တၢးထီခိးတၢ်—လံာ်လၢတၢ်မၤလိအဂီၢ် လါယူၤ ၂၀၂၀
တၢ်ဂ့ၢ်လၢ တၢ်မၤလိအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါအီကူး ၃–၃၀, ၂၀၂၀.
“မ်နမံၤဘၣ်တၢ်ပာ်စီဆှံတက့ၢ်”
တၢ်မၤလိ ၂၃– လါအီကူး ၃–၉, ၂၀၂၀. လၢပှၤဟီၣ်ခိၣ်ဖိ ဒီးမူခိၣ်ကလူးတဖၣ်အဂီၢ် တၢ်ဂ့ၢ်လၢ အရ့ဒိၣ်ကတၢၢ်န့ၣ် မ့ၢ်မနုၤလဲၣ်. ဘၣ်မနုၤအဃိ တၢ်ဂ့ၢ်အံၤ မ့ၢ်တၢ်လၢ အရ့ဒိၣ်လဲၣ် ဒီးတၢ်ဂ့ၢ်အံၤ အဘၣ်ထွဲဒီးပှၤဒ်လဲၣ်. ပမ့ၢ်သ့ၣ်ညါ တၢ်သံကွၢ်တဖၣ်အံၤ အတၢ်စံးဆၢန့ၣ် ကမၤစၢၤပှၤဒ်သိး ပတၢ်ရ့လိာ်သးဒီး ယဟိဝၤယွၤ ကဂၢၢ်ကျၢၤထီၣ် အဂီၢ်လီၤ.
“ဟ့ၣ်ယၤ တၢ်သးစၢၢ်ဆၢပံၢ်ကလာ် လၢယကပျံၤ နမံၤအဂီၢ်တက့ၢ်”
တၢ်မၤလိ ၂၄– လါအီကူး ၁၀–၁၆, ၂၀၂၀. လၢတၢ်မၤလိအံၤအပူၤန့ၣ် ပကတဲသကိး စီၤဒၤဝံး အတၢ်ထုကဖၣ်ဖဲ စံးထီၣ်ပတြၢၤ ၈၆:၁၁, ၁၂ အပူၤလီၤ. ပကဘၣ်ပျံၤ ယဟိဝၤယွၤအမံၤန့ၣ် အခီပညီ အိၣ်ဒ်လဲၣ်. ဘၣ်မနုၤအဃိ ပကြၢးယူးယီၣ်ပာ်ကဲ ကစၢ်ယွၤအမံၤလဲၣ်. ဖဲပဘၣ်တၢ်လ့ပစီအခါ တၢ်ပျံၤယွၤန့ၣ် ကဒီသဒၢပှၤ ဒ်သိးပသု တမၤကမၣ်တၢ် တဂ့ၤအဂီၢ်ဒ်လဲၣ်.
ပှၤဖးလံာ်ဖိတဖၣ် အတၢ်သံကွၢ်
ထဲဒၣ် တၢ်ဂ့ၤတၢ်ဝါတဖၣ်လၢ ကလၤတံ ၅:၂၂, ၂၃ အပူၤန့ၣ် အမ့ၢ်ဝဲ “သးအတၤသၣ်” ဧါ.
“ယဲဒၣ်အံၤ ယၤဒၣ်လဲာ်, ယကဃု ယသိတဖု”
တၢ်မၤလိ ၂၅– လါအီကူး ၁၇–၂၃, ၂၀၂၀. ပှၤလၢအမၤယဟိဝၤယွၤ အတၢ်မၤလၢ အနံၣ်အါမးတဖၣ်န့ၣ် ဘၣ်မနုၤအဃိ အဝဲသ့ၣ် ယံၤထီၣ်ဒီးတၢ်အိၣ်ဖှိၣ် ကယီကယီလဲၣ်. ပှၤသ့ၣ်တဖၣ်အံၤ ကစၢ်ယွၤ ထံၣ်အဝဲသ့ၣ်ဒ်လဲၣ်. လၢပျၢၤ ယွၤအခ့အပှၤတနီၤလၢ အတမၤထွဲ ဒ်ကစၢ်ယွၤမၢအီၤအသိးန့ၣ် ကစၢ်ယွၤမၤစၢၤက့ၤအဝဲသ့ၣ်ဒ်လဲၣ်. ဒီးပန့ၢ်ဘၣ်တၢ်မၤလိလၢ ယဟိဝၤယွၤအအိၣ်ဒ်လဲၣ်. တၢ်မၤလိအံၤ ကပာ်ဖျါထီၣ်ဝဲ တၢ်သံကွၢ်တဖၣ်အံၤ အတၢ်စံးဆၢလီၤ.
ဟဲက့ၤကဒါဆူယအိၣ်
တၢ်မၤလိ ၂၆– လါအီကူး ၂၄–၃၀, ၂၀၂၀. ပှၤလၢအတဟးစံၣ်တဲၤတဲလီၤတၢ် မ့တမ့ၢ် တထီၣ်တၢ်အိၣ်ဖှိၣ် ယံာ်တ့ၢ်မးလံတဖၣ်န့ၣ် ယဟိဝၤယွၤ အဲၣ်ဒိးလၢ အဝဲသ့ၣ် ကဟဲက့ၤကဒါက့ၤဆူ အအိၣ်လီၤ. ယဟိဝၤယွၤ ကွဲမုာ်အဝဲသ့ၣ်လၢ “ဟဲကဒါက့ၤ ဆူယအိၣ်တက့ၢ်.” ပှၤလၢအအဲၣ်ဒိး ဟဲက့ၤဆူ ကစၢ်ယွၤအအိၣ်တဖၣ်န့ၣ် ပဟ့ၣ်ဂံၢ်ဟ့ၣ်ဘါ အဝဲသ့ၣ်သ့လၢကျဲအါမးလီၤ. တၢ်မၤလိတခါအံၤ ပကတဲသကိး ဘၣ်ဃးဒီး ပမၤဒ်န့ၣ် ကသ့ဒ်လဲၣ်န့ၣ်လီၤ.
