“ဟ့ၣ်လီၤက့ၤအဝဲန့ၣ်လၢ ပှၤအကလုၢ်တီတဖၣ်အစုပူၤ”
“တၢ်လၢနနၢ်ဟူလၢယၤလၢ ပှၤအုၣ်အသးအါဂၤ အမဲာ်ညါန့ၣ်, ဟ့ၣ်လီၤက့ၤအဝဲန့ၣ်, လၢပှၤအကလုၢ်တီတဖၣ်အစုပူၤလၢ အသိၣ်လိပှၤဂၤစ့ၢ်ကီး ကသ့န့ၣ်တက့ၢ်.”—၂ တံၤမသ့း ၂:၂.
၁, ၂. ပှၤအါဂၤန့ၣ် ထံၣ်ဝဲအတၢ်မၤဒ်လဲၣ်.
ပှၤအါဂၤန့ၣ်ဆိကမိၣ်ဝဲလၢ အဝဲသ့ၣ်မ့ၢ်ပှၤလၢအရ့ဒိၣ်ဧါ မ့တမ့ၢ် မ့ၢ်ပှၤလၢအရ့တဒိၣ်ဘၣ်ဧါန့ၣ် သန့ၤထီၣ်အသးလၢ အဝဲသ့ၣ်အတၢ်ဖံးတၢ်မၤအဖီခိၣ်လီၤ. တၢ်ဆဲးတၢ်လၤတနီၤနီၤန့ၣ် ဖဲပှၤထံၣ်လိာ်သးအဆိကတၢၢ်တဘျီအခါ အါတက့ၢ်သံကွၢ်လိာ်အသးလၢ “နမၤတၢ်မၤမနုၤလဲၣ်.”
၂ လၢလံာ်စီဆှံအပူၤန့ၣ် ပှၤတနီၤဘၣ်တၢ်ပာ်ဖျါထီၣ်အီၤ ဃုာ်ဒီးတၢ်မၤလၢအဝဲသ့ၣ်မၤဝဲန့ၣ်လီၤ. အဒိ, “ပှၤဃ့သွဲစီၤမးသဲ,” “ပှၤမၤတၢ်ဖံး, စီၤၡံမိၣ်” ဒီး “ကသံၣ်သရၣ်လၢ တၢ်အဲၣ်အီၤစီၤလူၤကၣ်” လီၤ. (မးသဲ ၁၀:၃; မၤတၢ် ၁၀:၆; ကလီးစဲ ၄:၁၄) ပှၤလၢအမၤယဟိဝၤယွၤ အတၢ်မၤတဖၣ်စ့ၢ်ကီး လံာ်စီဆှံပာ်ဖျါထီၣ်အီၤ ဃုာ်ဒီးအဝဲသ့ၣ်အမူဒါန့ၣ်လီၤ. အဒိ, စီၤပၤဒၤဝံး, ဝံအ့ၤလံယၤ ဒီးတၢ်မၢဖိပီလူးန့ၣ်လီၤ. အဝဲသ့ၣ်တဖၣ်န့ၣ် ပာ်လုၢ်ပာ်ပှ့ၤဝဲမူဒါလၢ ယဟိဝၤယွၤဟ့ၣ်အီၤန့ၣ်လီၤ. ဒ်န့ၣ်အသိးပဝဲသ့ၣ်တဖၣ်စ့ၢ်ကီး ပကြၢးပာ်လုၢ်ပာ်ပှ့ၤမူဒါလၢ ယဟိဝၤယွၤဟ့ၣ်ပှၤန့ၣ်လီၤ.
၃. ဘၣ်မနုၤအဃိ တၢ်အိၣ်ဖှိၣ်သးပှၢ်လၢအသးပှၢ်တဖၣ် ကဘၣ်သိၣ်လိ ပှၤသးစၢ်တဖၣ်လဲၣ်. (ကွၢ်တၢ်ဂီၤလၢ တၢ်မၤလိအခီၣ်ထံးတက့ၢ်.)
၃ ပအဲၣ်ယဟိဝၤယွၤအတၢ်မၤ ဒီးပပာ်လုၢ်ပာ်ပှ့ၤပမူဒါ စ့ၢ်ကီးလီၤ. ပဝဲဒၣ်အါဂၤ စံၣ်တဲၤတဲလီၤတၢ် ၁:၄) အဃိကဲထီၣ်တၢ်မၤကွၢ်လၢ ယဟိဝၤအပှၤဂီၢ်မုၢ်တဖၣ်အဂီၢ်လီၤ. မုၢ်မဆါတနံၤအံၤ တၢ်စံၣ်တဲၤတဲလီၤတၢ်မၤန့ၣ် လဲၤထီၣ်လဲၤထီဝဲ ဒီးယဟိဝၤယွၤ အတၢ်ကရၢကရိ သူဝဲစဲးဖီကဟၣ်တဖၣ်ဒ်သိး ကရၤလီၤတၢ်သးခုကစီၣ် ဝးဝးအဂီၢ်လီၤ. ဘၣ်ဆၣ်တဘျီတခီၣ် ကဲထီၣ်တၢ်ကီတၢ်ခဲလၢ ဒီပုၢ်ဝဲၢ်လၢအသးပှၢ်သ့ၣ်တဖၣ် ကသူဝဲတၢ်ပီးတၢ်လီအံၤအဂီၢ်လီၤ. (လူၤကၣ် ၅:၃၉) ဒ်ပသ့ၣ်ညါအသိး ဖဲပှၤသးပှၢ်ထီၣ်အခါ အဝဲသ့ၣ် အဂံၢ်အဘါလီၤစၢ်ဝဲလီၤ. (ကတိၤဒိ ၂၀:၂၉) လၢတၢ်န့ၣ်အဃိ တၢ်အိၣ်ဖှိၣ်သးပှၢ်လၢ အသးပှၢ်တဖၣ် မ့ၢ်သိၣ်လိဝဲပှၤသးစၢ်တဖၣ်လၢ ကဟံးအါထီၣ်မူဒါလၢ ယဟိဝၤယွၤ အတၢ်ကရၢကရိအပူၤန့ၣ် မ့ၢ်ကျဲလၢအိၣ်ဒီးတၢ်အဲၣ်တၢ်ကွံ ဒီးကကဲဘျုးလီၤ.—ဖး စံးထီၣ်ပတြၢၤ ၇၁:၁၈ တက့ၢ်.
