ဖး စံၣ်ညီၣ်ကွီၢ် ၁၁:၃၀-၄၀ ဒီးဃုသ့ၣ်ညါ ဘၣ်ဃးဒီး စီၤယံးဖသၤ ဒီးအဖိမုၣ် မၤလၢပှဲၤထီၣ် အတၢ်အၢၣ်လီၤ ဒ်လဲၣ်အဂ့ၢ်.

ဃုသ့ၣ်ညါ တၢ်ဂ့ၢ်အလီၢ်ခံမဲာ်ညါ. ပှၤအံၣ်စရ့လးဖိလၢ အသးတီတဖၣ်န့ၣ် အဝဲသ့ၣ် ထံၣ်ဝဲ အတၢ်အၢၣ်လီၤဒီး ယဟိဝၤယွၤဒ်လဲၣ်. (၄ မိၤ ၃၀:၂) စီၤယံးဖသၤ ဒီးအဖိမုၣ် ပာ်ဖျါထီၣ်လၢ အဝဲသ့ၣ်နာ်န့ၢ် ယဟိဝၤယွၤဒ်လဲၣ်.—စံၣ်ညီၣ် ၁၁:၉-၁၁, ၁၉-၂၄, ၃၆.

ဃုသ့ၣ်ညါအါထီၣ်. စီၤယံးဖသၤ မၤတၢ်အၢၣ်လီၤဒီး ယဟိဝၤယွၤဒ်လဲၣ် ဒီးအအဲၣ်ဒိးတဲဝဲ အခီပညီဒ်လဲၣ်. (တၢး၁၆.၀၄ ၆ ¶၁၂) ဒ်သိး စီၤယံးဖသၤ ဒီးအဖိမုၣ် ကမၤလၢပှဲၤထီၣ် အတၢ်အၢၣ်လီၤအဂီၢ် အဝဲသ့ၣ် ကဘၣ် သးအိၣ်တူၢ်ၡူကွံာ် မနုၤလဲၣ်. (တၢး၁၆.၀၄ ၆-၇ ¶၁၄-၁၆) တၢ်အၢၣ်လီၤလၢ အရ့ဒိၣ်တနီၤလၢ ယဟိဝၤယွၤ အခ့အပှၤလၢ ဆၢကတီၢ်ခဲအံၤ မၤဝဲန့ၣ် မ့ၢ်မနုၤလဲၣ်.—တၢး၁၇.၀၄ ၆-၉ ¶၁၀-၁၉.

ဆိကမိၣ်ထံ တၢ်လၢနမၤလိဘၣ်. သံကွၢ်လီၤနသးလၢ–

• ‘ဒ်သိး ယမၤလၢပှဲၤထီၣ် ယတၢ်အၢၣ်လီၤ လၢယမၤအီၤဖဲ ယဟ့ၣ်လုၢ်ထီၣ်သးအခါ ကန့ၢ်အဂီၢ် တၢ်မနုၤ ကမၤစၢၤယၤလဲၣ်.’ (တၢး၂၀.၀၃ ၁၃ ¶၂၀)

• ‘ဒ်သိး ယကမၤအါထီၣ် ယဟိဝၤယွၤ အတၢ်မၤအဂီၢ် ယသးအိၣ် တူၢ်ၡူကွံာ် မနုၤလဲၣ်.’

• ‘ဒ်သိး ယကတီဒီး ယသးသမူတံၤသကိး ဒီးမၤလၢပှဲၤ ယတၢ်အၢၣ်လီၤအဂီၢ် တၢ်မနုၤ ကမၤစၢၤယၤလဲၣ်.’ (မး ၁၉:၅, ၆; အ့း ၅:၂၈-၃၃)