တၢးထီခိးတၢ် လၢတနံၣ်အံၤအဂီၢ်န့ၣ် နဖးဘၣ်တၢ်ဂ့ၢ်တဖၣ်အံၤ လၢာ်လံဧါ. နကစံးဆၢ တၢ်သံကွၢ်တဖၣ်အံၤ ဒ်လဲၣ်.

ဘၣ်ဃးဒီး ပှၤကဘၣ်ရ့ဒီး ပိာ်မုၣ်ဒ်လဲၣ်န့ၣ် ယဟိဝၤယွၤ ပာ်လီၤ တၢ်ဒိတၢ်တဲာ် ဒ်လဲၣ်.

ယဟိဝၤယွၤ တဆိကမိၣ်ဆံး ပှၤပိာ်မုၣ်ဘၣ် ဒီးအတကွၢ်မဲာ် ပှၤပိာ်ခွါ အါန့ၢ်ဒံး ပှၤပိာ်မုၣ်ဘၣ်. ယဟိဝၤယွၤ ဒိကနၣ်ဝဲပှၤပိာ်မုၣ် အတၢ်ဃ့, အဝဲသ့ၣ် တၢ်တူၢ်ဘၣ်အိၣ်ဒ်လဲၣ် ဒီးအတၢ်ကီတၢ်ခဲ အိၣ်ဒ်လဲၣ်န့ၣ် ယဟိဝၤယွၤ သးအိၣ်ဝဲ. ဒီးယဟိဝၤယွၤ နာ်န့ၢ်စ့ၢ်ကီး အဝဲသ့ၣ် ဒီးဟ့ၣ်လီၤအဝဲသ့ၣ်မူဒါ ဒ်သိးကမၤလၢပှဲၤထီၣ် အတၢ်ဘၣ်သးအဂီၢ်.—တၢး၂၄.၀၁, ကဘျံးပၤ ၁၅-၁၆.

တၢ်ဟ့ၣ်ပလီၢ်ဖဲ အ့းဖ့းစူး ၅:၇ လၢအတဲဝဲလၢ “တဘၣ်မၤဘၣ်ထွဲလိာ်သုသးဒီး ပှၤတဖၣ်န့ၣ်တဂ့ၤ” န့ၣ် ပမၤထွဲ ကသ့ဒ်လဲၣ်.

တၢ်မၢဖိပီလူး ဟ့ၣ်ပလီၢ်ပှၤလၢ ပတဘၣ်ရ့ဒီး ပှၤလၢအတဒိကနၣ် ဒီးမၤထွဲ ယဟိဝၤယွၤ အတၢ်သိၣ်တၢ်သီတဖၣ်ဘၣ်. တၢ်ရ့လိာ် လၢအတဂ့ၤဘၣ်အံၤန့ၣ် တမ့ၢ်ထဲလၢ ပှၤလၢပရ့အီၤလၢ မဲာ်သကိးမဲာ်ဘၣ်. အပၣ်ဃုာ်ဒီး ပှၤလၢပရ့ဒီးအီၤလၢ အ့ၤထၢၤနဲၣ်အပူၤစ့ၢ်ကီး.—တၢး၂၄.၀၃, ကဘျံးပၤ ၂၂-၂၃.

ပကဘၣ် ပလီၢ်ပသးလၢ တၢ်ဂ့ၢ်တၢ်ကျိၤ လၢအကမၣ် ဒ်လဲၣ်တဖၣ်လဲၣ်.

ပကဘၣ် ပလီၢ်ပသးလၢ တၢ်ဂ့ၢ်တၢ်ကျိၤလၢ ဒီပုၢ်ဝဲၢ်မုၣ်ခွါ ဆှၢန့ၢ်ပှၤ ဘၣ်ဆၣ် အမ့ၢ်အတီဧါ တမ့ၢ်တတီဧါန့ၣ် ဘၣ်သ့ၣ်သ့ၣ် အတဃုသ့ၣ်ညါဝဲ လီၤတံၢ်ဘၣ်, အံမ့ လၢပှၤတၢ်ချၢ လၢပတသ့ၣ်ညါအီၤဘၣ် ဆှၢန့ၢ်ပှၤ ဒီးတၢ်ဂ့ၢ်တၢ်ကျိၤလၢ ပှၤလၢအထီဒါက့ၤ တၢ်မ့ၢ်တၢ်တီတဖၣ်တဲဝဲ.—တၢး၂၄.၀၄, ကဘျံးပၤ ၁၂.

