ဖဲပလဲၤထီၣ်တၢ်အိၣ်ဖှိၣ်, ကဝီၤတၢ်အိၣ်ဖှိၣ် ဒီးတၢ်အိၣ်ဖှိၣ်ဖးဒိၣ်အခါ ပဘူၣ်ထီၣ်ဘါထီၣ် ယဟိဝၤယွၤ တပူၤဃီဒီးပှၤဂၤဒ်သိးသိး. တကးဒံးဘၣ် ဖဲပအိၣ်တဂၤမ့ၢ်ဂ့ၤ ပအိၣ်ဒီး ပဟံၣ်ဖိဃီဖိမ့ၢ်ဂ့ၤ ပဘူၣ်ထီၣ်ဘါထီၣ် ယဟိဝၤယွၤစ့ၢ်ကီး. ကွၢ်တၢ်ဟ့ၣ်ကူၣ် လၢလာ်တဖၣ်အံၤ ဒ်သိးကမၤစၢၤနၤလၢ နကမၤ နီၢ်ကစၢ် တၢ်မၤလိလံာ်စီဆှံ ဒီးဟံၣ်ဖိဃီဖိ တၢ်မၤလိလံာ်စီဆှံအဂီၢ်–

• ကတဲာ်ကတီၤပာ်စၢၤ တၢ်ဂ့ၢ်တၢ်ကျိၤလၢ တၢ်အိၣ်ဖှိၣ်အဂီၢ်.. နသးဝံၣ်လိထီၣ်သးလၢ တၢ်သးဝံၣ် ဒီးမၤစၢၤ နဟံၣ်ဖိဃီဖိလၢ ကကတီၤပာ်သးလၢ ကဟ့ၣ်တၢ်စံးဆၢသ့.

• ဖးတၢ်ဂ့ၢ်တခါလၢ လံာ်စီဆှံအပူၤ. ဝံၤဒီး ဆွဲတၢ်ဂီၤ လၢအဘၣ်ဃးဒီး တၢ်ဂ့ၢ်လၢနဖး မ့တမ့ၢ် ကွဲးလီၤ တၢ်ဂ့ၢ်တမံၤမံၤလၢ နမၤလိဘၣ်.

• ဖးဘၣ်ဃးဒီး တၢ်ထုကဖၣ်အဂ့ၢ် လၢအအိၣ်လၢ လံာ်စီဆှံအပူၤ ဒီးဆိကမိၣ်ထီၣ်လၢ တၢ်ထုကဖၣ်အဂ့ၢ်အံၤ မၤစၢၤနၤဒ်သိး နမၤဂ့ၤထီၣ် နတၢ်ဃ့ထုကဖၣ် ကသ့ဒ်လဲၣ်.

• ကွၢ်တၢ်ဂီၤမူတခါခါလၢ jw.org အပူၤ ဝံၤဒီးတဲသကိးအီၤဒီးပှၤဂၤ မ့တမ့ၢ် ကွဲးလီၤ တၢ်ဂ့ၢ်တမံၤမံၤလၢ နမၤလိဘၣ်.

• ကတဲာ်ကတီၤပာ်သးလၢ တၢ်စံၣ်တဲၤတဲလီၤတၢ်အဂီၢ် ဒီးကၠီးလိပာ်သး.

• ကွၢ်ဒီးဆိကမိၣ်ထံ တၢ်ဘၣ်တ့အဂ့ၢ် ဒီးတၢ်ဘၣ်တ့တခါအံၤ သိၣ်လိနၤ ယဟိဝၤယွၤ အဂ့ၢ်ဒ်လဲၣ်န့ၣ် တဲသကိးဒီးပှၤဂၤ. a