ပမၤပတၢ်မၤအံၤမုာ်ဒိၣ်မးအဃိ ပအဲၣ်ဒိးဆဲးမၤအီၤ ဖးယံာ်န့ၣ်လီၤ. ဘၣ်ဆၣ်လီၤသးအုးဒိၣ်မး ဖဲပသးပှၢ်ထီၣ်အခါ ပမၤတၢ်မၤဒ်သိးလၢ ပသးစၢ်အခါတန့ၢ်လၢၤဘၣ်. (၄. ဒီပုၢ်ဝဲၢ်လၢအိၣ်ဒီးမူဒါတဖၣ် ကဟ့ၣ်လီၤအမူဒါလၢ ပှၤသးစၢ်တဖၣ်အအိၣ်န့ၣ် ဘၣ်မနုၤအဃိ ကီခဲဝဲလဲၣ်. (ကွၢ်တၢ်လွံၢ်နၢၣ် “ ပကဟ့ၣ်လီၤက့ၤ ပမူဒါဆူပှၤဂၤအအိၣ်န့ၣ် ဘၣ်မနုၤအဃိ ကီလၢပဂီၢ်လဲၣ်” တက့ၢ်.)
၄ ဒီပုၢ်ဝဲၢ်လၢအိၣ်ဒီးမူဒါတဖၣ် ကဟ့ၣ်လီၤအမူဒါလၢ ပှၤသးစၢ်တဖၣ်အအိၣ်န့ၣ် တမ့ၢ်တၢ်လၢအညီဝဲထီဘိဘၣ်. ဖဲအဝဲသ့ၣ်ဆိကမိၣ်ထီၣ်ဝဲလၢ ကဘၣ်ဟ့ၣ်လီၤဝဲအမူဒါ လၢအပာ်လုၢ်ပာ်ပှ့ၤဝဲအံၤဆူ ပှၤဂၤအအိၣ်အခါ အဝဲသ့ၣ်အသးကအုး ဒီးအသးကဘၣ်ဒိလီၤ. ဘၣ်သ့ၣ်သ့ၣ် အဝဲသ့ၣ်ကဘၣ်ယိၣ်ဝဲလၢ မ့ၢ်တဟံးစုနဲၣ်ကျဲ တၢ်ဖံးတၢ်မၤဘၣ်န့ၣ်တၢ်မၤတဖၣ် တလဲၤအသးလၢအဂ့ၢ်အဝီဘၣ်. မ့တမ့ၢ် အဝဲသ့ၣ်ကဆိကမိၣ်ဝဲလၢ အတၢ်ဆၢကတီၢ်တအိၣ်လၢ ကသိၣ်လိပှၤဂၤအဂီၢ်ဘၣ်. မ့မ့ၢ်ပှၤသးစၢ်တဖၣ်တခီ မ့ၢ်တဒိးန့ၢ်အါထီၣ်ဘၣ် မူဒါဒံးဘၣ်န့ၣ် အဝဲသ့ၣ်ကဘၣ်အိၣ်ဒီး တၢ်ဝံသးစူၤလီၤ.
၅. လၢတၢ်မၤလိအံၤအပူၤ ပကတဲသကိးတၢ်ဂ့ၢ်မနုၤတဖၣ်လဲၣ်.
၅ ဒီပုၢ်ဝဲၢ်လၢအသးပှၢ်တဖၣ် ကဘၣ်မၤစၢၤဝဲ ပှၢ်သးစၢ်တဖၣ်ဒ်သိး ကဟံးထီၣ်ဖီၣ်ထီၣ်မူဒါအဂီၢ်န့ၣ် ဘၣ်မနုၤအဃိအရ့ဒိၣ်လဲၣ်. အဝဲသ့ၣ်မၤဝဲကသ့ဒ်လဲၣ်. (၂ တံၤမသ့း ၂:၂) ဒီးပှၤသးစၢ်သ့ၣ်တဖၣ် ဖဲအဒိးန့ၢ်ဘၣ်တၢ်သိၣ်လိလၢ ဒီပုၢ်ဝဲၢ်လၢအသးပှၢ်လၢ အတၢ်လဲၤခီဖျိအါတဖၣ် အအိၣ်အခါ အဝဲသ့ၣ်ကဘၣ်အိၣ်ဒီး တၢ်ပာ်သူၣ်ပာ်သးလၢအဂ့ၤဒ်လဲၣ်. စီၤပၤဒၤဝံး မၤစၢၤဝဲအဖိခွါ ဒ်သိးကအိၣ်ကတဲာ်ကတီၤအသးလၢ တၢ်မၤလၢအရ့ဒိၣ်အံၤ အဂီၢ်ဒ်လဲၣ်န့ၣ် ပကကွၢ်သကိးလီၤ.
စီၤပၤဒၤဝံး သိၣ်လိနဲၣ်လိစီၤၡလိၤမိၤ
၆. စီၤဒၤဝံး အဲၣ်ဒိးမၤဝဲတၢ်မနုၤလဲၣ်. ဒီးယဟိဝၤယွၤတဲအီၤဒ်လဲၣ်.