ဘၣ်ဃးဒီး ယဟိဝၤယွၤ ကစံၣ်ညီၣ် စီၤပၤၡလိၤမိၤ, ပှၤလၢအသံလၢ ဝ့ၢ်စဒိၣ်ဒီးဝ့ၢ်ဂမိရၤ ဒီးပှၤလၢအသံလၢ ထံလုၢ်ဘၢတၢ်လၢ စီၤနိအၤအစိၤန့ၣ် တၢ်ဂ့ၢ်လၢ ပသ့ၣ်ညါ ဒီးတၢ်ဂ့ၢ်လၢ ပတသ့ၣ်ညါဘၣ် မ့ၢ်မနုၤလဲၣ်.

ယဟိဝၤယွၤ ပာ်ပနီၣ်ဝဲလၢ အဝဲသ့ၣ် ကဟးဂီၤကွံာ် လီၤထူလီၤယိာ်ဧါန့ၣ် ပတသ့ၣ်ညါ လီၤတံၢ်ဘၣ်. သနာ်က့ ပသ့ၣ်ညါလၢ ယဟိဝၤယွၤ သ့ၣ်ညါတၢ်ဂ့ၢ်ခဲလၢာ် ဒီးအအိၣ်ဒီး တၢ်သးကညီၤ ဒိၣ်မး.—တၢး၂၄.၀၅, ကဘျံးပၤ ၃-၄.

ယဟိဝၤယွၤ ကဲဝဲ “ပလၢၢ်” အဃိ ပဒိးန့ၢ်ဘၣ် အဘျုးဒ်လဲၣ်. (၅ မိၤ ၃၂:၄)

ပဃု တၢ်အိၣ်သဒၢအလီၢ် လၢယဟိဝၤယွၤ အအိၣ်သ့. အတီဒီး အတၢ်အၢၣ်လီၤ ထီဘိအဃိ ပ နာ်န့ၢ်အီၤသ့. ဒီးယဟိဝၤယွၤန့ၣ် တဆီတလဲ နီတဘျီဘၣ်, အတၢ်ပာ်သူၣ်ပာ်သး ဒီးအတၢ်တိာ်ပာ်စ့ၢ်ကီး တဆီတလဲ နီတဘျီဘၣ်.—တၢး၂၄.၀၆, ကဘျံးပၤ ၂၆-၂၈.

နမ့ၢ်လဲၤပၠီလၢ တၢ်အိၣ်ဖှိၣ် အသီတဖျၢၣ်န့ၣ် ဒ်သိးနလဲၤခီဖျိ တၢ်အိၣ်သးအသီ ကသ့အဂီၢ် တၢ်မနုၤ ကမၤစၢၤနၤလဲၣ်.

သန့ၤနသးလၢ ယဟိဝၤယွၤ. ဒ်အမၤစၢၤ အခ့အပှၤ လၢညါအသိး အကမၤစၢၤနၤစ့ၢ်ကီး. ထိၣ်သတြီၤ နတၢ်အိၣ်ဖှိၣ်အလီၢ်လံၤ ဒီးနတၢ်အိၣ်ဖှိၣ်အသီတဂ့ၤ. မၤသကိးတၢ်ဒီး ဒီပုၢ်ဝဲၢ်မုၣ်ခွါလၢ နတၢ်အိၣ်ဖှိၣ်အသီ ဒီးဂုာ်ကျဲးစၢး ဃုအါထီၣ်သကိးအသီ.—တၢး၂၄.၀၇, ကဘျံးပၤ ၂၆-၂၈.

ယ့ၣ်ၡူး တဲတၢ်အဒိ သၢခါဖဲ မးသဲ အဆၢဒိၣ် ၂၅ န့ၣ် ပန့ၢ်ဘၣ် တၢ်မၤလိဒ်လဲၣ်.

ယ့ၣ်ၡူး တဲတၢ်အဒိ ဘၣ်ဃး သိဒီးမဲာ်တဲးလဲးန့ၣ် သိၣ်လိပှၤလၢ ပကဘၣ်အိၣ်ဒီး တၢ်သးတီ. တၢ်အဒိ ဘၣ်ဃး မုၣ်ကနီၤလၢ အကူၣ်တၢ်သ့ ဒီးမုၣ်ကနီၤလၢ အသးတဆးဘၣ်န့ၣ် သိၣ်လိပှၤလၢ ပကဘၣ် အိၣ်ကတီၤသး ဒီးအိၣ်ပလီၢ်သး. ဒီးတၢ်အဒိ ဘၣ်ဃး စ့တၤလၣ်န့ၣ် သိၣ်လိပှၤလၢ ပကဘၣ် မၤကစၢ်ယွၤအတၢ်မၤ ဆူၣ်ဆူၣ် ဒီးပတဘၣ်ကၢၣ်ဘၣ်.—တၢး၂၄.၀၉, ကဘျံးပၤ ၂၀-၂၄.

