တၢးထီခိးတၢ်—လံာ်လၢတၢ်မၤလိအဂီၢ် လါစဲးပတ့ဘၢၣ် ၂၀၁၉
တၢ်ဂ့ၢ်လၢ လံာ်အံၤအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါအီးကထိဘၢၣ် ၂၈–လါဒံၣ်စ့ဘၢၣ် ၁, ၂၀၁၉.
ယဟိဝၤယွၤ ပာ်လုၢ်ပာ်ပှ့ၤအခ့အပှၤလၢ အအိၣ်ဒီးတၢ်ဆီၣ်လီၤသးတဖၣ်
တၢ်ဂ့ၤတၢ်ဝါလၢ အရ့ဒိၣ်ကတၢၢ်တမံၤလၢ ပကဘၣ်မၤဒိၣ်ထီၣ်အီၤန့ၣ်မ့ၢ်ဝဲ တၢ်ဆီၣ်လီၤသးန့ၣ်လီၤ. ကီလၢပကအိၣ်ဒီး တၢ်ဆီၣ်လီၤသး ဖဲလဲၣ်အခါလဲၣ်.
အၢ်မက့းဒိၣ်န့ၣ် မ့ၢ်တၢ်သးခုကစီၣ်
ဖဲအၢ်မက့းဒိၣ် ဘူးကဘၣ်အခါန့ၣ် တၢ်အရ့ဒိၣ်မနုၤတဖၣ် ကကဲထီၣ်အသးလဲၣ်. ဒ်တၢ်အကတၢၢ် ဘူးထီၣ်ဝဲအသိး ပဆဲးအိၣ်ဒီးတၢ်သးတီ ကသ့ဒ်လဲၣ်.
ဒိကနၣ် ယဟိဝၤယွၤအကလုၢ် လၢတၢ်သးခုအပူၤ
ဘၣ်ဃးဒီး တၢ်ဒိကနၣ်န့ၣ် မိၢ်ပၢ်တဖၣ် ဒီးတၢ်အိၣ်ဖှိၣ်သးပှၢ်တဖၣ် ဟံးန့ၢ်တၢ်မၤလိလၢ ပဒိၣ်နဃ့မယၤ, စီၤပၤဒၤဝံး ဒီးယ့ၣ်ၡူးအမိၢ်နီၢ်မၤရံအအိၣ် သ့ဝဲလီၤ.
“ဟဲဆူယအိၣ် . . . ဒီးယကဒုးအိၣ်ဘှံးသု”
ဒ်သိးပကတူၢ်လိာ် ယ့ၣ်ၡူးအတၢ်ကွဲမုာ်အဂီၢ် ပကဘၣ်မၤ တၢ်မနုၤလဲၣ်. ဖဲပယိးယ့ၣ်ၡူးအနီၣ်ယိးဘိအခါ ပမ့ၢ်မၤတၢ်သၢမံၤန့ၣ် ပကဆဲးအိၣ်ဒီး တၢ်ဂံၢ်တၢ်ဘါလီၤ.
“ကွၢ်ကွၢ်, ပှၤဂီၢ်မုၢ်ဖးဒိၣ်”
လၢစီၤယိၤဟၣ် အတၢ်ထံၣ်လၢညါခီအပူၤ ယဟိဝၤယွၤ ပာ်ဖျါထီၣ်ဝဲ “ပှၤဂီၢ်မုၢ်ဖးဒိၣ်” လၢအကပူၤဖျဲးလၢ တၢ်နးတၢ်ဖှီၣ်ဖးဒိၣ်န့ၣ် မ့ၢ်မတၤတဖၣ်လဲၣ်, အနီၣ်ဂံၢ်အါထဲလဲၣ် ဒီးအအိၣ်ဟဲလၢ ကလုာ်ဒူၣ် အကလုာ်ကလုာ် ဒီးကအိၣ်မူဘၣ်လၢ ဟီၣ်ခိၣ်ချၢလီၤထူလီၤယိာ်လီၤ.