၆ စီၤဒၤဝံးန့ၣ် ဘၣ်တၢ်မၤနးမၤဖှီၣ်အီၤ ဒီးဃ့ၢ်ပူၤဖျဲးအသးလၢ တၢ်လီၢ်တတီၤဘၣ်တတီၤလီၤ. လၢခံအဝဲကဲထီၣ်ဘၣ် စီၤပၤဒီးအိၣ်ဘၣ်မုာ်မုာ်ခုၣ်ခုၣ်လီၤ. အဃိအဝဲတဲဝဲ ဝံနၤသၣ်လၢ– “ယအိၣ်ယဆိးလၢ ဟံၣ်သ့ၣ်ဆှိအ့ရ့းအပူၤ, မ့မ့ၢ်ယွၤအတၢ်အၢၣ်လီၤအီလီၤ အတလါန့ၣ်အိၣ်ဝဲလၢယၣ်သဒၢ တၢ်အပူၤလီၤ.” စီၤဒၤဝံးအဲၣ်ဒိးသူၣ်ထီၣ်ဝဲ တၢ်လုၢ်ဟံၣ်ဃံလၤလၢ ယဟိဝၤယွၤအဂီၢ်လီၤ. ဒီးဝံနၤသၣ် တဲအီၤလၢ– “မၤကယဲၢ်တၢ်လၢအအိၣ်ဝဲလၢ နသးကံၢ်ပူၤတက့ၢ်. အဂ့ၢ်ဒ်အံၤ, ယွၤအိၣ်ဝဲဒီးနၤလီၤ.” ဘၣ်ဆၣ်စီၤဒၤဝံးကမၤဒ်အံၤန့ၣ် တဘၣ်ယဟိဝၤယွၤအသးဘၣ်. ကစၢ်ယွၤ စံးဘၣ်ဝံနၤသၣ်လၢ ကတဲဘၣ်ဝဲစီၤဒၤဝံးလၢ– “နတဘၣ်သူၣ်ယဟံၣ်လၢ ယကအိၣ်ကဆိးလၢအပူၤဘၣ်.” ယဟိဝၤယွၤအၢၣ်လီၤ စီၤဒၤဝံးလၢကအိၣ်ဒီးအီၤထီဘိလီၤ. ဘၣ်ဆၣ် စီၤဒၤဝံးသ့ၣ်ညါဘၣ်ဝဲလၢ အဖိခွါတဂၤ ကဘၣ်သူၣ်ထီၣ်တၢ်လုၢ်ဟံၣ်လီၤ. စီၤဒၤဝံးမၤဆၢက့ၤဝဲဒ်လဲၣ်.—၁ ကွဲးနီၣ်တၢ် ၁၇:၁-၄, ၈, ၁၁, ၁၂; ၂၉:၁.
၇. စီၤဒၤဝံး မၤပိာ်ထွဲဝဲ ယဟိဝၤယွၤအတၢ်ဟံးစုနဲၣ်ကျဲဒ်လဲၣ်.
၇ စီၤဒၤဝံးန့ၣ်အဲၣ်ဒိးသူၣ်ထီၣ်ဝဲတၢ်လုၢ်ဟံၣ်လၢ ယဟိဝၤယွၤအဂီၢ်သပှၢ်တၢၢ်အဃိ အသးကအုးဝဲဒိၣ်မးလီၤ. ဘၣ်ဆၣ် စီၤဒၤဝံးဆီၣ်ထွဲမၤစၢၤဝဲ အဖိခွါစီၤၡလိၤမိၤလၢ ကသူၣ်ထီၣ်ဘှီထီၣ်တၢ်အဂီၢ် လၢလၢပှဲၤပှဲၤလီၤ. အဝဲရဲၣ်ကျဲၤဝဲပှၤမၤတၢ်ဖိတဖၣ် ဒ်သိးကပာ်ဖှိၣ်ဝဲ သ့ၣ်, ထး, တိၢ်ဘီ, စ့ဒီး ထူတဖၣ်န့ၣ်လီၤ. မတၤအမံၤကဘၣ် ၁ ကွဲးနီၣ်တၢ် ၂၂:၁၁, ၁၄-၁၆.
တၢ်မၤလၤကပီၤအီၤလၢ တၢ်သူၣ်ထီၣ်တၢ်လုၢ်ဟံၣ်အံၤအဃိလဲၣ်န့ၣ် စီၤဒၤဝံးတသးကိၢ်ဝဲဘၣ်. လၢခံတၢ်လုၢ်ဟံၣ်အံၤ ဘၣ်တၢ်သ့ၣ်ညါအီၤလၢ တၢ်လုၢ်ဟံၣ်လၢ စီၤၡလိၤမိၤသူၣ်ထီၣ်ဝဲန့ၣ်လီၤ. ဘၣ်ဆၣ်စီၤဒၤဝံး ဟ့ၣ်ဂံၢ်ဟ့ၣ်ဘါအဖိခွါလၢ– “ခဲကနံၣ်အံၤ ယဖိခွါဧၢ, မ်ယွၤအိၣ်ဒီးနၤ, ဒီးဒုးဘီၣ်ထီၣ်နၤတက့ၢ်. ဒီးသူၣ်ယွၤနကစၢ်အဟံၣ်, ဒ်အကတိၤတၢ်ဒီးနၤ အသိးန့ၣ်တက့ၢ်.”—၈. ဘၣ်မနုၤအဃိ စီၤဒၤဝံးကဆိကမိၣ်ဘၣ်ဝဲလၢ စီၤၡလိၤမိၤ ဟံးစုနဲၣ်ကျဲ တၢ်သူၣ်ထီၣ်ဘှီထီၣ်အံၤ တန့ၢ်ဒံးဘၣ်လဲၣ်. ဘၣ်ဆၣ်စီၤဒၤဝံး မၤတၢ်မနုၤလဲၣ်.
