တၢးထီခိးတၢ်—လံာ်လၢတၢ်မၤလိအဂီၢ် လါအီးကထိဘၢၣ် ၂၀၁၈
တၢ်ဂ့ၢ်လၢ လံာ်အံၤအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါဒံၣ်စ့ဘၢၣ် ၃–၃၀, ၂၀၁၈.
တဲတၢ်တီတီလိၤလိၤ
ဘၣ်မနုၤအဃိ ပှၤဟီၣ်ခိၣ်ဖိတဖၣ် လံၣ်တၢ်လီတၢ်လဲၣ်, ဒီးအဝဲသ့ၣ် တူၢ်ဘၣ်က့ၤဝဲ တၢ်ကီတၢ်ခဲမနုၤတဖၣ်လဲၣ်, ပတဲတၢ် တီတီလိၤလိၤကသ့ဒ်လဲၣ်.
သိၣ်လိတၢ်မ့ၢ်တၢ်တီ
တၢ်ဆၢကတီၢ်လၢ ပကစံၣ်တဲၤတဲလီၤတၢ်အဂီၢ်န့ၣ် အိၣ်တ့ၢ်ထဲတစဲးအဃိ ပကဘၣ်ဂုာ်ကျဲးစၢး သိၣ်လိပှၤဂၤလၢ တၢ်မ့ၢ်တၢ်တီလီၤ. ပတၢ်ပီးတၢ်လီလၢ တၢ်သိၣ်လိနဲၣ်လိတၢ်အဂီၢ် န့ၣ်မၤစၢၤပှၤကသ့ဒ်လဲၣ်.
နာ် ပခိၣ်ယ့ၣ်ၡူးခရံာ်
ကစၢ်ယွၤ အတၢ်ကရၢကရိန့ၣ် အတၢ်ဆီတလဲအိၣ်ထီၣ်ဝဲ ကွ့ၢ်ကွ့ၢ်အဃိ မ့ၢ်ပဆဲးနာ်ပခိၣ်ယ့ၣ်ၡူးခရံာ်လၢ ဘၣ်တၢ်ဃုထၢထီၣ်အီၤအံၤ ကသ့ဧါ.
ပတၢ်အိၣ်သးဆီတလဲသနာ်က့ ပပာ်ပသးမုာ်မုာ်ခုၣ်ခုၣ်ကသ့ဒ်လဲၣ်
လၢတၢ်တမုၢ်လၢ်အပူၤ ပမ့ၢ်ထံၣ်ဘၣ်ဒီး တၢ်ဆီတလဲတဖၣ်န့ၣ် ဘၣ်သ့ၣ်သ့ၣ် ပသးကလီၤဘှံးလီၤ. ဖဲန့ၣ်အဆၢကတီၢ် “ယွၤအတၢ်ဃူတၢ်ဖိး” မၤစၢၤပှၤကသ့ဒ်လဲၣ်.
တၢ်အိၣ်မူ တၢ်လဲၤခီဖျိအဂ့ၢ်
ယဟိဝၤယွၤ ဆိၣ်ဂ့ၤယတၢ်ဆၢတဲာ် ထူးထူးတီၤတီၤ
ဖဲဒီပုၢ်ဝဲၢ် ခၠါလိၤ မိလိဟဲ အသးစၢ်အခါ အဝဲမၤလဲၢ်ထီၣ် အတၢ်စံၣ်တဲၤတဲလီၤတၢ်မၤ ခီဖျိတီၣ်ထီၣ်လံာ်လၢ ကလဲၤမၤတၢ်လၢဘ့ၤသ့လးအဂီၢ်လီၤ. ယဟိဝၤယွၤ ဆိၣ်ဂ့ၤအီၤ ထူးထူးတီၤတီၤ လၢအနံၣ်လၢအဆံတဖၣ်အတီၢ်ပူၤ ဒီးတုၤခဲအံၤလီၤ.