ဖဲပတူၢ်ဘၣ်တၢ် ခီဖျိလၢ တၢ်အၢတၢ်သီ ဒီးတၢ်တတီတလိၤအဃိအခါ ယ့ၣ်ၡူးနၢ်ပၢၢ်ပှၤဂ့ၤဂ့ၤ. လၢညါန့ၣ် ယ့ၣ်ၡူးအနီၢ်ကစၢ်စ့ၢ်ကီး ပှၤပာ်ဒ့ၣ်ပာ်ကမၣ်အီၤ, ပှၤမၤဒၢၣ်အီၤ, ပှၤစံၣ်ညီၣ်အီၤ တတီတလိၤဘၣ် ဒီးတချုးလၢအသံဒံးဘၣ်န့ၣ် ပှၤမၤအၢမၤနးအီၤ တုၤလၢအသံ. အတၢ်ကမၣ်တအိၣ်ဘၣ် သနာ်က့ အဝဲသးအိၣ် ဟ့ၣ်လုၢ်ထီၣ် “အသးသမူ ဒ်သိးကပှ့ၤက့ၤ ပှၤအါဂၤ.” (မးသဲ ၂၀:၂၈; ယိၤဟၣ် ၁၅:၁၃) ခဲအံၤ ယ့ၣ်ၡူးကဲဝဲ ကစၢ်ယွၤအဘီအမုၢ် အစီၤပၤ ဒီးအဝဲကဒုးအိၣ်ထီၣ် တၢ်တီတၢ်လိၤလၢ ဟီၣ်ခိၣ်ချၢ ဒီးအဝဲကမၤလီၤမၢ်ကွံာ် တၢ်အၢတၢ်သီ လၢဟီၣ်ခိၣ်လီၤထူလီၤယိာ်.—ယၡါယၤ ၄၂:၃.

 လံာ်စီဆှံ ပာ်ဖျါထီၣ်ဝဲလၢ ယ့ၣ်ၡူး မ့ၢ်ပၢဟီၣ်ခိၣ်န့ၣ် တၢ်ကမၤအသးဒ်လဲၣ်–

•   “ပှၤအၢပှၤသီ တအိၣ်လၢၤဘၣ်. နကဃုကွၢ်တၢ်ဖဲအဝဲသ့ၣ် အိၣ်တ့ၢ်အလီၢ် ဘၣ်ဆၣ် နတထံၣ် အဝဲသ့ၣ်လၢၤဘၣ်. မ့မ့ၢ် ပှၤလၢအဆီၣ်လီၤသးန့ၣ် ကန့ၢ်သါဘၣ် ဟီၣ်ခိၣ်လီၤ. အဝဲသ့ၣ် ကသးခုဝဲဒိၣ်မး မ့ၢ်လၢ တၢ်ဃူတၢ်ဖိး ကအိၣ်ဝဲအါမးအဃိလီၤ.”—စံးထီၣ်ပတြၢၤ ၃၇:၁၀, ၁၁.

 ဘၣ်ဃးဒီး တၢ်လၢယ့ၣ်ၡူးမၤန့ၢ်ပှၤတဖၣ် ဒီးကမၤန့ၢ်ပှၤတဖၣ်န့ၣ် ပပာ်ဖျါထီၣ် တၢ်စံးဘျုးစံးဖှိၣ် ကသ့ဒ်လဲၣ်. ဖဲ လူၤကၣ် ၂၂:၁၉ န့ၣ်ယ့ၣ်ၡူး မၢအပျဲၢ်အဘီၣ်တဖၣ် မၤတၢ်သ့ၣ်နီၣ်ထီၣ်က့ၤ အတၢ်သံ. အဃိ တနံၣ်ဘၣ်တနံၣ် ဖဲယ့ၣ်ၡူးသံအနံၤန့ၣ် ယဟိဝၤပှၤအုၣ်အသးတဖၣ် ပာ်ဖှိၣ်ထီၣ်အသးလၢ ကမၤဝဲဒ်န့ၣ်အဂီၢ်. ပကွဲမုာ်ဘၣ်နၤလၢ နကဟဲထီၣ် ယ့ၣ်ၡူးအတၢ်သံ အတၢ်သ့ၣ်နီၣ်ထီၣ်က့ၤအမူး ဖဲ အိၣ်ဘှံးနံၤ, လါမၢ်ၡး ၂၄, ၂၀၂၄.

ဃုကွၢ် တၢ်သ့ၣ်နီၣ်ထီၣ်က့ၤအမူး