•   “ပှၤသးစၢ်လၢ ကီၢ်အမဲရကၤအပူၤ တဝာ်ဃၣ်ဃၣ်န့ၣ် တဲဝဲလၢ အတူၢ်ဘၣ် တၢ်သယုၢ်သညိ. ဒီးပှၤလၢအသးအိၣ် ၁၈ နံၣ် ဒီး ၂၅ နံၣ်အဘၢၣ်စၢၤတဖၣ်န့ၣ် တူၢ်ဘၣ် တၢ်သယုၢ်သညိ နီၢ်ကီၢ်လီၤ.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[ဟီၣ်ခိၣ်ဒီဘ့ၣ် တၢ်အိၣ်ဆူၣ်အိၣ်ချ့ ကရၢ] ဒုးအိၣ်ထီၣ်ဝဲ ပှၤတဖုလၢ ကဃုသ့ၣ်ညါဝဲ တၢ်အိၣ်သယုၢ်သညိအဂ့ၢ်. ဒီးဘၣ်ဃးဒီး တၢ်အိၣ်သယုၢ်သညိန့ၣ် အဝဲသ့ၣ် ကဘၣ်ထံၣ်ဝဲ ဒ်တၢ်ဆူးတၢ်ဆါလၢ ပှၤကဘၣ် ကူစါယါဘျါအီၤ လၢအဆိအချ့. ဒီးအဝဲသ့ၣ် ကဘၣ်ဟ့ၣ်ဂံၢ်ဟ့ၣ်ဘါ ပှၤဂၤလၢ ကရ့လိာ်အါထီၣ်သးဒီးပှၤဂၤ. ဒီးအဝဲသ့ၣ် ကဘၣ်ဃုအါထီၣ် ကျဲလၢကမၤစၢၤဝဲ ပှၤလၢအအိၣ်သယုၢ်သညိတဖၣ် လၢထံကီၢ်ကိးဘ့ၣ်ဒဲး. ဒီးပှၤလၢအအိၣ်သယုၢ်သညိတဖၣ် မ့ၢ်အိၣ်လၢ ထံကီၢ်လၢ အဖှီၣ်ယာ်ထဲလဲၣ် သနာ်က့ အဝဲသ့ၣ် ကဘၣ်ဃုကျဲလၢ ကမၤစၢၤဝဲ.”—ဟီၣ်ခိၣ်ဒီဘ့ၣ် တၢ်အိၣ်ဆူၣ်အိၣ်ချ့ ကရၢ, လါနိၣ်ဝ့ဘၢၣ် ၁၅, ၂၀၂၃.

 လံာ်စီဆှံ အိၣ်ဒီးတၢ်ဟ့ၣ်ကူၣ်လၢ ကမၤစၢၤပှၤဒ်သိး ပတၢ်ရ့လိာ်သး တဂၤဒီးတဂၤ ကဂ့ၤအဂီၢ်.

 မၤလီၤစှၤ တၢ်လၢအထုးယံၤထီၣ်နၤဒီးပှၤဂၤ. တၢ်လၢ အထုးယံၤထီၣ်နၤဒီးပှၤဂၤ တဖၣ်အကျါန့ၣ် ပၣ်ဃုာ်ဒီး တၢ်သူအ့ထၢၤနဲၣ် ဒီးစိၤၡၢၤမံဒံယါ အါတလၢ. အဃိ လၢနကမၤဒ်န့ၣ်အလီၢ် ရ့လိာ်သးဒီးပှၤဂၤ လၢနနီၢ်ကစၢ်. နမ့ၢ်မၤဒ်န့ၣ်န့ၣ် နကန့ၢ်ဘၣ် သကိးလၢအဂ့ၤတဖၣ်.

•   လံာ်စီဆှံ အတၢ်ဟံးစုနဲၣ်ကျဲ– “တံၤသကိးတံၢ်နီၢ်န့ၣ် ပာ်ဖျါထီၣ် တၢ်အဲၣ်ကိးဆၢကတီၢ်ဒဲး ဒီးဖဲတၢ်ကိၢ်တၢ်ဂီၤအိၣ်ဝဲအခါ အကဲထီၣ်ဝဲ နဒီပုၢ်ဝဲၢ်လီၤ.”—ကတိၤ ၁၇:၁၇.

 ဃုကျဲလၢ နကမၤစၢၤပှၤဂၤ. နမ့ၢ်မၤဒ်န့ၣ်န့ၣ် နတၢ်ရ့လိာ်သးဒီး ပှၤဂၤကဂ့ၤထီၣ် တကးဒံးဘၣ် နသးကခုထီၣ်.

•   လံာ်စီဆှံ အတၢ်ဟံးစုနဲၣ်ကျဲ– “ဟ့ၣ်တၢ်န့ၣ် ဒုးအိၣ်ထီၣ် တၢ်သးခုအါန့ၢ်ဒံး ဒိးန့ၢ်ဘၣ်တၢ်ဒံးလီၤ.”—မၤတၢ် ၂၀:၃၅.

 လဲနုာ်လီၤကွၢ်လၢ ပဝဲးပဆဲးအပူၤ ဒ်သိး နကသ့ၣ်ညါအါထီၣ်ဘၣ် လံာ်စီဆှံ အတၢ်ဟံးစုနဲၣ်ကျဲ လၢဘၣ်ဃးဒီး နကဘၣ်ရ့ဒီးပှၤဂၤ ဒ်လဲၣ်.