၁. ယဟိဝၤ တၢ်ထီကတၢၢ်,

ယွၤလၢ တီလိၤကတၢၢ်.

ယွၤကဒု အိၣ်သဒၢလီၢ်,

ဘၣ်အိၣ်ဆိးဖဲန့ၣ်လီၤ.

ကဒီသဒၢ ပှၤလၢအတီ,

ပသန့ၤထီၣ်ပသးလၢအီၤ.

ယဟိဝၤ တၢ်ပူၤဖျဲးလီၢ်,

ယွၤတီလိၤလၢပနာ်န့ၢ်အီၤ.

၂. ပှၤကထိကလီၤဃံၢ်ဝဲ

ကထံၣ်ဘၣ်လၢနဃၢၤ,

တၢ်အၢသီ အိၣ်ဝဲဘၣ်ဆၣ်

တလိၣ်လၢနပျံၤတၢ်.

တၢ်မၤဟးဂီၤအိၣ်ဝဲဘၣ်ဆၣ်

ပှၤတီပှၤလိၤ ပူၤဖျဲးဝဲဒၣ်.

ယဟိဝၤ ဒီသဒၢပှၤ,

အိၣ်ဆိးလၢအဒံးဆ့ဖီလာ်.

၃. ယွၤကဒီသဒၢပှၤလၢ

ထုဒီးပျံၤသကွီၤအၢ.

တၢ်မၤပျံၤအိၣ်ဝဲဘၣ်ဆၣ်

တလိၣ်ပဘၣ်ယိၣ်တၢ်.

ယွၤမ့ၢ်ပှၤလၢအကွၢ်လီၤနၤ,

တဟ့ၣ်နခီၣ်လီၤတလံာ်ဘၣ်.

ယဟိဝၤ တၢ်ပူၤဖျဲးလီၢ်,

အကအိၣ်ဃူပှၤအနီၢ်ကီၢ်.