တၢ်သးဝံၣ် ၈၂
“သုတၢ်ကပီၤန့ၣ် ဒုးကပီၤထီၣ်အီၤ”
-
၁. ယ့ၣ်ၡူးမၤလိာ်ပှၤလၢ
ပကဘၣ်ကပီၤ.
ဒ်မုၢ်ဟဲကပီၤထီၣ်
ပှၤကဘၣ်ထံၣ်အီၤ.
လံာ်စီဆှံပာ်ဖျါထီၣ်
ဘီမုၢ်တၢ်ကစီၣ်.
ပပာ်ဖျါထီၣ်တၢ်ကပီၤ
လၢတၢ်မ့ၢ်တၢ်တီ.
-
၂. ဒ်မ့ၣ်အူကပီၤထီၣ်
ပာ်ဖျါတၢ်ကပီၤ
ဘီမုၢ်တၢ်ကစီၣ်န့ၣ်
ဘၣ်စံၣ်တဲၤတဲလီၤ.
ပှၤကအဲၣ်တၢ်မ့ၢ်တီ
လဲၤဒုးသ့ၣ်ညါအီၤ.
လံာ်စီဆှံကနဲၣ်လိပှၤ
တၢ်ကပီၤအိၣ်ဖျါ.
-
၃. မၤကပီၤထီၣ်ဟီၣ်ခိၣ်
ခီဖျိပတၢ်အဲၣ်.
တၢ်ကတိၤမ့ၢ်ဆဲးလၤ
ကထုးန့ၢ်ပှၤသး.
တၢ်ကပီၤဆဲးပာ်ဖျါ
ခီဖျိလၢတၢ်မၤ.
ပမ့ၢ်မၤတၢ်လၢအဘၣ်
ယွၤကဘၣ်သးပှၤ.
(ကွၢ်စ့ၢ်ကီး စံး. ၁၁၉:၁၃၀; မး. ၅:၁၄, ၁၅, ၄၅; ကလီး. ၄:၆ တက့ၢ်.)