၈ ဖး ၁ ကွဲးနီၣ်တၢ် ၂၂:၅ တက့ၢ်. ဘၣ်သ့ၣ်သ့ၣ် စီၤဒၤဝံး ကဆိကမိၣ်ဘၣ်ဝဲလၢ စီၤၡလိၤမိၤဟံးစုနဲၣ်ကျဲ တၢ်သူၣ်ထီၣ်ဘှီထီၣ်အံၤ တန့ၢ်ဒံးဘၣ်. ဖဲန့ၣ်အဆၢကတီၢ် စီၤၡလိၤမိၤမ့ၢ်ဒၣ် “ပှၤဖိၣ်သၣ်ခွါ” ဒီးအသးစၢ်ဒံး ဒီးတၢ်လုၢ်ဟံၣ်လၢအကဘၣ် သူၣ်ထီၣ်ဝဲန့ၣ်ကဘၣ်အိၣ်ဒီး “အလၤအကပီၤအဒိၣ်အထီ” အဃိန့ၣ်လီၤ. ဘၣ်ဆၣ် စီၤဒၤဝံးသ့ၣ်ညါဝဲလၢ ယဟိဝၤယွၤ ကမၤစၢၤစီၤၡလိၤမိၤ ဒ်သိးအတၢ်မၤ ကကဲထီၣ်လိၣ်ထီၣ်အဂီၢ်လီၤ. လၢတၢ်န့ၣ်အဃိ တသ့ဖဲအသ့ စီၤဒၤဝံးကတဲာ်ကတီၤဝဲ တၢ်ပီးတၢ်လီလၢ တၢ်သူၣ်ထီၣ်ဘှီထီၣ်အဂီၢ်လီၤ.
သိၣ်လိပှၤဂၤလၢ တၢ်သူၣ်ခုသးခုအပူၤ
၉. ဖဲဒီပုၢ်ဝဲၢ်လၢအသးပှၢ်တဖၣ် ဟ့ၣ်လီၤဝဲမူဒါလၢ ပှၤဂၤအအိၣ်အခါ အဝဲသ့ၣ်တူၢ်ဘၣ်ဝဲဒ်လဲၣ်. ဟ့ၣ်တၢ်အဒိတက့ၢ်.
၉ ဒီပုၢ်ဝဲၢ်ခွါလၢ အသးပှၢ်တဖၣ် မ့ၢ်ဘၣ်ဟ့ၣ်လီၤမူဒါလၢ ပှၤသးစၢ်တဖၣ်အအိၣ်န့ၣ် တကြၢးသူၣ်အုးသးအုးဝဲဘၣ်. ပဝဲခဲလၢာ်ပသ့ၣ်ညါလၢ တၢ်မၤလၢအရ့ဒိၣ်ကတၢၢ် လၢမုၢ်မဆါတနံၤအံၤန့ၣ် မ့ၢ်ဒၣ်ယဟိဝၤယွၤ အတၢ်မၤလီၤ. လၢတၢ်န့ၣ်အဃိ ပမ့ၢ်ပသိၣ်လိပှၤသးစၢ်တဖၣ် ဒ်သိးကဟံးထီၣ်ဖီၣ်ထီၣ် မူဒါအဂီၢ်န့ၣ် ကကဲထီၣ်တၢ်မၤစၢၤလၢ ကမၤဝံၤဝဲတၢ်ဖံးတၢ်မၤတဖၣ်အံၤလီၤ. ဆိကမိၣ်ကွၢ်ဒ်အံၤ, ဖဲနနီၢ်ဆံးဒံးအခါ နကကွၢ်နပါနီကါလီၤ. ဖဲနနီၢ်ဒိၣ်ထီၣ်တစဲးအခါ အဝဲကတဲနၢ်ပၢၢ်နၤလၢ တၢ်နီကါအဂ့ၢ်လီၤ. ဒီးဖဲနသးအနံၣ်ပှဲၤထီၣ်အခါ နကစးထီၣ်နီကါလီၤ. နနီကါသ့သနာ်က့ နပါန့ၣ်ကဆဲးဟံးစုနဲၣ်ကျဲနၤဒံးလီၤ. တဘျီတခီၣ် အဝဲကနုာ်လီၤနီကါစ့ၢ်ကီးလီၤ. ဘၣ်ဆၣ် နပါအသးမ့ၢ်ပှၢ်ထီၣ်န့ၣ် အါတက့ၢ်
နကဘၣ်နီန့ၢ်အကါလီၤ. နမ့ၢ်မၤဒ်န့ၣ်န့ၣ် မ့ၢ်နပါအသးကအုးဧါ. အသးတအုးဘၣ်. လၢတၢ်န့ၣ်အလီၢ် ကသးခုဝဲမ့ၢ်လၢ နနီန့ၢ်အီၤကါအဃိလီၤ. ဒ်န့ၣ်အသိး ဖဲဒီပုၢ်ဝဲၢ်လၢအသးပှၢ်တဖၣ် ထံၣ်ဘၣ်ဝဲ ဒီပုၢ်ဝဲၢ်သးစၢ်လၢ အဝဲသ့ၣ်သိၣ်လိနဲၣ်လိဝဲတဖၣ် ဟံးထီၣ်ဖီၣ်ထီၣ်မူဒါလၢ ယဟိဝၤယွၤ အတၢ်ကရၢကရိအပူၤအခါ အဝဲသ့ၣ်သးခုဝဲဒိၣ်မးလီၤ.၁၀. ဘၣ်ဃးဒီးတၢ်လၤကပီၤဒီး တၢ်န့ၢ်စိန့ၢ်ကမီၤန့ၣ် စီၤမိၤၡ့ထံၣ်ဝဲဒ်လဲၣ်.
