ပှၤအါဂၤန့ၣ် အသးဟးဂီၤဝဲ ခီဖျိ ပှၤလၢအဝဲသ့ၣ် နာ်န့ၢ်ဝဲတဂၤန့ၣ် တမၤဝဲဒ် အအၢၣ်လီၤဝဲအသိးဘၣ်. အဒိ အဝဲသ့ၣ် အသးဟးဂီၤ ဖဲ . . .

•   ထံကီၢ်ခိၣ်နၢ်တဖၣ် ပာ်ဒိၣ်ဆိအနီၢ်ကစၢ် အတၢ်လိၣ်ဘၣ် အါန့ၢ်ဒံး ပှၤကမျၢၢ်ဖိ အတၢ်လိၣ်ဘၣ်တဖၣ်အခါ.

•   ပှၤလၢအပာ်ဖျါထီၣ် တၢ်ကစီၣ်တဖၣ် တပာ်ဖျါထီၣ်တၢ် တီတီလိၤလိၤ ဒီးတၢ်ဂ့ၢ်လၢ အမ့ၢ်အတီဘၣ်အခါ.

•   ပှၤစဲအ့ၣ်ဖိတနီၤ မၤတၢ်လၢတကဲဘျုးလၢ ပှၤကမျၢၢ်ဖိအဂီၢ်ဘၣ်အခါ.

•   တၢ်ဘူၣ်တၢ်ဘါခိၣ်နၢ်တဖၣ် ကဘၣ်မၤ ကစၢ်ယွၤ အတၢ်ဘၣ်သးအလီၢ် အဝဲသ့ၣ် ဆီၣ်ထွဲဝဲ ထံဂ့ၢ်ကီၢ်ဂ့ၢ်အခါ.

 အဃိ ပှၤအါဂၤ မ့ၢ်တနာ် ပှၤဂၤညီညီလၢၤဘၣ်န့ၣ် အတလီၤကမၢကမၣ်ဘၣ်. ဒီးလံာ်စီဆှံ ဟ့ၣ်ပလီၢ်ဝဲလၢ

•   “တဘၣ်နာ်န့ၢ် ပဒိၣ်ဖးဒိၣ်တဖၣ် ဒီးပှၤဟီၣ်ခိၣ်ဖိ လၢအအုၣ်က့ၤခီၣ်က့ၤတၢ် တသ့ဘၣ်န့ၣ်တဂ့ၤ.”—စံးထီၣ်ပတြၢၤ ၁၄၆:၃.

 လံာ်စီဆှံ ပာ်ဖျါထီၣ်ဝဲလၢ ပှၤလၢပနာ်န့ၢ်အီၤ သ့တဂၤန့ၣ်မ့ၢ်ဝဲ ယ့ၣ်ၡူး ခရံာ်. ယ့ၣ်ၡူးန့ၣ် တမ့ၢ်ထဲ ပှၤဂ့ၤတဂၤလၢ အအိၣ်မူတ့ၢ် ပူၤကွံာ်လၢ အနံၣ်လၢအကယၤတဖၣ်န့ၣ်ဘၣ်. အမ့ၢ်စ့ၢ်ကီး ပှၤလၢ ကစၢ်ယွၤ ဃုထၢထီၣ်အီၤ “ဒ်စီၤပၤတဂၤအသိး . . . ဒီးအဘီအမုၢ်န့ၣ် အကတၢၢ်တအိၣ်ဘၣ်.” (လူၤကၣ် ၁:၃၂, ၃၃) ခဲအံၤန့ၣ် ယ့ၣ်ၡူးကဲဝဲစီၤပၤလၢ ကစၢ်ယွၤအဘီမုၢ် လၢအပၢတၢ်လၢမူခိၣ်.—မးသဲ ၆:၁၀.

•   နမ့ၢ်အဲၣ်ဒိး သ့ၣ်ညါအါထီၣ် ဘၣ်ဃးဒီး ဘၣ်မနုၤအဃိ နနာ်န့ၢ်ယ့ၣ်ၡူးသ့လဲၣ်န့ၣ် ဖးကွၢ်တၢ်ဂ့ၢ်လၢအမ့ၢ် “ယွၤအဘီအမုၢ် အစီၤပၤန့ၣ် ကမ့ၢ်မတဂၤလဲၣ်” ဒီး “ယွၤအဘီအမုၢ် ကမၤလၢထီၣ်ပှဲၤထီၣ်ဝဲ တၢ်မနုၤလဲၣ်”