တၢ်မၤလိ ၅
ပထီၣ်တၢ်အိၣ်ဖှိၣ်န့ၣ် ပာ်ဖျါထီၣ်ဝဲလၢ ပမ့ၢ်ပှၤဒ်လဲၣ်
“ဒုးနဲၣ်ဖျါထီၣ်ကစၢ်အဒိးသံအသး, တုၤအဟဲန့ၣ်လီၤ.”—၁ ကရံၣ်သူး ၁၁:၂၆.
တၢ်သးဝံၣ် ၁၈ တၢ်စံးဘျုးစံးဖှိၣ်လၢ တၢ်ပှ့ၤက့ၤအဂီၢ်
တၢ်မၤလိအံၤ အတၢ်တိာ်ပာ် *
၁-၂. (က) ဖဲပှၤလၢ အကကွဲၢ်တဖၣ် ဟဲပာ်ဖှိၣ်ထီၣ်သး လၢကစၢ်အတၢ်အီၣ် လၢဟါအီၣ် အခါယဟိဝၤယွၤ ပာ်သူၣ်ပာ်သးဝဲ တၢ်မနုၤလဲၣ်. (ကွၢ်တၢ်ဂီၤ လၢလံာ်ကုခိၣ်တက့ၢ်.) (ခ) လၢတၢ်မၤလိ တခါအံၤန့ၣ် ပကတဲသကိး တၢ်ဂ့ၢ်မနုၤလဲၣ်.
ထံၣ်တမှံကွၢ်လၢ ဖဲပှၤလၢအကကွဲၢ် လၢဟီၣ်ခိၣ်ဒီဘ့ၣ် ပာ်ဖှိၣ်ထီၣ်သး လၢကစၢ်အတၢ်အီၣ် လၢဟါအီၣ်အခါ ယဟိဝၤယွၤထံၣ်ဝဲတၢ်မနုၤလဲၣ်. အဝဲတကွၢ်ထဲ ပှၤနီၣ်ဂံၢ်ဘၣ်, အဝဲပာ်သူၣ်ပာ်သး ပှၤလၢအဟဲ တဂၤစုာ်စုာ်လီၤ. အဒိ အဝဲထံၣ်ပှၤလၢအိၣ်ဒီး တၢ်သးတီလၢအဟဲထီၣ် မူးပွဲအံၤကိးနံၣ်ဒဲးလီၤ. လၢအဝဲသ့ၣ်အကျါန့ၣ် ပၣ်ဃုာ်ဒီးပှၤလၢ အထံၣ်ဘၣ်ဒီး တၢ်မၤအၢမၤနးဒိၣ်မးတဖၣ်လီၤ. ပှၤတနီၤ တဟဲထီၣ်တၢ်အိၣ်ဖှိၣ် ကိးဘျီဒဲးဘၣ် ဘၣ်ဆၣ် အဝဲသ့ၣ်ထံၣ်ဝဲ တၢ်မၤတၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးန့ၣ် မ့ၢ်တၢ်လၢအရ့ဒိၣ်ဒိၣ်မးလီၤ. ယဟိဝၤယွၤ ပာ်သူၣ်ပာ်သးဝဲ ပှၤလၢအသးအိၣ် ဃုသ့ၣ်ညါတၢ် လၢအဟဲထီၣ် တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူး အဆိကတၢၢ်တဖၣ် စ့ၢ်ကီးလီၤ.
၂ ဖဲယဟိဝၤယွၤထံၣ် ပှၤအါဂၤ ဟဲထီၣ်ဝဲ တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးအခါ အဝဲကသးခုဝဲ သပှၢ်ကတၢၢ်လီၤ. (လူၤကၣ် ၂၂:၁၉) ဘၣ်ဆၣ် ပှၤဟဲထီၣ်တၢ်သ့ၣ်နီၣ်အမူး အနီၣ်ဂံၢ်န့ၣ် တမ့ၢ်တၢ်အရ့ဒိၣ်ကတၢၢ် လၢယဟိဝၤယွၤအဂီၢ်ဘၣ်. အဝဲသးစၢၢ်ဆၢဝဲ တၢ်ဂ့ၢ် လၢအဝဲသ့ၣ်ဟဲဝဲ ဒီးအတၢ်ပာ်သးလၢ ယဟိဝၤယွၤဖီခိၣ် အိၣ်ဒ်လဲၣ်န့ၣ်လီၤ. လၢတၢ်မၤလိ တခါအံၤအပူၤ ပကတဲသကိး တၢ်သံကွၢ်လၢ အရ့ဒိၣ်ဒိၣ်မး တဖျၢၣ်လီၤ. ဘၣ်မနုၤအဃိ ပထီၣ်တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူး တနံၣ်တဘျီ တကးဒံးဘၣ် ပထီၣ်စ့ၢ်ကီး တၢ်အိၣ်ဖှိၣ်ကိးနွံဒဲး လၢယဟိဝၤယွၤ ကတဲာ်ကတီၤန့ၢ်ဝဲလၢ ပှၤလၢအအဲၣ်အီၤတဖၣ် အဂီၢ်လဲၣ်.
ပှၤအကကွဲၢ်လၢ ဟီၣ်ခိၣ်ဒီဘ့ၣ် ဘၣ်တၢ်တူၢ်လိာ်မုာ်အီၤလၢ ကစၢ်အတၢ်အီၣ်လၢဟါအီၣ် (ကွၢ်လံာ်အဆၢ ၁-၂)
တၢ်ဆီၣ်လီၤသး ထိၣ်ဟူးထိၣ်ဂဲၤထီၣ်ပှၤ လၢပကလဲၤထီၣ် တၢ်အိၣ်ဖှိၣ်ရိဖှိၣ်
၃-၄. (က) ဘၣ်မနုၤဃိ ပထီၣ်တၢ်အိၣ်ဖှိၣ်လဲၣ်. (ခ) ပလဲၤထီၣ်တၢ်အိၣ်ဖှိၣ်န့ၣ် ပာ်ဖျါထီၣ်ဝဲလၢ ပမ့ၢ်ပှၤဒ်လဲၣ်. (ဂ) ဒ် ၁ ကရံၣ်သူး ၁၁:၂၃-၂၆ ပာ်ဖျါထီၣ်ဝဲအသိး ဘၣ်မနုၤအဃိ ပကြၢးလဲၤထီၣ် တၢ်သ့ၣ်နီၣ်ထီၣ်က့ၤအမူးန့ၣ်လဲၣ်.