၁၀ ဖဲပှၤဂၤန့ၢ်ဘၣ်မူဒါအခါ ပကဘၣ်ပလီၢ်ပသး ဒ်သိးပသုတအိၣ်ဒီး တၢ်သူၣ်က့ၣ်သးကါ တဂ့ၤအဂီၢ်လီၤ. ဖဲပှၤအံၣ်စရ့လးဖိတနီၤ ကတိၤတၢ်လၢဝံကျိာ်အခါ စီၤမိၤၡ့တသးက့ၣ်အဝဲသ့ၣ်ဘၣ်. ပမၤလိန့ၢ်တၢ်လၢ စီၤမိၤၡ့အအိၣ်သ့ဝဲလီၤ. (ဖး ၄ မိၤၡ့ ၁၁:၂၄-၂၉ တက့ၢ်.) စီၤယိၤၡူအဲၣ်ဒိးတြီ အဝဲသ့ၣ်ဘၣ်ဆၣ်စီၤမိၤၡ့စံးဘၣ်အီၤလၢ– “နသးက့ၣ်အီၤလၢ ယဂီၢ်ဧါ, မ်ကယဲၢ်ယွၤအပှၤဂီၢ်မုၢ်ခဲလၢာ် မ့ၢ်ဝံဧိၤမီၣ်ဧိၤတက့ၢ်, မ်ယွၤပာ်အသးလၢ အလိၤတက့ၢ်.” စီၤမိၤၡ့သ့ၣ်ညါဝဲလၢ ယဟိဝၤယွၤ ဟံးစုနဲၣ်ကျဲအဝဲသ့ၣ်လီၤ. စီၤမိၤၡ့တအဲၣ်ဒိးန့ၢ်ဘၣ် တၢ်လၤကပီၤလၢ အနီၢ်ကစၢ်အဂီၢ်ဘၣ်. လၢတၢ်န့ၣ်အလီၢ် အဝဲအဲၣ်ဒိးလၢ ယဟိဝၤယွၤအပှၤဂီၢ်မုၢ်ခဲလၢာ် ကအိၣ်ဒီးမူဒါအံၤန့ၣ်လီၤ. မ့မ့ၢ်ပဝဲဒၣ်သ့ၣ်တဖၣ်မီၤ. ဖဲပှၤဂၤဒိးန့ၢ်ဘၣ်မူဒါလၢ ယဟိဝၤယွၤ အတၢ်ဖံးတၢ်မၤအပူၤအခါ မ့ၢ်ပသးခုဃုာ်ဒီးအဝဲသ့ၣ်ဧါ.
၁၁. ဖဲဒီပုၢ်ဝဲၢ်တဂၤအံၤ ဘၣ်ဟ့ၣ်လီၤကွံာ်ဝဲအမူဒါဆူ ပှၤဂၤအအိၣ်အခါ အဝဲတဲဝဲဒ်လဲၣ်.
၁၁ ဒီပုၢ်ဝဲၢ်လၢ အမၤယဟိဝၤယွၤ အတၢ်မၤလၢ အနံၣ်ယံာ်အလါအါတဖၣ် အိၣ်ဝဲအါမးလီၤ. အဝဲသ့ၣ်သိၣ်လိနဲၣ်လိပှၤသးစၢ်တဖၣ် ဒ်သိးကဟံးအါထီၣ်မူဒါလၢ တၢ်အိၣ်ဖှိၣ်အပူၤလီၤ. အဒိ, ဆိကမိၣ်ကွၢ် ဒီပုၢ်ဝဲၢ်ဖံထၢၣ်အဂ့ၢ်တက့ၢ်. အဝဲမၤယွၤအတၢ်မၤလၢ ဆၢကတီၢ်လၢပှဲၤအိၣ်ဝဲ ၇၄ နံၣ်ဒီးလၢအကျါ ၃၅ နံၣ်န့ၣ် အဝဲမၤတၢ်လၢ ကီၢ်ယူရပၤ အဝဲၤတြၢ်န့ၣ်လီၤ. ဒီပုၢ်ဝဲၢ်ဖံထၢၣ် မ့ၢ်ပှၤတီခိၣ်ရိၤမဲလၢ ဘီမုၢ်တၢ်မၤအဝဲၤကျိၤလီၤ. လၢခံမူဒါအံၤဘၣ်ဟ့ၣ်လီၤကွံာ်ဝဲဆူ ဒီပုၢ်ဝဲၢ်ခွါသးစၢ်လၢအမံၤမ့ၢ် ဖီ(လ်) လၢအဝဲသိၣ်လိနဲၣ်လိဝဲတဂၤန့ၣ်လီၤ. ခီဖျိတၢ်ဆီတလဲ အိၣ်ထီၣ်ဒ်အံၤအဃိ ဒီပုၢ်ဝဲၢ်ဖံထၢၣ် အသးအုးစ့ၢ်ကီးဧါ. တသးအုးဝဲဘၣ်. လၢတၢ်န့ၣ်အလီၢ် အဝဲစံးဝဲလၢ– “ဒီပုၢ်ဝဲၢ်လၢအဘၣ် တၢ်သိၣ်လိနဲၣ်လိအီၤတဖၣ် တူၢ်လိာ်အါထီၣ်မူဒါတဖၣ်ဒီး မၤလၢပှဲၤဝဲအဃိ ယသးခုဒိၣ်မးလီၤ.”
ပာ်လုၢ်ပာ်ပှ့ၤ ပှၤသးပှၢ်တဖၣ်တက့ၢ်
၁၂. ပဟံးန့ၢ်တၢ်မၤလိလၢ စီၤရဃၤဘၣ် အဒိအတဲာ်ကသ့ဒ်လဲၣ်.