စီၤၡလိၤမိၤ အတၢ်လုၢ်ဟံၣ်အဘျီၣ်ဒိၣ်န့ၣ် အထီအိၣ်ထဲလဲၣ်.

ဖဲ ၂ ကွဲးနီၣ်တၢ် ၃:၄ န့ၣ် လံာ်စီဆှံ အတၢ်ကွဲးကူလၢပျၢၤတနီၤ ကွဲးဝဲလၢ တၢ်လုၢ်ဟံၣ်အဘျီၣ်ဒိၣ် လၢအအိၣ်ဝဲလၢ အမဲာ်ညါတကပၤန့ၣ် အကစီၤထီအိၣ်ဝဲ “အပျၢ် ၁၂၀” လၢအမ့ၢ် ၅၃ မံထၢၣ် (၁၇၅ ပ့ၣ်). ဘၣ်ဆၣ် တၢ်ကွဲးကျိာ်ထံအဂၤ လၢပနာ်န့ၢ်အီၤသ့န့ၣ် ကွဲးဝဲလၢ အကစီၤထီအိၣ်ဝဲ “အပျၢ် ၂၀” လၢအမ့ၢ် ၉ မံထၢၣ် (၃၀ ပ့ၣ်). အဃိ ဖျါလၢ အပျၢ် ၂၀ န့ၣ် အဘၣ်လိာ်သးဒီး တၢ်လုၢ်ဟံၣ် အတၢ်ဒူၣ်အတီၣ်.—တၢး၂၄.၁၀, ကဘျံးပၤ ၃၁.

တၢ်အိၣ်ဖှိၣ် အပှၤမၤစၢၤတၢ်တဂၤ ကြၢးကဲ ‘ဝၤလၢ အမါအိၣ်ထဲတဂၤ’ န့ၣ်အခီပညီဒ်လဲၣ်. (၁ တံၤ ၃:၁၂)

အဲၣ်ဒိးတဲဝဲလၢ ပှၤလၢ အဟံးန့ၢ်ဝဲ ဒ်မါတဂၤအသိးန့ၣ် ကဘၣ်မ့ၢ်ဝဲပိာ်မုၣ် ဒီးအတဘၣ် မၤကမၣ်မုၣ်ကမၣ်ခွါဘၣ်. တကးဒံးဘၣ် အတဘၣ် ပာ်ဖျါထီၣ် တၢ်သူၣ်အိၣ်သးအိၣ်လၢ အတကြၢးတဘၣ် လၢပိာ်မုၣ်အဂၤ နီတဘျီဘၣ်.—တၢး၂၄.၁၁, ကဘျံးပၤ ၁၉.

ဘၣ်မနုၤအဃိ ပတဲလၢ ယိၤဟၣ် ၆:၅၃ န့ၣ် တမ့ၢ်ဝဲ တၢ်အဒိလၢ ပကဘၣ်မၤ ကစၢ်ဟါတၢ်အီၣ် ဘၣ်လဲၣ်.

ယိၤဟၣ် ၆:၅၃ တဲဘၣ်ဃးဒီး ပှၤကဘၣ်အီၣ် ယ့ၣ်ၡူးအညၣ် ဒီးအီအသွံၣ်. တၢ်ကတိၤအံၤ ယ့ၣ်ၡူးတဲဘၣ်ဝဲ ပှၤယူဒၤဖိ ဖဲ ခ.န ၃၂, ဖဲအအိၣ်လၢ ကၤလံၤလါအခါ ဒီးအတဲအဝဲသ့ၣ်လၢ အဝဲသ့ၣ် ကဘၣ်စူၢ်က့ၤနာ်က့ၤအီၤ. ယ့ၣ်ၡူး တဲတၢ်ကတိၤအံၤ တနံၣ်ဝံၤအလီၢ်ခံမး အမၤဝဲ ကစၢ်ဟါတၢ်အီၣ် လၢဝ့ၢ်ယရူၤၡလ့ၣ်အပူၤ. ဖဲယ့ၣ်ၡူးမၤ ကစၢ်ဟါတၢ်အီၣ် အခါန့ၣ် အတဲတၢ်ဒီး ပှၤလၢကပၢဃုာ်တၢ်ဒီးအီၤ လၢမူခိၣ်.—တၢး၂၄.၁၂, ကဘျံးပၤ ၁၀-၁၁.