၃ ပကဘၣ်ထီၣ်တၢ်အိၣ်ဖှိၣ်န့ၣ် မ့ၢ်တၢ်လၢ အရ့ဒိၣ်ဒိၣ်မး မ့ၢ်လၢအမ့ၢ် ပတၢ်ဘူၣ်ထီၣ်ဘါထီၣ်တခါအဃိလီၤ. ဒီးမ့ၢ်လၢ ဖဲတၢ်အိၣ်ဖှိၣ်န့ၣ် ပဒိးန့ၢ်ဘၣ် တၢ်သိၣ်လိ လၢယဟိဝၤယွၤ အိၣ်၃ ယိၤဟၣ် ၉) ဘၣ်ဆၣ် ပဝဲဒၣ်န့ၣ် ပသးဆူၣ်လၢ ပကမၤလိန့ၢ်တၢ် လၢယဟိဝၤယွၤ ဒီးအတၢ်ကရၢကရိ အအိၣ်လီၤ.—ယၡါယၤ ၄၈:၁၇, ၁၈; ယိၤဟၣ် ၆:၄၅.
အဃိလီၤ. ပှၤလၢအိၣ်ဒီး တၢ်ပာ်ထီၣ်ထီသးန့ၣ် တတူၢ်လိာ်ဝဲလၢ အလိၣ်ဘၣ် တၢ်သိၣ်လိဘၣ်. (၄ ပတၢ်ထီၣ် တၢ်အိၣ်ဖှိၣ်န့ၣ် ပာ်ဖျါထီၣ်ဝဲလၢ ပမ့ၢ်ပှၤလၢ အအိၣ်ဒီး တၢ်ဆီၣ်လီၤသး ဒီးသးအိၣ်ဟံးန့ၢ် တၢ်သိၣ်လိလီၤ. ယ့ၣ်ၡူးမၤလိာ်ဝဲလၢ “မၤတၢ်အံၤလၢတၢ်သ့ၣ်နီၣ်ထီၣ် က့ၤယၤအဂီၢ်န့ၣ်တက့ၢ်.” (ဖး ၁ ကရံၣ်သူး ၁၁:၂၃-၂၆ တက့ၢ်.) ပလဲၤထီၣ် တၢ်မၤတၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးန့ၣ် တမ့ၢ်ထဲ ပတူၢ်ဘၣ်လၢ ပအိၣ်ဒီးမူဒါ လၢပကဘၣ် မၤဒ်အံၤဘၣ်. မ့ၢ်ဝဲပဒိကနၣ် ယ့ၣ်ၡူးအတၢ်မၤလိာ် လၢတၢ်ဆီၣ်လီၤသး အပူၤစ့ၢ်ကီးလီၤ. တၢ်အိၣ်ဖှိၣ်ဝဲအံၤ မၤဂၢၢ်ကျၢၤထီၣ် ပတၢ်မုၢ်လၢ် လၢခါဆူညါ ဒီးဒုးသ့ၣ်နီၣ်ထီၣ်ပှၤလၢ ယဟိဝၤယွၤ အဲၣ်ပှၤဒိၣ်မးန့ၣ်လီၤ. ဘၣ်ဆၣ် ယဟိဝၤယွၤ သ့ၣ်ညါဝဲလၢ ပလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါ အါန့ၢ်တနံၣ်တဘျီဒံးလီၤ. အဃိ အဝဲကတဲာ်ကတီၤန့ၢ်ပှၤ တၢ်အိၣ်ဖှိၣ်ကိးနွံဒဲး ဒီးဟ့ၣ်သဆၣ်ထီၣ်ပခံလၢ ပကလဲၤထီၣ် တၢ်အိၣ်ဖှိၣ်လီၤ. တၢ်ဆီၣ်လီၤသး ကထိၣ်ဟူးထိၣ်ဂဲၤထီၣ်ပှၤ လၢပကဒိကနၣ် အကလုၢ်လီၤ. အဃိ လၢပကကတဲာ်ကတီၤသး လၢတၢ်အိၣ်ဖှိၣ် အဂီၢ်မ့ၢ်ဂ့ၤ ဒီးပကလဲၤထီၣ် တၢ်အိၣ်ဖှိၣ်အဂီၢ်မ့ၢ်ဂ့ၤ ပသူပတၢ်ဆၢကတီၢ်အါမးလီၤ.
၅. ပှၤလၢအဆီၣ်လီၤသးတဖၣ်န့ၣ် ဘၣ်မနုၤအဃိ တူၢ်လိာ်ဝဲ ယဟိဝၤယွၤ အတၢ်ကွဲမုာ်န့ၣ်လဲၣ်.
၅ ကိးနံၣ်ဒဲးန့ၣ် ပှၤလၢအအိၣ်ဒီး တၢ်ဆီၣ်လီၤသးအါဂၤ တူၢ်လိာ်ဝဲ တၢ်ကွဲမုာ် ဒ်သိးယဟိဝၤယွၤ ကသိၣ်လိအီၤလီၤ. (ယၡါယၤ ၅၀:၄) အဝဲသ့ၣ်ဟဲထီၣ် တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးအဃိ လၢခံအဝဲသ့ၣ် စးထီၣ်ဟဲထီၣ် တၢ်အိၣ်ဖှိၣ်အဂၤ စ့ၢ်ကီးလီၤ. (စကၤရယၤ ၈:၂၀-၂၃) ပဝဲသ့ၣ်တဖၣ် ပသးခုလၢ ပဒိးန့ၢ်ဘၣ် တၢ်သိၣ်လိနဲၣ်လိ ဒီးတၢ်ဟံးစုနဲၣ်ကျဲ လၢယဟိဝၤယွၤအအိၣ်, မ့ၢ်လၢအဝဲမ့ၢ်ပ “တၢ်မၤစၢၤ, ဒီးတၢ်မၤပူၤမၤဖျဲးတၢ်လီၤ.” (စံးထီၣ်ပတြၢၤ ၄၀:၁၇) ပတူၢ်လိာ် တၢ်သိၣ်လိလၢ အဟဲလၢယဟိဝၤယွၤ ဒီးအဖိခွါယ့ၣ်ၡူး လၢအအဲၣ်ဝဲဒိၣ်မးတဂၤ အအိၣ်အဃိ တၢ်လၢအလီၤသးခု ဒီးအရ့ဒိၣ်န့ၢ်အံၤန့ၣ် တအိၣ်ဘၣ်.—မးသဲ ၁၇:၅; ၁၈:၂၀; ၂၈:၂၀.
