ဘၣ်ဃးဒီး ခိၣ်ဃၢၤန့ဆၢၣ် တၢ်ကီတၢ်ခဲတဖၣ်န့ၣ် ယွၤအဘီအမုၢ် ကမၤမနုၤလဲၣ်
ဖဲ လါယူၤလံ ၂၅, ၂၀၂၃ န့ၣ် အ့ကၢၤ အဲဒၢၤစၢၤ လၢအမၤတၢ်လၢ ဘီမုၢ်စၢဖှိၣ်ကရၢ အနဲၣ်ရွဲၣ်ခိၣ်ကျၢၢ် အဖီလာ် ဒီးအကဲပှၤလၢ အပၢဆှၢရဲၣ်ကျဲၤတၢ် လၢ UN ခိၣ်ဃၢၤန့ဆၢၣ် အတၢ်ရဲၣ်တၢ်ကျဲၤန့ၣ် တဲဝဲလၢ “ခီဖျိလၢ မူခိၣ်ကလံၤသီၣ်ဂီၤ တဘၣ်လီၢ်ဘၣ်စးအဃိ တၢ်ကီတၢ်ခဲ ကဲထီၣ်နးမး ဒီးအမၤဘၣ်ဒိဝဲ ပှၤဟီၣ်ခိၣ်ဖိသ့ၣ်တဖၣ်, ဝ့ၢ်တဖၣ် ဒီးတၢ်သးသမူ လၢအဂၤသ့ၣ်တဖၣ်. မူခိၣ်ကလံၤသီၣ်ဂီၤ တဘၣ်လီၢ်ဘၣ်စးဘၣ် အဃိ ကလံၤမုၢ်လီၤဝဲဖးဒိၣ် ဒီးအမၤဟးဂုာ်ဟးဂီၤ ပှၤဟံၣ်ပှၤဃီ ဒီးကီလၢ ပှၤကလုၢ်အီၣ်လုၢ်အီ သးသမူအဂီၢ်. ဒီးပီၣ်လဲၣ် ကိၢ်ဒိၣ်ထီၣ်အဃိ တညီလၢ တၢ်သးသမူ လၢပီၣ်လဲၣ်ပူၤတဖၣ် ကဆဲးမူအဂီၢ်လၢၤဘၣ်.”
မ့ၢ်ပဒိၣ်ပပှၢ်တဖၣ် မၤဘၣ်ဂီၢ်ထီၣ်က့ၤ ဟီၣ်ခိၣ်အတၢ်ကီတၢ်ခဲတဖၣ်အံၤ ကန့ၢ်ဧါ. ဒီးအဝဲသ့ၣ် မၤဝဲကန့ၢ် ထီဘိဧါ.
လံာ်စီဆှံပာ်ဖျါထီၣ်ဝဲ တၢ်ပၢတၢ်ပြးတခါလၢ အမၤလီၤမၢ်ကွံာ်ဝဲ ခိၣ်ဃၢၤန့ဆၢၣ် အတၢ်ကီတၢ်ခဲတဖၣ်သ့ ဒီးကမၤလီၤမၢ်ကွံာ်ဝဲအဂ့ၢ်. လံာ်စီဆှံတဲဝဲလၢ “ကစၢ်ယွၤ လၢမူခိၣ် ကသူၣ်ထီၣ် ဘီမုၢ် တဘ့ၣ်” လၢအမ့ၢ်ဝဲ တၢ်ပၢတၢ်ပြးတခါ လၢအကမၤဘၣ်ဂီၢ်ဝဲ တၢ်ကီတၢ်ခဲလၢ ဟီၣ်ခိၣ်ချၢခဲလၢာ်. (ဒၤနံးယ့လး ၂:၄၄) ဒီးပှၤလၢအအိၣ်လၢ တၢ်ပၢတၢ်ပြးတခါအံၤ အဖီလာ်န့ၣ် “တမၤအၢတၢ်နီတမံၤဘၣ် ဒီးအဝဲသ့ၣ် တမၤဟးဂီၤ” ဟီၣ်ခိၣ် ဒီးပှၤဟီၣ်ခိၣ်ဖိတဖၣ်လၢၤဘၣ်.—ယၡါယၤ ၁၁:၉.
တၢ်ဂ့ၤအဂၤလၢ နကဘၣ်သး
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
ယွၤအဘီအမုၢ်န့ၣ် မ့ၢ်မနုၤလဲၣ်
ဖဲယ့ၣ်ၡူး ဟးစံၣ်တဲၤတဲလီၤတၢ်အခါ အဝဲသိၣ်လိဝဲ ယွၤအဘီအမုၢ်အဂ့ၢ် အါန့ၢ်ဒံး တၢ်ဂ့ၢ်အဂၤလီၤ. ယ့ၣ်ၡူး အပျဲၢ်အဘီၣ်တဖၣ် ဃ့ဘါထုကဖၣ်လၢ ယွၤအဘီအမုၢ်ကဟဲန့ၣ် အိၣ်အနံၣ်လၢအကထိတဖၣ်လံ
တၢ်သံကွၢ်တဖၣ်လၢ အတၢ်စံးဆၢအိၣ်လၢ လံာ်စီဆှံပူၤ
မ့ၢ်ဟီၣ်ခိၣ်တဖျၢၣ်အံၤ ကဟးဂီၤကွံာ်ဧါ
လံာ်စီဆှံ တဲဝဲဒ်လဲၣ်န့ၣ် ဘၣ်သ့ၣ်သ့ၣ် နကကမၢကမၣ်.
ဘၣ်ဃးဒီးပှၤ
တီၣ်ထီၣ်တၢ်ဂ့ၢ် လၢပှၤကလဲၤအိၣ်သကိးနၤအဂီၢ်
တဲသကိး လံာ်စီဆှံ မ့တမ့ၢ် ဃုသ့ၣ်ညါအါထီၣ် ယဟိဝၤပှၤအုၣ်အသးအဂ့ၢ်.
