ဖး ၁ မိၤၡ့ ၃၇:၂၃-၂၈; ၃၉:၁၇-၂၃ ဒီးမၤလိန့ၢ်တၢ်လၢ စီၤယိၤသး အတၢ်လဲၤခီဖျိ ဘၣ်ဃးဒီး အလဲၤခီဖျိ တၢ်တတီတလိၤ န့ၢ်ဒ်လဲၣ်အဂ့ၢ်.

ဃုသ့ၣ်ညါ တၢ်ဂ့ၢ်အလီၢ်ခံမဲာ်ညါ. ဘၣ်မနုၤအဃိ ပှၤတရ့ စီၤယိၤသး တီတီလိၤလိၤဘၣ်လဲၣ်. (၁ မိၤ ၃၇:၃-၁၁; ၃၉:၁, ၆-၁၀) စီၤယိၤသး ထံၣ်ဘၣ် တၢ်တတီတလိၤ ယံာ်ထဲလဲၣ်. (၁ မိၤ ၃၇:၂; ၄၁:၄၆) ဖဲစီၤယိၤသး ဘၣ်လဲၤခီဖျိ တၢ်တတီတလိၤအခါ ယဟိဝၤယွၤ မၤစၢၤအီၤဒ်လဲၣ် ဒီးယဟိဝၤယွၤ တမၤန့ၢ်အီၤ မနုၤဘၣ်လဲၣ်.—၁ မိၤ ၃၉:၂, ၂၁; တၢး၂၃.၀၁ ၁၇ ¶၁၃.

ဃုသ့ၣ်ညါအါထီၣ်. တၢ်လၢစီၤပိၤတံၤဖၢ်အမါ တဲဝဲန့ၣ် တမ့ၢ်တတီဘၣ် သနာ်က့ လံာ်စီဆှံ ပာ်ဖျါထီၣ်လၢ စီၤယိၤသး တဲဝဲလၢ စီၤပိၤတံၤဖၢ်အမါ တဲလံၣ်တၢ်ဧါ. တပာ်ဖျါထီၣ်ဝဲဘၣ်. ဒ်ပထံၣ်ဘၣ်လၢ ကတိၤဒိ ၂၀:၂, ယိၤဟၣ် ၂၁:၂၅ ဒီး မၤတၢ် ၂၁:၃၇ ပာ်ဖျါဝဲအသိး ဘၣ်မနုၤအဃိ စီၤယိၤသး တတဲတၢ် နီတမံၤဘၣ်လဲၣ် ဒီးဘၣ်မနုၤအဃိ တလိၣ်လၢ လံာ်စီဆှံ ကပာ်ဖျါထီၣ်န့ၢ်ပှၤ တၢ်ဂ့ၢ်ခဲလၢာ်ဘၣ်လဲၣ်. ဒီးဒ်သိး စီၤယိၤသး လဲၤခီဖျိ တၢ်တတီတလိၤ ကန့ၢ်အဂီၢ် တၢ်ဂ့ၤတၢ်ဝါလၢ အမၤစၢၤအီၤန့ၣ် မ့ၢ်မနုၤလဲၣ်.—မံ ၇:၇; လူၤ ၁၄:၁၁; ယၤ ၁:၂, ၃.

ဆိကမိၣ်ထံ တၢ်လၢနမၤလိဘၣ်. သံကွၢ်လီၤနသးလၢ–

• ‘ခီဖျိလၢ ယကဲယ့ၣ်ၡူးအပျဲၢ်အဘီၣ်အဃိ ယကထံၣ်ဘၣ် တၢ်တတီတလိၤ မနုၤတဖၣ်လဲၣ်.’ (လူၤ ၂၁:၁၂, ၁၆, ၁၇; ဧ့ၤ ၁၀:၃၃, ၃၄.)

• ‘ယလဲၤခီဖျိ တၢ်တတီတလိၤ ကန့ၢ်အဂီၢ် ယအိၣ်ကတီၤပာ်သး ကသ့ဒ်လဲၣ်.’ (စံး ၆၂:၇, ၈; ၁၀၅:၁၇-၁၉; တၢး၁၉.၀၇ ၂-၇.)