၁၂ ဖဲစီၤၡလိၤမိၤ အဖိခွါစီၤရဃၤဘၣ် ကဲထီၣ်စီၤပၤအခါ အဝဲဃ့တၢ်ဟ့ၣ်ကူၣ်လၢ ပှၤသူၣ်က့သးပှၢ်တဖၣ်အအိၣ် ဒ်သိးဟံးထီၣ်ဖီၣ်ထီၣ် မူဒါအသီကန့ၢ်အဂီၢ်လီၤ. ဘၣ်ဆၣ်အဝဲဂ့ၢ်လိာ်ကွံာ်ဝဲ ပှၤသူၣ်က့သးပှၢ်တဖၣ် အတၢ်ဟ့ၣ်ကူၣ်ဒီး တူၢ်လိာ်ဝဲပှၤသးစၢ်လၢ အဒိၣ်ထီၣ်ဃုာ်ဒီးအီၤ၂ ကွဲးနီၣ်တၢ် ၁၀:၆-၁၁, ၁၉) ပမၤလိန့ၢ်တၢ်မနုၤလဲၣ်. ပမ့ၢ်ဃ့တၢ်ဟ့ၣ်ကူၣ်လၢ ပှၤလၢအသးပှၢ်န့ၢ်ပှၤ ဒီးပှၤလၢအတၢ်လဲၤခီဖျိအါန့ၢ်ပှၤတဖၣ်အအိၣ်န့ၣ် မ့ၢ်ကျဲလၢအဘၣ်လီၤ. ပှၤသးစၢ်တဖၣ် တကြၢးတူၢ်ဘၣ်ဝဲလၢ ကဘၣ်မၤဝဲဒ် ပှၤသးပှၢ်လၢညါတဖၣ် မၤတ့ၢ်ဝဲအသိး လီၤတံၢ်လီၤဆဲးဘၣ်. အဝဲသ့ၣ်ကြၢးယူးယီၣ်ပာ်ကဲဝဲ ပှၤသးပှၢ်တဖၣ် အတၢ်ဟ့ၣ်ကူၣ်ဒီး တကြၢးဆိကမိၣ်ဝဲလၢ ပှၤသးပှၢ်တဖၣ် အတၢ်ဟ့ၣ်ကူၣ်န့ၣ် အဘျုးတအိၣ်ဘၣ်န့ၣ်ဘၣ်.
တဖၣ် အတၢ်ဟ့ၣ်ကူၣ်န့ၣ်လီၤ. လၢတၢ်န့ၣ်အဃိ အဝဲထံၣ်ဘၣ် တၢ်ကီတၢ်ခဲလီၤ. (၁၃. ပှၤသးစၢ်တဖၣ် ကြၢးမၤသကိးဃုာ်တၢ်ဒီး ပှၤသးပှၢ်တဖၣ်ဒ်လဲၣ်.
၁၃ တဘျီတခီၣ် ပှၤသးစၢ်တဖၣ်ဒိးန့ၢ်ဘၣ်ဝဲမူဒါလၢ ကဘၣ်တီခိၣ်ရိၤမဲဝဲ ပှၤသးပှၢ်သ့ၣ်တဖၣ် မ့တမ့ၢ် ပှၤလၢအတၢ်လဲၤခီဖျိအါတဖၣ် အတၢ်မၤန့ၣ်လီၤ. လၢတၢ်န့ၣ်အဃိ အဝဲသ့ၣ်ကြၢးဃ့တၢ်ဟ့ၣ်ကူၣ်လၢ ဒီပုၢ်ဝဲၢ်သးပှၢ်တဖၣ်အံၤအအိၣ်လီၤ. ဖဲဒီပုၢ်ဝဲၢ်ခွါ ဖီ(လ်) ကဲထီၣ်ဝဲပှၤတီခိၣ်ရိၤမဲတၢ်လၢ ဘီမုၢ်တၢ်မၤအဝဲၤကျိၤလၢ ဖံထၢၣ်အလီၢ်အခါ အဝဲစံးဝဲလၢ “ယဟံးန့ၢ်တၢ်ဆၢကတီၢ်ဒီး ယလဲၤဃ့တၢ်ဟ့ၣ်ကူၣ်လၢ ဒီပုၢ်ဝဲၢ်ဖံထၢၣ်အအိၣ် ဒီးယဟ့ၣ်ဂံၢ်ဟ့ၣ်ဘါစ့ၢ်ကီး ပှၤလၢအမၤတၢ်ဒီးယၤတဖၣ်လၢ ကမၤဝဲဒ်န့ၣ်လီၤ.”
စီၤပီလူး ဟံးန့ၢ်တၢ်ဆၢကတီၢ်လၢ ကသိၣ်လိစီၤတံၤမသ့း ဒီးစီၤတံၤမသ့းစ့ၢ်ကီး မၤလိဝဲဂ့ၤဂ့ၤလီၤ
၁၄. စီၤတံၤမသ့းဒီး စီၤပီလူးမၤသကိးဃုာ်တၢ်န့ၣ် ပမၤလိန့ၢ်ဘၣ် တၢ်မနုၤလဲၣ်.
