ဘၣ်ဃးဒီး ပဒိၣ်ပပှၢ်လၢ အမၤတၢ်တတီတလိၤဘၣ်န့ၣ် ယွၤအဘီအမုၢ် ကမၤမနုၤလဲၣ်
ပှၤအါတက့ၢ်န့ၣ် အလီကီဝဲ ပဒိၣ်ပပှၢ်လၢ အနာ်အီၣ်ဝဲသ့ ဒီးအဝဲသ့ၣ် သးလၢာ်ဝဲ ပဒိၣ်ပပှၢ်လၢ အမၤတၢ်တတီတလိၤဘၣ်တဖၣ်. ဖဲ ၂၀၂၃ န့ၣ်ပှၤဃုသ့ၣ်ညါတၢ် အလံာ်တဘ့ၣ် ပာ်ဖျါထီၣ်ဝဲလၢ ပှၤလၢအဝဲသ့ၣ် နာ်အီၣ်ဝဲတသ့ဘၣ် အဒိၣ်ကတၢၢ်န့ၣ် မ့ၢ်ဝဲ ပဒိၣ်ပပှၢ်တဖၣ်. a
လံာ်စီဆှံ ပာ်ဖျါထီၣ်ဝဲ တၢ်ပၢတၢ်ပြးလၢ အဂ့ၤဒိၣ်မးတခါ ဒီးအပှၤပၢတၢ်န့ၣ် ပနာ်အီၣ်အီၤသ့ လၢလၢပှဲၤပှဲၤ ဒီးအမၤတၢ် တီတီလိၤလိၤထီဘိ. တၢ်ပၢတၢ်ပြးအံၤ မ့ၢ်ဝဲယွၤအဘီအမုၢ် အတၢ်ပၢ ဒီးပှၤလၢ အကပၢတၢ်န့ၣ် မ့ၢ်ဝဲ ယ့ၣ်ၡူးခရံာ်.—ယၡါယၤ ၉:၇.
ယ့ၣ်ၡူးပာ်ဖျါထီၣ်ဝဲလၢ အသးအိၣ်ပှၤဂၤနီၢ်ကီၢ်. (မးသဲ ၉:၃၅, ၃၆) ဒ်ယွၤအဘီအမုၢ်အစီၤပၤအသိး အဝဲကဒုးအိၣ်ထီၣ် တၢ်တီတၢ်လိၤ ဒီးတၢ်ဃူတၢ်ဖိးလၢ ပှၤလၢအတူၢ်လိာ် အတၢ်ပၢတဖၣ်အဂီၢ်.—စံးထီၣ်ပတြၢၤ ၇၂:၁၂-၁၄.
a 2023 Edelman Trust Barometer Global Report.