တၢးထီခိးတၢ်—လံာ်လၢတၢ်မၤလိအဂီၢ် လါမၢ်ၡး ၂၀၁၈
တၢ်ဂ့ၢ်လၢ လံာ်အံၤအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါအ့ဖြ့ၣ် ၃၀ တုၤ လါယူၤ ၃, ၂၀၁၈.
တၢ်ဒိးဘျၢထံ—မ့ၢ်တၢ်လၢခရံာ်ဖိတဖၣ် ကဘၣ်မၤဝဲ
ဘၣ်ဃးဒီးတၢ်ဒိးဘျၢထံန့ၣ် လံာ်စီဆှံတဲဝဲဒ်လဲၣ်. ပှၤတဂၤတချုးလၢ အဒိးဘျၢထံဒံးဘၣ်န့ၣ် ကဘၣ်မၤဝဲတၢ်မနုၤလဲၣ်. ဖဲခရံာ်ဖိတဖၣ် မၤလိအပှၤမၤလိလံာ်စီဆှံဖိအခါ ဘၣ်မနုၤအဃိ အတၢ်တိာ်ပာ်န့ၣ် ကဘၣ်မ့ၢ်ဒ်သိး ကမၤစၢၤဝဲသ့ၣ် လၢကဒိးဘျၢထံအဂီၢ်လဲၣ်
မိၢ်ပၢ်သ့ၣ်ဧၢ ဒ်သိးနဖိတဖၣ် ကတုၤထီၣ်ထီၣ်ဘးလၢ ကဒိးဘျၢထံအဂီၢ် မ့ၢ်နမၤစၢၤအဝဲသ့ၣ်ဧါ
တချုးလၢဖိတဖၣ် ဒိးဘျၢထံဒံးဘၣ်န့ၣ် ခရံာ်ဖိမိၢ်ပၢ်တဖၣ် အဲၣ်ဒိးမၤလီၤတံၢ်ဝဲ တၢ်ဂ့ၢ်မနုၤလဲၣ်.
တၢ်တူၢ်လိာ်တမှံၤန့ၣ်—မ့ၢ်တၢ်လၢအရ့ဒိၣ်
ဘၣ်မနုၤအဃိ လံာ်စီဆှံ ဟ့ၣ်သဆၣ်ထီၣ် ခရံာ်ဖိတဖၣ်လၢ ကတူၢ်လိာ်သး တဂၤဒီးတဂၤလဲၣ်. ဒ်သိးပကပာ်ဖျါထီၣ် တၢ်တူၢ်လိာ်တမှံၤအဂီၢ် ပအိၣ်ဒီးတၢ်ခွဲးတၢ်ယာ်မနုၤလဲၣ်. ဒ်သိးပသုတတူၢ်လိာ် တမှံၤတဂ့ၤအဂီၢ် တၢ်မနုၤမၤတံာ်တာ်ပှၤလဲၣ် ဒီးပမၤဂ့ၤထီၣ်အီၤ ကသ့ဒ်လဲၣ်.
တၢ်သိၣ်က့ၤသီက့ၤန့ၣ် ပာ်ဖျါထီၣ်ယွၤအတၢ်အဲၣ်တၢ်ကွံ
ပဟံးန့ၢ်တၢ်မၤလိလၢ ပှၤလၢကစၢ်ယွၤ သိၣ်က့ၤသီက့ၤအီၤ တဖၣ်အအိၣ် ကသ့ဒ်လဲၣ်. ဒီးဖဲပဘၣ် သိၣ်က့ၤသီက့ၤပှၤဂၤအခါ ပကွၢ်လိမၤဒိး ယဟိဝၤယွၤကသ့ဒ်လဲၣ်.
“ကနၣ်တၢ်သိၣ်လိတၢ်, ဒ်သိးနကူၣ်တၢ်ကသ့” အဂီၢ်တက့ၢ်
ဒ်သိးပကအိၣ်ဒီး တၢ်ပၢၤသးအဂီၢ် ယဟိဝၤယွၤသိၣ်လိပှၤ လၢကျဲဒ်လဲၣ်. ဒီးတၢ်သိၣ်က့ၤသီက့ၤ တမံၤဂ့ၤတမံၤဂ့ၤလၢ ပဒိးန့ၢ်ဘၣ်လၢ တၢ်အိၣ်ဖှိၣ်အပူၤန့ၣ် ကဲဘျုးလၢပဂီၢ်ဒ်လဲၣ်.