၁၄ စီၤတံၤမသ့းမ့ၢ်ပှၤသးစၢ်တဂၤလၢ အမၤသကိးဃုာ်တၢ်ဒီး တၢ်မၢဖိစီၤပီလူး လၢအနံၣ်အါမးန့ၣ်လီၤ. (ဖး ဖံလံးပံၤ ၂:၂၀-၂၂ တက့ၢ်.) စီၤပီလူး တဲဘၣ်ပှၤကရံၣ်သူးဖိတဖၣ်လၢ– “ယမၢစီၤတံၤမသ့း, လၢအမ့ၢ်ယဖိသးဘိအကလုၢ်တီ လၢကစၢ်အပူၤတဂၤ, ဆူသုအိၣ်, ဒီးကဒုးသ့ၣ်နီၣ်ထီၣ်က့ၤသုလၢယကျဲ လၢခရံာ်အပူၤ, ဒ်ယသိၣ်က့ၤသီက့ၤတၢ်လၢကယဲၢ် တၢ်အိၣ်ဖှိၣ်ကိးပူၤဒဲးအသိးန့ၣ်လီၤ.” (၁ ကရံၣ်သူး ၄:၁၇) လံာ်စီဆှံတဆၢအံၤဒုးသ့ၣ်ညါပှၤလၢ စီၤပီလူးဒီးစီၤတံၤမသ့းန့ၣ် မၤသကိးဃုာ်တၢ်ဒီး မၤစၢၤလိာ်သးတဂၤဒီးတဂၤလီၤ. စီၤပီလူး ဟံးန့ၢ်တၢ်ဆၢကတီၢ်လၢ ကသိၣ်လိစီၤတံၤမသ့းလၢ “ကျဲလၢခရံာ်အပူၤ” ဒီးစီၤတံၤမသ့းစ့ၢ်ကီး မၤလိဝဲဂ့ၤဂ့ၤလီၤ. စီၤပီလူးအဲၣ်စီၤတံၤမသ့းဒိၣ်မး ဒီးနာ်ဝဲလၢ စီၤတံၤမသ့းန့ၣ် ကအံးထွဲကွၢ်ထွဲဝဲ ဒီပုၢ်ဝဲၢ်လၢ ကရံၣ်သူးတဖၣ်ဂ့ၤဂ့ၤလီၤ. ဒ်န့ၣ်အသိး တၢ်အိၣ်ဖှိၣ်သးပှၢ်တဖၣ် ကြၢးကွၢ်လိမၤဒိးဝဲ စီၤပီလူးအဒိအတဲာ် ဒီးသိၣ်လိနဲၣ်လိ ဒီပုၢ်ဝဲၢ်ခွါအဂၤတဖၣ်လၢ ကဟံးထီၣ်ဖီၣ်ထီၣ်မူဒါလၢ တၢ်အိၣ်ဖှိၣ်အပူၤန့ၣ်လီၤ.
ပဝဲတဂၤစုာ်စုာ် ပအိၣ်ဒီးမူဒါလၢအရ့ဒိၣ်
၁၅. ဒ်သိးပတူၢ်လိာ် တၢ်ဆီတလဲကညီဝဲအဂီၢ် ရိမ့ၤ ၁၂:၃-၅ မၤစၢၤပှၤဒ်လဲၣ်.
၁၅ ပအိၣ်မူဘၣ်လၢ ဆၢကတီၢ်ခဲအံၤန့ၣ် မ့ၢ်တၢ်လၢအလီၤသူၣ်ပိၢ်သးဝးဒိၣ်မးလီၤ. ယဟိဝၤယွၤ အတၢ်ကရၢကရိလၢ ဟီၣ်ခိၣ်ချၢအံၤန့ၣ် ဒိၣ်ထီၣ်ထီထီၣ်လၢ ကျဲအါဘိလီၤ. လၢတၢ်န့ၣ်အဃိ တၢ်ဆီတလဲစ့ၢ်ကီး ကအိၣ်ထီၣ်ဝဲကွ့ၢ်ကွ့ၢ်လီၤ. တၢ်ဆီတလဲတနီၤနီၤန့ၣ် ပကတူၢ်လိာ်အီၤအဂီၢ်ကကီဝဲလီၤ. ပမ့ၢ်အိၣ်ဒီး တၢ်ဆီၣ်လီၤသးဒီး သးစၢၢ်ဆၢဘီမုၢ်တၢ်သးခုကစီၣ်တၢ်မၤန့ၣ် ကမၤစၢၤပှၤ ဒ်သိးပတူၢ်လိာ် တၢ်ဆီတလဲတဖၣ်ကညီဝဲလီၤ. ပမ့ၢ်မၤဒ်အံၤန့ၣ် ပကအိၣ်ဒီးတၢ်ဃူတၢ်ဖိးလီၤ. စီၤပီလူးကွဲးန့ၢ်ဝဲ ခရံာ်ဖိတဖၣ်လၢအအိၣ်လၢ ဝ့ၢ်ရိမ့ၤ အလံာ်ဒ်အံၤလီၤ– “ယစံးဘၣ်ကယဲၢ်ပှၤအိၣ်လၢ သုကျါကိးအဂၤဒဲး, လၢအသုတပာ်အသးထီန့ၢ် အဂ့ၤပာ်ဝဲန့ၣ်တဂ့ၤ.” တကးဒံးဘၣ် အဝဲတဲနၢ်ပၢၢ်စ့ၢ်ကီးဝဲလၢ ဒ်နီၢ်ခိက့ၢ်ဂီၤတခါစုာ်စုာ် မၤတၢ်လီၤဆီလိာ်သးအသိး လၢတၢ်အိၣ်ဖှိၣ်အပူၤစ့ၢ်ကီး ပဝဲတဂၤစုာ်စုာ် ပမူဒါကလီၤဆီလိာ်အသးလီၤ.—ရိမ့ၤ ၁၂:၃-၅.
ယဟိဝၤ အပှၤဂီၢ်မုၢ်ခဲလၢာ် သးအိၣ်ဆီၣ်ထွဲမၤစၢၤ ဘီမုၢ်တၢ်မၤ ဒီးမၤဒ် ယွၤမၢအီၤအသိးလီၤ
၁၆. ဒ်သိးယဟိဝၤယွၤ အတၢ်ကရၢကရိ ကအိၣ်ဒီးတၢ်ဃူတၢ်ဖိးဒီး တၢ်မုာ်တၢ်ခုၣ်အဂီၢ် ခရံာ်ဖိတဂၤစုာ်စုာ် ဘၣ်မၤဝဲတၢ်မနုၤလဲၣ်.
