ပှၤသံတဖၣ်အဂီၢ် တၢ်မုၢ်လၢ်အိၣ်ဒ်လဲၣ်
တၢ်သံန့ၣ် မၤဘၣ်ဒိပဝဲခဲလၢာ်လီၤ. လၢတၢ်သံအဃိ ပကျဲကတၢၢ်လံဧါ. ပှၤသံတ့ၢ်တဖၣ်န့ၣ် မ့ၢ်တၢ်သးပ့ၤနီၣ်အီၤ လီၤထူလီၤယိာ်လံဧါ. ဒီးပှၤသံတဖၣ်အဂီၢ် မ့ၢ်တၢ်မုၢ်လၢ်အိၣ်တမံၤမံၤဒံးဧါ.
လံာ်စီဆှံတဲဝဲဒ်လဲၣ်
ပှၤလၢအသံတ့ၢ်တဖၣ်န့ၣ် တၢ်တသးပ့ၤနီၣ်အီၤဘၣ်
“ပှၤအိၣ်လၢတၢ်သွၣ်ခိၣ်အပူၤခဲလၢာ်န့ၣ် . . . ကဟဲက့ၤထီၣ်ဝဲ.”—ယိၤဟၣ် ၅:၂၈, ၂၉.
ကစၢ်ယွၤတသးပ့ၤနီၣ် ပှၤလၢအသံတ့ၢ်တဖၣ်ဘၣ် ဒီးပှၤလၢအအိၣ်လၢ အတၢ်သ့ၣ်နီၣ်အပူၤတဖၣ်န့ၣ် ကသမူထီၣ်က့ၤလီၤ.
တၢ်ဂဲၤဆၢထၢၣ်သမူထီၣ်က့ၤ လၢဟီၣ်ခိၣ်ချၢ
“ပှၤသံအတီမ့ၢ်ဂ့ၤ, တတီဘၣ်မ့ၢ်ဂ့ၤ, ကဂဲၤဆၢထၢၣ်က့ၤလီၤ.”—မၤတၢ် ၂၄:၁၅.
ပှၤလၢအကကွဲၢ်လၢအကထိတဖၣ်န့ၣ် ကဂဲၤဆၢထၢၣ်သမူထီၣ်က့ၤ ဒီးကအိၣ်မူဘၣ်လီၤထူလီၤယိာ် ဒီးကမုာ်လၤတၢ်လၢ တၢ်ဃူတၢ်ဖိးအါအါကလဲာ်အပူၤလီၤ.
တၢ်မုၢ်လၢ်လၢ တၢ်ဂဲၤဆၢထၢၣ်သမူထီၣ်က့ၤန့ၣ် နနာ်အီၤသ့
“[ယွၤ]စံၣ်ညီၣ်တဲာ် ဆၣ်ဧိၤဖီဧိၤအတၢ်ဂံၢ်, ဒီးကိးဝဲအမံၤခဲလၢာ်လီၤ.”—စံးထီၣ်ပတြၢၤ ၁၄၇:၄, ခ့ခါစှီၤကျိာ်.
ကစၢ်ယွၤသ့ၣ်ညါဝဲဆၣ်တဖျၢၣ်စုာ်စုာ်အမံၤ အဃိ ပှၤလၢအကဒုးသမူထီၣ်က့ၤဝဲတဖၣ်န့ၣ် အမၤနီၣ်ဝဲဘၣ်ခဲလၢာ်လီၤ.
