့န့ၣ်လီၤ.—၂ ကရံၣ်သူး ၉:၇.

 ကိးလါဒဲးန့ၣ်​ ယဟိဝၤပှၤအုၣ်အသးတဖၣ်​ တီၣ်ထီၣ်​ အတၢ်စံၣ်တဲၤတဲလီၤတၢ်မၤနီၣ်လံာ်က့ လၢအဝဲသ့ၣ်အတၢ်အိၣ်ဖှိၣ်အပူၤလၢ တၢ်သူၣ်အိၣ်သးအိၣ်အပူၤလီၤ.

 တၢ်အိၣ်ဖှိၣ်​ အတၢ်ကွဲးနီၣ်ကွဲးဃါတဖၣ်န့ၣ်​ ဘၣ်တၢ်ပာ်ဖှိၣ်အီၤ ဒီးဘၣ်တၢ်ဆှၢအီၤဆူ ဝဲၤတြၢ်လီၤ. ဒီးဝဲၤတြၢ်ဆှၢက့ၤဝဲ တၢ်ဂ့ၢ်တၢ်ကျိၤတဖၣ်အံၤဆူ ဝဲၤလီၢ်ခိၣ်သ့ၣ်န့ၣ်လီၤ.

 ဖဲတၢ်မၤအနံၣ်မ့ၢ်ကတၢၢ်အခါ a ထံကီၢ်ကိးဘ့ၣ်ဒဲး ပာ်ဖျါထီၣ်ဝဲ ယဟိဝၤပှၤအုၣ်အသးတဖၣ်​ အနီၣ်ဂံၢ်လီၤ. ဝံၤဒီးယဟိဝၤပှၤအုၣ်အသးတဖၣ်​ အနီၣ်ဂံၢ်လၢ ထံကီၢ်ကိးဘ့ၣ်ဒဲးအပူၤဘၣ်တၢ် ပာ်ဖှိၣ်ထီၣ်အီၤ အဃိ ပသ့ၣ်ညါဘၣ်​ ယဟိဝၤပှၤအုၣ်အသးလၢ ဟီၣ်ခိၣ်ဒီဘ့ၣ်အနီၣ်ဂံၢ်န့ၣ်လီၤ. ထံကီၢ်ကိးဘ့ၣ်ဒဲး အတၢ်မၤနီၣ်မၤဃါတဖၣ်န့ၣ်​ ဘၣ်တၢ်တီၣ်ထီၣ်အီၤလၢ ပပှာ်ယဲၤသန့လၢ “Around the World” အသနၢၣ်အပူၤန့ၣ်လီၤ. တၢ်မၤနီၣ်မၤဃါတဖၣ်န့ၣ်​ ကဲထီၣ်တၢ်ဂံၢ်တၢ်ဘါလၢပဂီၢ်လီၤ.—မၤတၢ် ၂:၄၁; ၄:၄; ၁၅:၃.

 ပတဂံၢ်အဝဲသ့ၣ်လၢ ယဟိဝၤပှၤအုၣ်အသးတဖၣ်​ အတၢ်အိၣ်ဖှိၣ်ဖိအကျါဘၣ်. ဘၣ်ဆၣ်သနာ်က့ ပတူၢ်လိာ်မုာ်အဝဲသ့ၣ်လၢ ကဟဲထီၣ်ပတၢ်အိၣ်ဖှိၣ်ပူၤလီၤ. အါတက့ၢ်န့ၣ်​ အဝဲသ့ၣ်ဟဲထီၣ်​ တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးပွဲန့ၣ်လီၤ. ပှၤသ့ၣ်တဖၣ်အံၤ ကဘၣ်တၢ်ဂံၢ်ဃုာ်အီၤလၢ ပှၤဟဲထီၣ်တၢ်အိၣ်ဖှိၣ်​ အကျါန့ၣ်လီၤ. တၢ်တဂံၢ်ဃုာ်အီၤလၢ ယဟိဝၤယွၤပှၤအုၣ်သးတဖၣ်​ အနီၣ်ဂံၢ်အကျါဘၣ်. ပှၤမၤတၢ်သ့ၣ်နီၣ်ထီၣ်က့ၤအမူး ဖဲ ၂၀၂၃ န့ၣ်​ ပှၤဟဲထီၣ်အိၣ်ဝဲ အဂၤ ၂၀,၄၆၁,၇၆၇ လီၤ.