၆. တၢ်ဆီၣ်လီၤသး မၤစၢၤပှၤပိာ်ခွါတဂၤ ဒ်သိးကလဲၤထီၣ်ဝဲ တၢ်သ့ၣ်နီၣ်ထီၣ်က့ၤအမူးဒ်လဲၣ်.
၆ ကိးနံၣ်ဒဲး တသ့ဖဲအသ့ ပဂုာ်ကျဲးစၢး ကွဲမုာ်ပှၤဂၤ လၢကဟဲထီၣ် တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးလီၤ. ပှၤလၢအအိၣ်ဒီး တၢ်ဆီၣ်လီၤသးအါဂၤ လၢအတူၢ်လိာ် ပတၢ်ကွဲမုာ်န့ၣ် ဒိးန့ၢ်ဘၣ်အဘျုးလီၤ. ဆိကမိၣ်ကွၢ် တၢ်အဒိ တခါတက့ၢ်. ပူၤကွံာ်စှၤနံၣ်န့ၣ် ပှၤပိာ်ခွါတဂၤ န့ၢ်ဘၣ်လံာ်ကွဲမုာ် လၢကဟဲထီၣ် တၢ်သ့ၣ်နီၣ်ထီၣ်က့ၤအမူး, ဘၣ်ဆၣ် အဝဲတဲဒီပုၢ်ဝဲၢ်ခွါ လၢအဟ့ၣ်အီၤ လံာ်ကွဲမုာ်တဂၤန့ၣ်လၢ အဟဲတသ့ဘၣ်. သနာ်က့ ဖဲတၢ်မၤ တၢ်သ့ၣ်နီၣ်ထီၣ်က့ၤအမူး အနၤန့ၣ် ဒီပုၢ်ဝဲၢ်ခွါ လၢအကွဲမုာ်အီၤတဂၤန့ၣ် ထံၣ်လၢပှၤတဂၤန့ၣ် ဟဲနုာ်လီၤ လၢဘီမုၢ်ဘျီၣ်ဒိၣ်ပူၤအဃိ အဝဲကမၢကမၣ် ဒိၣ်မးလီၤ. ခီဖျိလၢ ပှၤတူၢ်လိာ်မုာ်အီၤ ဂ့ၤဂ့ၤအဃိ ပိာ်ခွါတဂၤအံၤ ကမၢကမၣ်ဒိၣ်မး ဒီးလၢခံအဝဲဟဲထီၣ် တၢ်အိၣ်ဖှိၣ်ထီဘိလီၤ. ဒီတနံၣ်ကျၢၤန့ၣ် အဝဲတဟဲထီၣ်ဘၣ် တၢ်အိၣ်ဖှိၣ် အိၣ်ဒၣ်ထဲ သၢဘျီလီၤ. တၢ်မနုၤမၤစၢၤအီၤ လၢအကထီၣ် တၢ်အိၣ်ဖှိၣ် ထီဘိလဲၣ်. အဝဲအိၣ်ဒီး တၢ်ဆီၣ်လီၤသး တုၤဒၣ်လဲာ် အဆီတလဲ အတၢ်ဆိကမိၣ်လီၤ. လၢခံဒီပုၢ်ဝဲၢ်ခွါ လၢအကွဲမုာ်အီၤတဂၤ တဲဝဲလၢ “အဝဲမ့ၢ်ပှၤလၢ အိၣ်ဒီးတၢ်ဆီၣ်လီၤသး တဂၤလီၤ.” ပနာ်သ့ သပှၢ်ကတၢၢ်လၢ ယဟိဝၤယွၤ ထုးဃီၤပိာ်ခွါတဂၤအံၤ ဒ်သိးကဘူၣ်ထီၣ်ဘါထီၣ်အီၤလီၤ. ဒီးခဲအံၤ အဝဲမ့ၢ် ဒီပုၢ်ဝဲၢ်ခွါ လၢအဒိးဘျၢထံဝံၤတဂၤလီၤ.—၁ ပ့းတရူး ၅:၅; ယိၤဟၣ် ၆:၄၄.
၇. တၢ်လၢပမၤလိဘၣ် လၢတၢ်အိၣ်ဖှိၣ်တဖၣ်ဒီး တၢ်လၢပဖးဘၣ်အီၤ လၢလံာ်စီဆှံပူၤန့ၣ် မၤစၢၤပှၤဒ်သိး ပကအိၣ်ဒီး တၢ်ဆီၣ်လီၤသးအဂီၢ်ဒ်လဲၣ်.
