၁. ပၢ်ယဟိဝၤ သ့တၢ်လၢာ်ကစၢ်ဧၢ,

မ်နမံၤန့ၣ် ဘၣ်တၢ်မၤလၤကပီၤအီၤ.

နတၢ်ဘၣ်သး မ်လၢထီၣ်ပှဲၤထီၣ်.

ပအၢၣ်လီၤနၤလၢ ကမၤနတၢ်မၤ.

လၢတၢ်နာ်ပူၤဃ့ကညး

မ်နဘီမုၢ်ဟဲပၢပှၤ.

၂. ပၢ်သးဘိဧၢ စံးဘျုးဘၣ်နၤဒိၣ်မး

မ့ၢ်လၢနဟ့ၣ် ပှၤတၢ်ကူၣ်သ့တၢ်သးဆး.

သးသမူလၢ နဟ့ၣ်လီၤနဲပှၤ,

တၢ်ဟ့ၣ်ခဲလၢာ်ဟဲခီဖျိဝဲလၢနၤ.

ဂံၢ်ထီၣ်ဒွးထီၣ်တလၢာ်ဘၣ်,

တၢ်ယူးယီၣ်ကြၢးဝဲဒီးနၤ.

၃. လၢဟီၣ်ခိၣ်အံၤ တၢ်ကီခဲအိၣ်အါမး,

ပဃ့နၤလၢ နကမၤမုာ်ထီၣ်ပသး.

ပတၢ်ကီခဲ ပဒုးသ့ၣ်ညါနၤ,

ဝံသးစူၤပှၤ ဟ့ၣ်ပှၤတၢ်ဂံၢ်တၢ်ဘါ.

လၢကမၤတၢ်ဘၣ်နသး,

ဝံသးစူၤမၤစၢၤဘၣ်ပှၤ.