 ပှၤတနီၤ တထီၣ်ဝဲတၢ်အိၣ်ဖှိၣ်ဘၣ်, ဘၣ်ဆၣ်ဒိးန့ၢ်ဘၣ်တၢ်အဘျုးလၢ ပတၢ်မၤလိလံာ်စီဆှံ တၢ်ရဲၣ်တၢ်ကျဲၤလၢ အဘူးအလဲတအိၣ်ဘၣ်န့ၣ်လီၤ. ဖဲ ၂၀၂၃ အပူၤ, ကိးလါဒဲး ပမၤတၢ်မၤလိလံာ်စီဆှံဒီးပှၤဂၤန့ၣ်​ အိၣ်ဝဲအခါ ၇,၂၈၁,၂၁၂ ဃၣ်ဃၣ်လီၤ. ဒီးတၢ်မၤလိလံာ်စီဆှံတနီၤနီၤန့ၣ်​ ပှၤကမၤလိ အါန့ၢ်ဒံးတဂၤလီၤ.

 ပဒိၣ်ပပှၢ် အတၢ်ထၢထံဖိကီၢ်ဖိနီၣ်ဂံၢ်အဝဲၤကျိၤန့ၣ်​ ဒ်သိးကပာ်ဖျါဝဲထံဖိကီၢ်ဖိ တၢ်ဘူၣ်တၢ်ဘါအနီၣ်ဂံၢ်အဂီၢ် သံကွၢ်ဝဲ ပှၤထံဖိကီၢ်ဖိတဖၣ်လၢ အဝဲသ့ၣ်မ့ၢ် တၢ်ဘူၣ်တၢ်ဘါဖဲလဲၣ်တခါလဲၣ်န့ၣ်လီၤ. အဒိ- ကီၢ်အမဲရကၤ အတၢ်ထၢထံဖိကီၢ်ဖိနီၣ်ဂံၢ်ဝဲၤကျိၤ စံးဝဲလၢ အဝဲသ့ၣ်​ “ဃုသ့ၣ်ညါဝဲလၢ ပှၤတဂၤစုာ်စုာ် မ့ၢ်အဝဲသ့ၣ်​ ဆိကမိၣ်လီၤအသးလၢ အပၣ်ဃုာ်လၢ တၢ်ဘူၣ်တၢ်ဘါတၢ်ကရၢကရိ ဖဲလဲၣ်တဖုလဲၣ်.” ဒီးစံးကဒီးဝဲလၢ နီၣ်ဂံၢ်လၢ အဝဲသ့ၣ်ထၢဝဲန့ၣ်​ ‘‘ဒိးသန့ၤထီၣ်အသးလၢ ပှၤတဂၤစုာ်စုာ်အတၢ်ထံၣ်, တမ့ၢ်လၢတၢ်အုၣ်အသးနီၢ်နီၢ်အဖီခိၣ်ဘၣ်.” ထဲဒၣ်ပှၤလၢ အဟးစံၣ်တဲၤတဲလီၤတၢ်တဖၣ်န့ၣ်​ ဘၣ်တၢ်ဂံၢ်အီၤလၢ ယဟိဝၤပှၤအုၣ်အသးလီၤ. တမ့ၢ်ပှၤလၢ အပာ်ပနီၣ်လီၤအသးလၢ အမ့ၢ်ယဟိဝၤပှၤအုၣ်အသးတဖၣ်ဘၣ်.