၇ တၢ်လၢပမၤလိဘၣ် လၢတၢ်အိၣ်ဖှိၣ်တဖၣ်ဒီး တၢ်လၢပဖးဘၣ်အီၤ လၢလံာ်စီဆှံပူၤန့ၣ် မၤစၢၤပှၤဒ်သိး ပကအိၣ်ဒီး တၢ်ဆီၣ်လီၤသးအဂီၢ်လီၤ. တချုးလၢ တၢ်သ့ၣ်နီၣ်ထီၣ်က့ၤအမူး ဘၣ်ဒံးဘၣ်အနွံတဖၣ်န့ၣ် လၢပတၢ်အိၣ်ဖှိၣ်အပူၤ တၢ်လၢပမၤလိဘၣ်အီၤ အါတက့ၢ်န့ၣ် မ့ၢ်ဝဲယ့ၣ်ၡူးအဒိအတဲာ် ဒီးအဝဲပာ်ဖျါထီၣ် တၢ်ဆီၣ်လီၤသး ခီဖျိဟ့ၣ်လီၤအသးသမူ ဒ်တၢ်ပှ့ၤက့ၤအသိးလီၤ. ဒီးတချုးလၢ တၢ်သ့ၣ်နီၣ်အမူး ဘၣ်ဒံးဘၣ်အနံၤတဖၣ်န့ၣ် ပှၤဟ့ၣ်သဆၣ်ထီၣ်ပှၤလၢ ပကဖးလံာ်စီဆှံအဆၢတဖၣ်လၢ ဘၣ်ဃးဒီး တချုးလၢယ့ၣ်ၡူးသံဘၣ် ဒီးအတၢ်ဂဲၤဆၢထၢၣ်သမူထီၣ်က့ၤ အဂ့ၢ်န့ၣ်လီၤ. တၢ်လၢပမၤလိဘၣ် လၢတၢ်အိၣ်ဖှိၣ် ဒီးတၢ်လၢပဖးဘၣ် လၢလံာ်စီဆှံပူၤတဖၣ်န့ၣ် မၤဒိၣ်ထီၣ် ပတၢ်စံးဘျုးစံးဖှိၣ် ယ့ၣ်ၡူးအတၢ်ဟ့ၣ်လုၢ်ထီၣ်အသး လၢပဂီၢ်လီၤ. ဒီးထိၣ်ဟူးထိၣ်ဂဲၤထီၣ်ပှၤလၢ မ့ၢ်ကီလၢပဂီၢ်ဒၣ်လဲာ် ပကကွၢ်လိမၤဒိး ယ့ၣ်ၡူးအတၢ်ဆီၣ်လီၤသး ဒီးပကမၤယဟိဝၤယွၤ အတၢ်ဘၣ်သးလီၤ.—လူၤကၣ် ၂၂:၄၁, ၄၂.
တၢ်သူၣ်ဒူသးဒူ မၤစၢၤပှၤဒ်သိး ပကလဲၤထီၣ်တၢ်အိၣ်ဖှိၣ်ရိဖှိၣ်
၈. ယ့ၣ်ၡူးပာ်ဖျါထီၣ် တၢ်သူၣ်ဒူသးဒူဒ်လဲၣ်.
၈ ပအဲၣ်ဒိးကွၢ်လိမၤဒိး ယ့ၣ်ၡူးအတၢ်သူၣ်ဒူသးဒူစ့ၢ်ကီးလီၤ. ဆိကမိၣ်ကွၢ် အဝဲပာ်ဖျါထီၣ် တၢ်သူၣ်ဒူသးဒူ တချုးဖဲအသံအနံၤတဖၣ်မးသဲ ၂၀:၁၇-၁၉) ဘၣ်ဆၣ် အဝဲသးအိၣ်တူၢ်သံ အသးဒံးလီၤ. ဖဲတၢ်ဆၢကတီၢ် ဟဲတုၤဝဲလၢ ပှၤကမၤအီၤဒ်န့ၣ်အခါ အဝဲတဲဘၣ် အတၢ်မၢဖိလၢအသးတီတဖၣ် လၢအအိၣ်ဒီးအီၤ လၢက့ၤသစ့းမနၤဒ်အံၤလီၤ. “ဂဲၤဆၢထၢၣ်ဒီး လဲၤသကိးတက့ၢ်. ကွၢ်ကွၢ်, ပှၤဟ့ၣ်လီၤကွံာ်ယၤတဂၤန့ၣ် ဘူးထီၣ်လံ.” (မးသဲ ၂၆:၃၆, ၄၆) ဒီးဖဲပှၤဂီၢ်မုၢ်လၢအအိၣ်ဒီး စုကဝဲၤတဖၣ် ဟဲလၢကဖီၣ်အီၤအခါ အဝဲလဲၤသုးထီၣ်အသး လၢတၢ်မဲာ်ညါ, ပာ်ဖျါထီၣ်အသး ဒီးတဲဘၣ်ဝဲသုးဖိတဖၣ် လၢကပျဲလဲၤ အတၢ်မၢဖိတဖၣ်လီၤ. (ယိၤဟၣ် ၁၈:၃-၈) အဃိပထံၣ်ဘၣ်လၢ ယ့ၣ်ၡူးပာ်ဖျါထီၣ်ဝဲလၢ အအိၣ်ဒီးတၢ်သးဒူ ဒိၣ်မးလီၤ. မုၢ်မဆါတနံၤအံၤ ခရံာ်ဖိလၢဘၣ်တၢ်ဒိးဖှူအီၤ ဒီးသိလၢအဂုၤအဂၤတဖၣ်န့ၣ် ဂုာ်ကျဲးစၢးကွၢ်လိမၤဒိး ယ့ၣ်ၡူးခီဖျိ ပာ်ဖျါထီၣ်တၢ်သးဒူလီၤ. အဝဲသ့ၣ် ပာ်ဖျါထီၣ်ဝဲ ဒ်လဲၣ်.
န့ၣ်တက့ၢ်. အဝဲသ့ၣ်ညါဝဲလၢ တယံာ်ဘၣ်န့ၣ် အဒုၣ်အဒါတဖၣ် ကမၤမဲာ်ဆှးအီၤ, ကဒိအီၤတီၢ်အီၤ ဒီးမၤသံအီၤလီၤ. (နပာ်ဖျါထီၣ်တၢ်သးဒူ ခီဖျိနထီၣ် ခရံာ်ဖိတၢ်အိၣ်ဖှိၣ်ရိဖှိၣ်အဃိ ဟ့ၣ်ဆူၣ်ထီၣ်ပှၤဂၤအဂံၢ်အဘါ (ကွၢ်လံာ်အဆၢ ၉) *
၉. (က) ဒ်သိးပကထီၣ်တၢ်အိၣ်ဖှိၣ်အဂီၢ် ဘၣ်မနုၤအဃိ ပလိၣ်ဘၣ် တၢ်သူၣ်ဒူသးဒူလဲၣ်. (ခ) ပဒိပတဲာ်န့ၣ် ကဲဘျုးလၢ ပဒီပုၢ်ဝဲၢ်လၢ အလီၤဘၣ်လၢ ဃိာ်ပူၤတဖၣ်အဂီၢ် ဒ်လဲၣ်.
