မ့ၢ်နသ့ၣ်ညါဧါ
လၢပျၢၤန့ၣ်ပှၤလၢ အလဲၤတၢ်လၢတၢ်လီၢ်အယံၤတဖၣ် မၤကဲၤထီၣ်မ့ၣ်အူဒ်လဲၣ်.
ဖဲ ၁ မိၤၡ့ အဆၢဒိၣ် ၂၂ အပူၤန့ၣ်, လံာ်စီဆှံပာ်ဖျါထီၣ်ဝဲလၢ ယွၤစံးဘၣ်စီၤအၤဘြၤဟၣ်လၢ ကလဲၤဆူတၢ်လီၢ်ဖးယံၤတတီၤ ဒ်သိးကလုၢ်ထီၣ်တၢ်အဂီၢ်လီၤ. လံာ်စီဆှံစံးဝဲလၢ– “စီၤအၤဘြၤဟၣ် ဟံးန့ၢ်တၢ်လုၢ်မ့ၣ်အူအသ့ၣ်မုၣ်, ဒီးပာ်ဝဲလၢအဖိခွါ စီၤအံၤစဲးအလိၤ, ဒီးဟံးန့ၢ်မ့ၣ်အူ ဒီးဒီတဘ့ၣ်လၢအစုပူၤ, ဒီးလဲၤဝဲခံဂၤလၢာ်တပူၤဃီလီၤ.”—၁ မိၤၡ့ ၂၂:၆.
လၢပျၢၤပှၤမၤကဲၤထီၣ်မ့ၣ်အူဒ်လဲၣ်န့ၣ် လံာ်စီဆှံတပာ်ဖျါထီၣ်ဝဲဘၣ်. လၢတၢ်န့ၣ်အဃိ မ့ၢ်စီၤအၤဘြၤဟၣ် ဒီးစီၤအံၤစဲးန့ၣ် လဲၤစိာ်ဃုာ်ဒီး မ့ၣ်အူလၣ်လၢအကဲၤပာ်စၢၤန့ၣ်ဧါ. ပှၤကူၣ်ဘၣ်ကူၣ်သ့လၢ ဘၣ်ဃးလံာ်စီဆှံတဂၤ စံးဝဲလၢ အဝဲသ့ၣ်မ့ၢ်လဲၤစိာ်ဃုာ်မ့ၣ်အူလၣ်န့ၣ် ဖဲအ “လဲၤတၢ်လၢ တၢ်လီၢ်လၢအယံၤ” အခါအမ့ၣ်အူလၣ်န့ၣ် ကလီၤပံာ်ဝဲလီၤ. ဒ်သိးမၤကဲၤထီၣ်မ့ၣ်အူကသ့အဂီၢ် ဘၣ်သ့ၣ်သ့ၣ် စီၤအၤဘြၤဟၣ်ဒီးအဖိခွါန့ၣ် ကလဲၤစိာ်ဝဲတၢ်လၢအလိၣ်တဖၣ်လီၤ.
ဘၣ်ဆၣ်ပှၤအဂၤတဖၣ် စံးဝဲလၢဆၢကတီၢ်ဖဲန့ၣ်အခါ ပှၤကမၤကဲၤထီၣ်မ့ၣ်အူန့ၣ် တညီဝဲဘၣ်. လၢတၢ်န့ၣ်အဃိ ဖဲပှၤအဲၣ်ဒိးမၤကဲၤထီၣ်မ့ၣ်အူအခါ ဟံးန့ၢ်ဝဲမ့ၣ်အူအ့ၣ်လၢ မ့ၣ်အူပူၣ်အပူၤ မ့တမ့ၢ် လဲၤဃ့ဝဲမ့ၣ်အူအ့ၣ်လၢ ပှၤဂၤအအိၣ်လီၤ. ပှၤကူၣ်ဘၣ်ကူၣ်သ့ လၢဘၣ်ဃးဒီးလံာ်စီဆှံတဖၣ်န့ၣ် နာ်ဝဲလၢ စီၤအၤဘြၤဟၣ်န့ၣ် ဖဲအလဲၤတၢ်အခါ လဲၤစိာ်ဃုာ်ဝဲဒီး မ့ၣ်အူအ့ၣ်လၢအကဲၤပာ်စၢၤန့ၣ်လီၤ. ဘၣ်သ့ၣ်သ့ၣ် ကထၢနုာ်ဝဲမ့ၣ်အူအ့ၣ်လၢ တၢ်ဒၢပူၤတခါခါ ဒ်သိးဒီး သပၢၤလၢအအိၣ်ဒီးအပျံၤလၢထးန့ၣ်လီၤ. (ယၡါယၤ ၃၀:၁၄) ဖဲအမ့ၢ်အဲၣ်ဒိးမၤကဲၤထီၣ်မ့ၣ်အူန့ၣ် သူဝဲမ့ၣ်အူအ့ၣ်လၢ အကဲၤပာ်စၢၤဒီး သ့ၣ်မုၣ်လၢအဃ့ထီလီၤ.