တယံာ်ဒံးဘၣ် တၢ်မၤနီၣ် ဘၣ်ဃးဟီၣ်ခိၣ်ဒီဘ့ၣ် a ပာ်ဖျါထီၣ်ဝဲလၢ ပှၤလွံၢ်ဂၤအကျါတဂၤန့ၣ် တူၢ်ဘၣ်ဝဲ တၢ်သယုၢ်သညိ.

•   “ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤအိၣ်လၢ တၢ်လီၢ်ဖဲလဲၣ်မ့ၢ်ဂ့ၤ, ပှၤတဂၤဂ့ၤတဂၤဂ့ၤန့ၣ် အကဲထီၣ် ပှၤလၢအတအဲၣ်ဒိး ရ့ဒီးပှၤဂၤအါအါလၢၤဘၣ်သ့.”—ခၠံဒိၤ ဖဲဘၤ လၢအမ့ၢ် cochair of the World Health Organization’s Commission on Social Connection.

 ပှၤအါဂၤ ဆိကမိၣ်ဝဲလၢ ထဲဒၣ်ပှၤသးပှၢ်တဖၣ် ဒီးပှၤလၢအအိၣ် ထဲတဂၤတဖၣ်န့ၣ် တူၢ်ဘၣ်ဝဲ တၢ်သယုၢ်သညိ. ဘၣ်ဆၣ် နီၢ်ကီၢ်န့ၣ် ပှၤသးစၢ်တဖၣ်, ပှၤလၢအအိၣ်ဆူၣ်အိၣ်ချ့, ပှၤလၢအဖျိးစိ ဒီးပှၤလၢအဆီဟံၣ်ဆီဃီတဖၣ်နာ်က့ တူၢ်ဘၣ်ဝဲ တၢ်သယုၢ်သညိသ့. ပမ့ၢ်တရ့ဒီးပှၤဂၤဘၣ် ဒီးပမ့ၢ်အိၣ်သယုၢ်သညိန့ၣ် အမၤဘၣ်ဒိပှၤလၢ နီၢ်ခိတခီ ဒီးလၢသးအတၢ်တူၢ်ဘၣ်တခီ သ့ဝဲ.

•   ဒီးကထၢၤ ဘံဘဲး မါသံၢ် လၢအမ့ၢ် U.S. surgeon general တဲဝဲလၢ “ပှၤတူၢ်ဘၣ်လၢ ပှၤအိၣ်သယုၢ်သညိန့ၣ် တမ့ၢ်ထဲ တၢ်တူၢ်ဘၣ်လၢ အတဂ့ၤဘၣ်, အမၤဘၣ်ဒိပှၤသ့ဝဲ အါန့ၢ်အန့ၣ်ဒံး. ပှၤမ့ၢ်တရ့လိာ်သးဒီးပှၤဂၤဘၣ်န့ၣ် တၢ်လီၤဘၣ်ယိၣ်လၢ သးသမူအဂီၢ် အိၣ်ဝဲထဲသိးဒီး ပှၤအီဝဲမိာ်ထူ တနံၤ ၁၅ ဖျၢၣ်.”

 ပတၢ်ဘၣ်တ့ကစၢ်န့ၣ် တအဲၣ်ဒိးလၢ ပကအိၣ်လၢ ပကျိာ်ပကျာ်ဘၣ်. ကစၢ်ယွၤ တိာ်ပာ်ဝဲလၢ ပှၤဟီၣ်ခိၣ်ဖိတဖၣ် ကအိၣ်ဒီး အသကိး ဒီးဒိးန့ၢ်ဘၣ် တၢ်သးခု.

•   လံာ်စီဆှံ အတၢ်ဟံးစုနဲၣ်ကျဲ– “ကစၢ်ယွၤ တဲဝဲလၢ ‘ပိာ်ခွါကဆဲးအိၣ် ထဲတဂၤန့ၣ် တဂ့ၤဘၣ်.’”—၁ မိၤၡ့ ၂:၁၈.

 ကစၢ်ယွၤ အဲၣ်ဒိးဝဲလၢ ပကရ့ဒီးအီၤ. အဝဲအၢၣ်လီၤပှၤလၢ ပမ့ၢ်ဂုာ်ကျဲးစၢး သုးဘူးသးလၢ အအိၣ်န့ၣ် အဝဲစ့ၢ်ကီး ကသုးဘူးသးလၢပအိၣ်.—ယၤကိာ် ၄:၈.

•   လံာ်စီဆှံ အတၢ်ဟံးစုနဲၣ်ကျဲ– “ပှၤလၢ အသ့ၣ်ညါလီၤအသးလၢ အလိၣ်ဘၣ် ကစၢ်ယွၤ အတၢ်ဟံးစုနဲၣ်ကျဲန့ၣ် ကသးခုဝဲ, မ့ၢ်လၢ မူခိၣ်အဘီအမုၢ်န့ၣ် မ့ၢ်အဝဲသ့ၣ် အတၢ်အဃိလီၤ.”—မး ၅:၃.

 ကစၢ်ယွၤ အဲၣ်ဒိးလၢ ပကဘူၣ်ထီၣ်ဘါထီၣ်သကိးအီၤဒီး ပှၤအါဂၤ ဒ်သိးသိး. ပမ့ၢ်မၤဒ်န့ၣ်န့ၣ် ကမၤစၢၤပှၤ ဒ်သိး ပကသးခုဒိၣ်ထီၣ်.

•   လံာ်စီဆှံ အတၢ်ဟံးစုနဲၣ်ကျဲ– “မ်ပဆိကမိၣ်န့ၢ်တၢ်လၢ တဂၤဒီးတဂၤအဂီၢ် ဒ်သိးကထိၣ်ဟူးထိၣ်ဂဲၤထီၣ်လိာ်သး လၢပကပာ်ဖျါထီၣ် တၢ်အဲၣ်တၢ်ကွံ ဒီးတၢ်မၤလၢအဂ့ၤတဖၣ် န့ၣ်တက့ၢ်. မ်ပသုတဟးဆှဲး ပတၢ်အိၣ်ဖှိၣ် . . . တဂ့ၤ. မ်ပဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ” န့ၣ်တက့ၢ်.—ဧ့ၤ ၁၀:၂၄, ၂၅.

 ဒ်သိး နကသ့ၣ်ညါအါထီၣ် ဘၣ်ဃးဒီး ဘၣ်မနုၤအဃိ အရ့ဒိၣ်လၢ ပကဘၣ် တြီဆၢကွံာ် တၢ်သယုၢ်သညိလဲၣ်န့ၣ် ဖးကွၢ် တၢ်ဂ့ၢ်လၢအမ့ၢ် “ပှၤဆဲးကျိးလိာ်သးသ့ဝဲလၢ ကျဲအါဘိနာ်က့ ပှၤအိၣ်သယုၢ်သညိဒံး.”