၉ ဘၣ်သ့ၣ်သ့ၣ် ပကအိၣ်ဒီး တၢ်ကီတၢ်ခဲတဖၣ်အဃိ ပကလဲၤထီၣ်တၢ်အိၣ်ဖှိၣ်ရိဖှိၣ်အဂီၢ် ပကဘၣ်ပာ်ဖျါထီၣ် တၢ်သးဒူလီၤ. ပဒီပုၢ်ဝဲၢ်မုၣ် ဒီပုၢ်ဝဲၢ်ခွါတနီၤ အိၣ်ဒီးတၢ်သူၣ်ကိၢ်သးဂီၤ, တၢ်သူၣ်ဟးဂီၤသးဟးဂီၤ မ့တမ့ၢ် အတၢ်အိၣ်ဆူၣ်အိၣ်ချ့တဂ့ၤဘၣ် ဘၣ်ဆၣ်အဝဲသ့ၣ် ဟဲထီၣ်တၢ်အိၣ်ဖှိၣ်လီၤ. အဂၤတနီၤန့ၣ် အဝဲသ့ၣ်ထံၣ်ဘၣ် အဟံၣ်ဖိဃီဖိ မ့တမ့ၢ် ပဒိၣ်ပပှၢ်တဖၣ် အတၢ်ထီဒုၣ်ထီဒါ ဆူၣ်ဆူၣ်ကိၤကိၤ ဘၣ်ဆၣ်အဝဲသ့ၣ် ဟဲထီၣ်တၢ်အိၣ်ဖှိၣ် လၢတၢ်သးဒူအပူၤလီၤ. ဆိကမိၣ်ကွၢ် ပဒီပုၢ်ဝဲၢ်တဖၣ်အဒိအတဲာ်အံၤ ကဲဘျုးလၢ ပဒီပုၢ်ဝဲၢ်လၢ အလီၤဘၣ်လၢဃိာ်ပူၤတဖၣ်အဂီၢ် ဒ်လဲၣ်န့ၣ်တက့ၢ်. (ဧ့ၤဘြံၤ ၁၃:၃) ဖဲပဒီပုၢ်ဝဲၢ်လၢ အလီၤဘၣ်လၢဃိာ်ပူၤတဖၣ် နၢ်ဟူဝဲလၢ ပထံၣ်ဘၣ်တၢ်မၤကွၢ်သနာ်က့ ပဆဲးမၤယဟိဝၤယွၤ အတၢ်မၤအဃိ အဝဲသ့ၣ်ဒိးန့ၢ်ဘၣ် တၢ်ဂံၢ်တၢ်ဘါ လၢကပၢၤဃာ်အတၢ်နာ်, တၢ်သးဒူ ဒီးတၢ်သးတီအဂီၢ်လီၤ. တၢ်မၢဖိပီလူး လဲၤခီဖျိဘၣ်ဝဲဒ်အံၤလီၤ. ဖဲအဝဲအိၣ်ဝဲလၢ ရိမ့ၤအဃိာ်ပူၤအခါ အဝဲနၢ်ဟူဘၣ်ဝဲလၢ ဒီပုၢ်ဝဲၢ်လၢအဂၤတဖၣ် မၤကစၢ်ယွၤအတၢ်မၤလၢ တၢ်သးတီအပူၤအဃိ အဝဲဒိးန့ၢ်ဘၣ် တၢ်သးခုဒိၣ်မးလီၤ. (ဖံလံးပံၤ ၁:၃-၅, ၁၂-၁၄) ဖဲအဝဲဘူးက ဟးထီၣ်လၢဃိာ်ပူၤ မ့တမ့ၢ် အဟးထီၣ်လၢ ဃိာ်ပူၤတယံာ်ဘၣ်န့ၣ် အဝဲကွဲးဝဲ လံာ်ဧ့ၤဘြံၤလီၤ. ဖဲလံာ်အံၤအပူၤန့ၣ် အဝဲဟ့ၣ်ဂံၢ်ဟ့ၣ်ဘါဝဲ ခရံာ်ဖိလၢ အအိၣ်ဒီးတၢ်သးတီတဖၣ်အံၤလၢ ကဆဲးပာ်ဖျါထီၣ် “တၢ်အဲၣ်တၢ်ကွံ” ဒီးအသုတဟးဆှဲး တၢ်အိၣ်ဖှိၣ်ရိဖှိၣ်တဂ့ၤအဂီၢ်လီၤ.—ဧ့ၤဘြံၤ ၁၀:၂၄, ၂၅; ၁၃:၁.
၁၀-၁၁. (က) ပကြၢးကွဲမုာ် မတၤတဖၣ်လၢ ကဟဲထီၣ် တၢ်သ့ၣ်နီၣ်ထီၣ်က့ၤအမူးန့ၣ်လဲၣ်. (ခ) ပကြၢးမၤဒ်န့ၣ်န့ၣ် အ့းဖ့းစူး ၁:၇ ပာ်ဖျါထီၣ်ဝဲဒ်လဲၣ်.
၁၀ ပပာ်ဖျါထီၣ်တၢ်သးဒူဖဲ ပကွဲမုာ်ပဘူးပတံၢ်, ပှၤလၢအမၤသကိးတၢ်ဒီးပှၤ ဒီးပှၤလၢပဟံၣ်ခိၣ်ဟံၣ်ဃၢၤတဖၣ် လၢကဟဲထီၣ် တၢ်သ့ၣ်နီၣ်ထီၣ်က့ၤအမူးအခါလီၤ. ဘၣ်မနုၤအဃိ ပကွဲမုာ်အဝဲသ့ၣ်လဲၣ်. ပစံးဘျုးဘၣ် ယဟိဝၤယွၤဒီးယ့ၣ်ၡူး ခီဖျိတၢ်လၢအမၤန့ၢ်ပှၤတဖၣ်အဃိ ပအဲၣ်ဒိးကွဲမုာ်ပှၤဂၤ လၢကဟဲထီၣ် တၢ်သ့ၣ်နီၣ်ထီၣ်က့ၤအမူးအံၤ ဒိၣ်မးလီၤ. ပအဲၣ်ဒိးလၢ အဝဲသ့ၣ်စ့ၢ်ကီး ကဒိးန့ၢ်ဘၣ်အဘျုးလၢ တၢ်ပှ့ၤက့ၤလၢအမ့ၢ် ယဟိဝၤယွၤ “အဘျုးထူးအဖှိၣ်တီၤ” မ့တမ့ၢ် “အတၢ်သးကညီၤ ဒိၣ်ဒိၣ်မုၢ်မုၢ်” န့ၣ်လီၤ.—ဖး အ့းဖ့းစူး ၁:၇ တက့ၢ်; လီၣ်ဖျါ ၂၂:၁၇.