၁၆ ယဟိဝၤအပှၤဂီၢ်မုၢ်ခဲလၢာ် သးအိၣ်ဆီၣ်ထွဲမၤစၢၤ ဘီမုၢ်တၢ်မၤ ဒီးမၤဒ်ယွၤမၢအီၤအသိးလီၤ. ဒီပုၢ်ဝဲၢ်ခွါလၢအသးပှၢ်တဖၣ် သိၣ်လိနဲၣ်လိဝဲ ပှၤသးစၢ်တဖၣ်သ့လီၤ. သးစၢ်တဖၣ်စ့ၢ်ကီး ဖဲဟံးန့ၢ်အါထီၣ်မူဒါအခါ ကဘၣ်အိၣ်ဒီး တၢ်ဆီၣ်လီၤသး ဒီးတၢ်ယူးယီၣ်ပာ်ကဲလီၤ. ဒီပုၢ်ဝဲၢ်ခွါလၢ အဆီဟံၣ်ဆီဃီတဖၣ် ပာ်လုၢ်ပာ်ပှ့ၤဝဲအမါတဖၣ် ခီဖျိလၢအဝဲသ့ၣ် ဆီၣ်ထွဲမၤစၢၤအီၤ ဖဲတၢ်ဆီတလဲ အိၣ်ထီၣ်အခါန့ၣ်လီၤ. ဒီပုၢ်ဝဲၢ်မုၣ်တဖၣ်အံၤ ကွၢ်လိမၤဒိးဝဲ နီၢ်ပြံစကံးလၤလၢ အမၤသကိးတၢ်ဒီးအဝၤစီၤအကူလၤ လၢတၢ်သးတီအပူၤန့ၣ်လီၤ.—၁၇. ယ့ၣ်ၡူးသိၣ်နဲၣ်လိ အပျဲၢ်အဘီၣ် သ့ၣ်ဖၣ်လၢ ကမၤတၢ်မနုၤလဲၣ်.
၁၇ ဘၣ်ဃးဒီး တၢ်သိၣ်လိနဲၣ်လိပှၤဂၤန့ၣ် ယ့ၣ်ၡူးပာ်လီၤ တၢ်အဒိအတဲာ်အဂ့ၤကတၢၢ် လၢပဂီၢ်လီၤ. ယ့ၣ်ၡူးသ့ၣ်ညါဝဲလၢ ပှၤအဂၤတဖၣ် ကဘၣ်ဆဲးမၤ အတၢ်မၤန့ၣ်လီၤ. အဝဲသ့ၣ်ညါဝဲလၢ အပျဲၢ်အဘီၣ်တဖၣ် တလၢတပှဲၤဘၣ်. ဘၣ်ဆၣ် ယ့ၣ်ၡူးနာ်ဝဲလၢ အပျဲၢ်အဘီၣ်သ့ၣ်တဖၣ် ကရၤလီၤ ဘီမုၢ်တၢ်သးခုကစီၣ် အါန့ၢ်ဒံးအီၤလီၤ. (ယိၤဟၣ် ၁၄:၁၂) ခီဖျိလၢ ယ့ၣ်ၡူးသိၣ်လိအဝဲသ့ၣ်ဂ့ၤဂ့ၤအဃိ အဝဲသ့ၣ်လဲၤတုၤလၢ ထံကီၢ်ဖဲလဲၣ်ဂ့ၤဂ့ၤ စံၣ်တဲၤတဲလီၤတၢ်သ့ဝဲလီၤ.—ကလီးစဲ ၁:၂၃.
၁၈. ခဲအံၤပအိၣ်ဒီးမူဒါမနုၤလဲၣ်. ဒီးခါဆူညါန့ၣ် ပကဘၣ်မၤဒံး တၢ်မနုၤလဲၣ်.
၁၈ ယ့ၣ်ၡူးသံဝံၤအလီၢ်ခံ ယဟိဝၤယွၤ မၤသမူထီၣ်က့ၤအီၤဒီး ဟ့ၣ်အါထီၣ်အီၤမူဒါဒီး တၢ်စိတၢ်ကမီၤ လၢအကကဲထီၣ် “တၢ်အခိၣ်ဒီးတၢ်အဒိၣ်အထီ, ဒီးတၢ်ကဲကစၢ်” န့ၣ်လီၤ. (အ့းဖ့းစူး ၁:၁၉-၂၁) တချုးလၢ အၢ်မက့းဒိၣ်ဟဲဒံးဘၣ်အခါ ပမ့ၢ်သံလၢတၢ်သးတီအပူၤန့ၣ် ပကဂဲၤဆၢထၢၣ် သမူထီၣ်က့ၤလၢ ဟီၣ်ခိၣ်သီအပူၤလီၤ. ဖဲန့ၣ်န့ၣ် ပကမၤဘၣ်တၢ်မၤလၢ အလီၤသူၣ်မံသးမုာ်တဖၣ် ကအိၣ်အါမးလီၤ. ခဲအံၤန့ၣ်ပအိၣ်ဒီး မူဒါလၢအလီၤသူၣ်ပိၢ်သးဝးတခါ လၢအမ့ၢ် တၢ်စံၣ်တဲၤတဲလီၤ ဘီမုၢ်တၢ်သးခုကစီၣ် ဒီးတၢ်ဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်န့ၣ်လီၤ. လၢတၢ်န့ၣ်အဃိ သးစၢ်မ့ၢ်ဂ့ၤသးပှၢ်မ့ၢ်ဂ့ၤ ပဝဲတဂၤစုာ်စုာ်ပက “မၤတၢ်အါအါဂီၢ်ဂီၢ်လၢ ကစၢ်အတၢ်မၤ” အပူၤတက့ၢ်.—၁ ကရံၣ်သူး ၁၅:၅၈.