၁၁ ဖဲပအိၣ်ဒီးတၢ်သူၣ်ဒူသးဒူ ဒီးထီၣ်တၢ်အိၣ်ဖှိၣ်အခါ မ့ၢ်ဒၣ်ပပာ်ဖျါထီၣ်လၢ ပအိၣ်ဒီးတၢ်ဂ့ၢ်တၢ်ဝါအလုၢ်ဒိၣ်ပှ့ၤဒိၣ် အဂၤတခါလၢ ယဟိဝၤယွၤဒီးယ့ၣ်ၡူး ပာ်ဖျါထီၣ်ဝဲန့ၣ်လီၤ.
တၢ်အဲၣ် ထိၣ်ဟူးထိၣ်ဂဲၤထီၣ်ပှၤလၢ ပကလဲၤထီၣ် တၢ်အိၣ်ဖှိၣ်ရိဖှိၣ်
၁၂. (က) တၢ်အိၣ်ဖှိၣ်ရိဖှိၣ် မၤဂၢၢ်ကျၢၤထီၣ် ပတၢ်အဲၣ်ယဟိဝၤယွၤ ဒီးယ့ၣ်ၡူးဒ်လဲၣ်. (ခ) ၂ ကရံၣ်သူး ၅:၁၄, ၁၅ ဟ့ၣ်ဂံၢ်ဟ့ၣ်ဘါပှၤလၢ ပကကွၢ်လိမၤဒိးယ့ၣ်ၡူး ဒ်လဲၣ်.
၁၂ ပတၢ်အဲၣ် ယဟိဝၤယွၤ ဒီးယ့ၣ်ၡူးန့ၣ် ထိၣ်ဟူးထိၣ်ဂဲၤထီၣ် ပှၤလၢ ပကလဲၤထီၣ် တၢ်အိၣ်ဖှိၣ်တဖၣ်လီၤ. တၢ်လၢပမၤလိဘၣ်ရိမ့ၤ ၅:၈) တၢ်သ့ၣ်နီၣ်ထီၣ်က့ၤအမူးန့ၣ် ဒုးသ့ၣ်နီၣ်ထီၣ်ပှၤလၢ ယဟိဝၤယွၤဒီးယ့ၣ်ၡူး အဲၣ်ပှၤဒိၣ်မး ဒီးပှၤလၢအတနၢ်ပၢၢ်ဝဲလၢ တၢ်ပှ့ၤက့ၤမ့ၢ် တၢ်အရ့ဒိၣ်ဒၣ်လဲာ် ယဟိဝၤယွၤဒီးယ့ၣ်ၡူးအဲၣ် အဝဲသ့ၣ်ဒိၣ်မးလီၤ. ပပာ်ဖျါထီၣ် တၢ်စံးဘျုးစံးဖှိၣ် ခီဖျိပကျဲးစၢး ကွၢ်လိမၤဒိးယ့ၣ်ၡူး လၢပတၢ်အိၣ်မူပူၤ ကိးနံၤဒဲးလီၤ. (ဖး ၂ ကရံၣ်သူး ၅:၁၄, ၁၅ တက့ၢ်.) တကးဒံးဘၣ် ခီဖျိလၢ ယဟိဝၤယွၤ ကတဲာ်ကတီၤန့ၢ်ပှၤ တၢ်ပှ့ၤက့ၤအဃိ ပအဲၣ်ဒိး စံးထီၣ်ပတြၢၤအီၤလီၤ. ကျဲတဘိလၢ ပစံးထီၣ်ပတြၢၤ ယဟိဝၤယွၤသ့န့ၣ် မ့ၢ်ဝဲပဟ့ၣ်တၢ်စံးဆၢ လၢတၢ်အိၣ်ဖှိၣ်အပူၤ လၢတၢ်သူၣ်အိၣ်သးအိၣ်လီၤ.
အီၤလၢ တၢ်အိၣ်ဖှိၣ်အပူၤတဖၣ်န့ၣ် မၤဒိၣ်ထီၣ် ပတၢ်အဲၣ် ယဟိဝၤယွၤ ဒီးယ့ၣ်ၡူးလီၤ. တၢ်အိၣ်ဖှိၣ်ရိဖှိၣ်န့ၣ် ဒုးသ့ၣ်နီၣ်ထီၣ်က့ၤပှၤ တၢ်လၢအဝဲသ့ၣ် မၤန့ၢ်ပှၤတဖၣ်လီၤ. (၁၃. ပအဲၣ်ယဟိဝၤယွၤ ဒီးယ့ၣ်ၡူးထဲလဲၣ်န့ၣ် ပပာ်ဖျါထီၣ်အီၤ ကသ့ဒ်လဲၣ်, တဲဖျါထီၣ်တက့ၢ်.
၁၃ ပအဲၣ်ယဟိဝၤယွၤ ဒီးယ့ၣ်ၡူးဒိၣ်မးန့ၣ် ပပာ်ဖျါထီၣ်အီၤသ့ ခီဖျိပသးအိၣ် တူၢ်ဆါပသးလၢ အဝဲသ့ၣ်ဂီၢ်လီၤ. ဒ်သိး ပကလဲၤထီၣ် တၢ်အိၣ်ဖှိၣ်ရိဖှိၣ်အဂီၢ် ပကဘၣ်တူၢ်ဆါပသးလၢ ကျဲအါဘိလီၤ. မ့ၢ်လၢ လၢတၢ်အိၣ်ဖှိၣ်အါဖျၢၣ်န့ၣ် ပှၤမၤတၢ်အိၣ်ဖှိၣ်ရိဖှိၣ်လၢ ဟါခီတၢ်မၤဝံၤအခါ အဃိဖဲန့ၣ်အဆၢကတီၢ် ဘၣ်သ့ၣ်သ့ၣ် ပကလီၤဘှံးလီၤ. ဒီးတၢ်အိၣ်ဖှိၣ်ရိဖှိၣ်လၢ အဂၤတခါန့ၣ် ပှၤမၤအီၤလၢ မုၢ်ဃုနံၤ မ့တမ့ၢ် မုၢ်အိၣ်ဘှံးနံၤ ဖဲပှၤအါဂၤအိၣ်ဘှံးဝဲ အဆၢကတီၢ်လီၤ. ပလီၤဘှံးလီၤတီၤဒၣ်လဲာ် ပထီၣ်တၢ်အိၣ်ဖှိၣ်ရိဖှိၣ်န့ၣ် မ့ၢ်ယဟိဝၤယွၤ ပာ်သူၣ်ပာ်သးဝဲဧါ. အဝဲ ပာ်သူၣ်ပာ်သးဝဲလီၤ. ပဂုာ်ကျဲးစၢးဒံးအါန့ၣ် ယဟိဝၤယွၤ ပာ်လုၢ်ပာ်ပှ့ၤပတၢ်အဲၣ် ဒံးအါလီၤ.—မၢ်ကူး ၁၂:၄၁-၄၄.
၁၄. ယ့ၣ်ၡူးပာ်ဖျါထီၣ်ဝဲ တၢ်အဲၣ်လၢ တကွၢ်လီၤထဲ အနီၢ်ကစၢ်အဘျုးဒ်လဲၣ်.
၁၄ ယ့ၣ်ၡူးပာ်လီၤ တၢ်ဒိဂ့ၤတဲာ်ဘၣ်လၢ ဘၣ်ဃးဒီး တၢ်အဲၣ်လၢတကွၢ်လီၤထဲဒၣ် အနီၢ်ကစၢ်အဘျုးလီၤ. အဝဲသးအိၣ်တူၢ်သံသးလၢ အပျဲၢ်အဘီၣ်တဖၣ်ဂီၢ် တကးဒံးဘၣ် လၢအတၢ်အိၣ်မူအပူၤ အဝဲပာ်ဖျါထီၣ်ဝဲလၢ အသးအိၣ် အပျဲၢ်အဘီၣ်တဖၣ် ဒိၣ်န့ၢ်ဒံး အသးအိၣ်လီၤ အနီၢ်ကစၢ်အသးဒံးလီၤ. အဒိ ဖဲအဝဲလီၤဘှံး မ့တမ့ၢ် အသူၣ်အုးသးအုး အခါဒၣ်လဲာ် အဝဲထံၣ်လိာ်သး ဒီးအပျဲၢ်အဘီၣ်တဖၣ်ဒံးလီၤ. (လူၤကၣ် ၂၂:၃၉-၄၆) ဒီးအဝဲ အသးစၢၢ်ဆၢဝဲ တၢ်လၢအဟ့ၣ် ပှၤဂၤတဖၣ်သ့ ဒီးတသးစၢၢ်ဆၢဝဲ တၢ်လၢအကဒိးန့ၢ်ဝဲလၢ ပှၤဂၤတဖၣ်အအိၣ်န့ၣ်ဘၣ်. (မးသဲ ၂၀:၂၈) ပတၢ်အဲၣ် ယဟိဝၤယွၤ ဒီးပဒီပုၢ်ဝဲၢ်မုၣ်ခွါတဖၣ် မ့ၢ်ဒိၣ်ဒ်န့ၣ်န့ၣ် ပကမၤတၢ်ခဲလၢာ် လၢပမၤသ့ ဒ်သိးပကလဲၤထီၣ် ကစၢ်အတၢ်အီၣ် လၢဟါအီၣ် ဒီးထီၣ်တၢ်အိၣ်ဖှိၣ်ရိဖှိၣ် ထီဘိအဂီၢ်လီၤ.
၁၅. ပအဲၣ်ဒိးမၤစၢၤ မတၤတဖၣ်လဲၣ်.
၁၅ ခရံာ်ဖိအတၢ်ကရၢကရိ လၢအမ့ၢ်အတီ အိၣ်ထဲတခါဧိၤ ဒီးပအိၣ်ဘၣ်လၢအပူၤအဃိ တသ့ဖဲအသ့ ပသးအိၣ်သူ ပတၢ်ဆၢကတီၢ်ကလၤတံ ၆:၁၀) ပပာ်ဖျါထီၣ်လၢ ပအဲၣ်အဝဲသ့ၣ် ခီဖျိ ပဟ့ၣ်ဂံၢ်ဟ့ၣ်ဘါအဝဲသ့ၣ်လၢ ကထီၣ်ပတၢ်အိၣ်ဖှိၣ်ရိဖှိၣ်တဖၣ် လီၤဆီဒၣ်တၢ် ကဟဲထီၣ်ဝဲ တၢ်သ့ၣ်နီၣ်ထီၣ်က့ၤအမူးအဂီၢ်လီၤ. ဒ်ယဟိဝၤယွၤ ဒီးယ့ၣ်ၡူးအသိး ဖဲပှၤလၢအပတုာ် တၢ်ဟးစံၣ်တဲၤတဲလီၤတၢ်တဂၤ ဟဲက့ၤကဒါက့ၤ ဆူယဟိဝၤယွၤ လၢအမ့ၢ်ပပၢ်လၢအပှဲၤဒီးတၢ်အဲၣ် ဒီးပှၤကွၢ်သိတဂၤ အအိၣ်အခါ ပသးခုဒိၣ်မးလီၤ.—မးသဲ ၁၈:၁၄.
အါအါ လၢပကကွဲမုာ်ပှၤအသီတဖၣ် ဒ်သိးအဝဲသ့ၣ် ကဟဲပာ်ဖှိၣ် မၤသကိးတၢ်ဒီးပှၤအဂီၢ်လီၤ. ပအဲၣ်ဒိးမၤစၢၤပှၤလၢအ “စူၢ်က့ၤနာ်က့ၤတၢ်” ဒီး ပှၤလၢအပတုာ် အတၢ်ဟးစံၣ်တဲၤတဲလီၤတၢ်တဖၣ် ကိးဂၤဒဲးလီၤ. (၁၆. (က) ပဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ ကသ့ဒ်လဲၣ် ဒီးပတၢ်အိၣ်ဖှိၣ်ရိဖှိၣ် ကမၤစၢၤပှၤဒ်လဲၣ်. (ခ) ဆၢကတီၢ်ခဲအံၤန့ၣ် ဘၣ်မနုၤအဃိ မ့ၢ်တၢ်ဆၢကတီၢ်အဂ့ၤကတၢၢ်လၢ ပကသ့ၣ်နီၣ် ယ့ၣ်ၡူးအတၢ်ကတိၤဖဲ ယိၤဟၣ် ၃:၁၆ န့ၣ်လဲၣ်.
၁၆ နွံလၢအကဟဲအပူၤန့ၣ် တသ့ဖဲအသ့ ကွဲမုာ်ပှၤဂၤလၢ ကဟဲထီၣ် တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးဖဲ မုၢ်ယဲၢ်နံၤဟါခီ, လါအ့ဖြ့ၣ် ၁၉, ၂၀၁၉ တက့ၢ်. (ကွၢ်တၢ်လွံၢ်နၢၣ်လၢအမ့ၢ် “ မ့ၢ်နကကွဲမုာ် အဝဲသ့ၣ်ဧါ”) လၢနံၣ်လၢအကဟဲ ဒီတနံၣ်ကျၢၤအတီၢ်ပူၤ တသ့ဖဲအသ့ မ်ပဟ့ၣ်ဂံၢ်ဟ့ၣ်ဘါ လိာ်သးတဂၤဒီးတဂၤ ခီဖျိပပာ်ဖျါထီၣ် ဒိဂ့ၤတဲာ်ဘၣ်လၢ ပထီၣ်တၢ်အိၣ်ဖှိၣ် လၢယဟိဝၤယွၤ ရဲၣ်ကျဲၤန့ၢ်ပှၤထီဘိန့ၣ်တက့ၢ်. ဒ်တၢ်အကတၢၢ် ဘူးထီၣ်ဝဲအသိး ပလိၣ်ဘၣ်တၢ်အိၣ်ဖှိၣ်ရိဖှိၣ် လၢအကမၤစၢၤပှၤ ဒ်သိးပကအိၣ်ဒီး တၢ်ဆီၣ်လီၤသး, တၢ်သူၣ်ဒူသးဒူ ဒီးတၢ်အဲၣ်တၢ်ကွံန့ၣ်လီၤ. (၁ သ့းစၤလနံ ၅:၈-၁၁) ခီဖျိလၢ ယဟိဝၤယွၤဒီးအဖိခွါ အဲၣ်ပှၤဒိၣ်မးအဃိ မ်ပပာ်ဖျါထီၣ် လၢပအဲၣ်အဝဲသ့ၣ် လၢပသးဒီဖျၢၣ်တက့ၢ်.—ဖး ယိၤဟၣ် ၃:၁၆ တက့ၢ်.
တၢ်သးဝံၣ် ၁၂၆ ဆိးသီ ဒီးတူၢ်ခီၣ် အိၣ်ဂၢၢ်ကျၢၤတက့ၢ်
^ လံာ်အဆၢ. 5 တၢ်မၤတၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူး ကဘၣ်ဖဲ မုၢ်ယဲၢ်နံၤဟါခီ လါအ့ဖြ့ၣ် ၁၉, ၂၀၁၉ ဒီးကမ့ၢ်ဝဲ တၢ်အိၣ်ဖှိၣ်လၢ အရ့ဒိၣ်ကတၢၢ်လၢ ဒီးတနံၣ်ကျၢၤအဂီၢ်လီၤ. တၢ်မနုၤ ထိၣ်ဟူးထိၣ်ဂဲၤထီၣ်ပှၤ လၢပကထီၣ် တၢ်အိၣ်ဖှိၣ် တခါအံၤလဲၣ်. မ့ၢ်လၢပအဲၣ်ဒိး မၤသးခု ယဟိဝၤယွၤအသးအဃိလီၤ. လၢတၢ်မၤလိတခါအံၤအပူၤ ပကတဲသကိးဘၣ်ဃး ပလဲၤထီၣ် တၢ်သ့ၣ်နီၣ်ထီၣ်က့ၤအမူး ဒီးတၢ်အိၣ်ဖှိၣ် ကိးနွံဒဲးန့ၣ် ပာ်ဖျါထီၣ်ဝဲလၢ ပမ့ၢ်ပှၤဒ်လဲၣ်တဂၤလဲၣ်န့ၣ်လီၤ.
^ လံာ်အဆၢ. 52 တၢ်တဲဖျါထီၣ် တၢ်ဂီၤအခီပညီ– ဒီပုၢ်ဝဲၢ်တဂၤလၢ အလီၤဘၣ်လၢဃိာ်ပူၤ လၢအတၢ်နာ်အဃိန့ၣ် ဒိးန့ၢ်ဘၣ်တၢ်ဟ့ၣ်ဂံၢ်ဟ့ၣ်ဘါ ခီဖျိအဟံၣ်ဖိဃီဖိ ဆှၢန့ၢ်အီၤ လံာ်ပရၢအဃိလီၤ. မ့ၢ်လၢအသ့ၣ်ညါဘၣ်လၢ အဟံၣ်ဖိဃီဖိ တသးပ့ၤနီၣ်အီၤဘၣ် ဒီးလၢအလီၢ်ကဝီၤအပူၤန့ၣ် ထံကီၢ်တၢ်အိၣ်သးတဂၢၢ်တကျၢၤ ဘၣ်ဆၣ် အဟံၣ်ဖိဃီဖိ ဆဲးတီဒီးယဟိဝၤယွၤ အဃိအသးခုဒိၣ်မးလီၤ.